Процесот на купување , пак, е исто елитен како и самиот автомобил . На секој купувач му се приредува кралско доживување. Третманот се нарекува ,,Доживување во Молзајм” , во кое се канат само потенцијалните купувачи на Бугати. Тие се еден ден гости во штабот на производителот во францускиот град Молзајм.
По обиколката на главната зграда, тие возат тест круг со она возило кое им се допаѓа , а потоа во погонот даваат идеи како би сакале да им биде опремено. Моментално Бугати ги продава моделите Chiron и Chiron Sport, кои чинат 2,9 односно 3,26 милиони долари, а ќе бидат произведени во серија од 200 примероци.
Овие автомобили низ историјата ги возеле светските ѕвезди , а нивен сопственик е фудбалерот Кристијано Роналдо , раперот Џеј Зи , пејачката Бијонсе , како и боксерот Флојд Мејведер. Во Бугати се е луксузно , така што не постои пластичен дел . Дури и вентилациските отвори се направени од легура на титаниум и магнезиум. овие 200 возила ќе бидат на продажба до втората половина на 2021 , потврди претседателот на Бугати , Штефан Винкелман.
Од компанијата велат дека нивниот просечен купувач има колекција од околу 42 автомобили и поседува два приватни авиони. Половина од автомобилите од моделот Chiron се купени на невидено, а оние кои сакаат да се запознаат со луксузот на Бугати , имаат можност за тоа во ,,Доживувањето во Молзајм” во замокот Сент Жан.
Потенцијалните купувачи со приватни авиони стигнуваат во Молзајм , на границата меѓу Франција и Германија. Освен нив , Бугати ги кани и сопствениците кои веќе имаат од нивните луксузни автомобили.
Во просек , секој месец имаат по двајца потенцијални купувачи од Северна Америка , кои имаат можност да се запознаат и со историјата на Бугати и да ја видат уметничката колекција на истоименото семејство.
На некои од купувачите им е дозволено да се возат и со најстарите модели на Бугати , како на пример со моделот 35 од 1926 година. Некои од учесниците на ова доживување купуваат и по два автомобила – еден за во колекцијата , а еден за возење.