АМСМ го стартуваше проектот „Безбедни училишни зони"

Со доделување безбедносни елечиња и балони на учениците од четврто одделение во ОУ „Димитар Миладинов“ во Скопје кои заедно со учителката и во соработка со сообраќајната полиција поминаа две пешачки зони во близина на училиштето.

Со доделување безбедносни елечиња и балони на учениците од четврто одделение во ОУ „Димитар Миладинов“ во Скопје кои заедно со учителката и во соработка со сообраќајната полиција поминаа две пешачки зони во близина на училиштето, АМСМ денеска го стартуваше проектот „Безбедни училишни зони” (Star rating for schools) што оваа и наредната година ќе се спроведува на Балканот.

Проектот,  во кој како партнери се министерствата за образование и за внатрешни работи, има за цел да обезбеди анализа на ризикот и степенот на безбедност на децата во зоните околу училиштата преку мобилна и веб апликација.

- Апликацијата е универзална, лесна за користење и обезбедува предлози за брзи интервенции со кои зоните околу училиштата ќе биде што е можно побезбедни. Сето тоа ќе придонесе кон исполнување на глобалните цели на Обединетите нации за безбедноста на патиштата, со кои до 2020 година се очекува да се намалат за половина смртните случаи и сериозните повреди на патиштата. Апликацијата овозможува сите заедници во светот да имаат пристап до овие докази и анализи, за да ја проценат безбедноста на патиштата околу училиштата и да ги информираат надлежните органи за интервенциите кои можат да се преземат, велат од АМСМ.

Во фокусот на проектот, додаваат, се децата и младинци – пешаци.

АМСМ исто како и српскиот, косовскиот и бугарскиот авто-мото туринг клуб, есенва ќе спроведе анализа на зоните околу училиштата во Скопје, за да проценат колку ѕвезди имаат токму тие патишта, од кои една ѕвезда е зона со најголем ризик за пешаците, а пет ѕвезди е зона кој ги исполнува сите критериуми за безбедност во сообраќајот.  По анализата и обработувањето на податоците, АМСМ ќе достави официјален извештај и барање до надлежните институции за санирање на недостатоците кои ќе бидат увидени, за зголемување на зоните до четири или пет ѕвезди.

Овој проект веќе се спроведува низ светот и е поддржан од FedEx. /МИА

Заев: Над 200 функционери ќе бидат сменети, процесот ќе заврши на почетокот на јули

Над 200 лица ќе опфати најавената „метла" на премиерот Зоран Заев.

Покрај министрите, за кои веќе утре Собранието треба да ги разреши и да гласа за новите предлози на премиерот, ќе опфати заменици министри, директори на централно ниво, членови на управни одбори, надзорни одбори, директори на локално ниво…

Ова го најави премиерот Зоран Заев, кој оценува дека доволни се промените во министерските места во Владата и дека се продолжува со промените по вертикала, а очекува целиот процес да заврши на почетокот на јули.

– Голем дел од незадоволствоот беше концентрирано кон високи функционери кои ги нарекуваа и локални шерифи. Дел се политички функционери од СДСМ, каде се завршија големи промени, почнувајќи од најниско ниво, односно  претседатели на општинските организации, извршниот одбор, централниот извршен одбор, дел од потпретседателите се нови каде сме во финална фаза, директорските места се тие каде што допираат граѓаните и секако од министерските места и дел од заменичките министерски места, што ќе се случат во периодот што претстои. Јасно ја доловив пораката од граѓаните каде тоа лежи незадоволството и секако дадов шанса на одредени министри кои имаат поголем капацитет и можат да го покажат. Верувам дека успешно го завршуваме тој процес. На самиот крај ќе ги очекуваме и  следните решенија што ќе се случат на директорски места на централно ниво, во делот на управни одбор, надзорни одбори, на подрачните единици, директорски места на локално ниво. Комплетно ќе се работи за севкупна политичка и општествена промена на повеќе од 200 луѓе, рече премиерот.

Иванка Василевска и Мирче Адамчевски во „Само вистина“

Вечерва гости во „Само вистина“ беа Иванка Василевска и Мирче Адамчевски.

Во врска со владината „чистка“, нема втора шанса за прв впечаток, а првиот впечаток кој владата на Заев го покажа овие две години е апсолутно негативен, смета Василевска.
Реконструкцијата не најави ништо значајно и спектакуларно, еве не знам ни дали е добра смената на министерот за финансии Тевдовски бидејќи никој не ја знае причината за тоа, вели Адамчевски.

Договорот со Бугарија беше 90% спакуван од ВМРО-ДПМНЕ но се судривме со националните интереси и не се дозволија никакви отстапки, а за договорот со Грција пречеше содржината на текстот, објаснува Василевска.
Празни се зборовите дека Бугарија може да ни стави вето за во ЕУ, ќе си ја свиткаат опашката и ќе направат така како што ќе им каже САД, дециден е Адамчевски.

Во ситуацијата во која што е не би излегла сега власта да преземе ризик и да излезе на предвремени парламентарни избори на кои сигурно би била поразена, вели Василевска.
Чисти шпекулации беа најавите дека реконструкцијата е некаков предвесник за предвремени избори, ќе се оди директно на редовни, заклучува Адамчевски.

Погледнете ја целосно вечерашната емисија „Само вистина“ овде.

Германија покренаа обвинение против неонацистичка терористичка група

Главното државно обвинителство во Карлсруе денеска потврди покренување на обвинение против осуммина припадници на десничарската терористичка организација ,,Револуција Хемниц” .

Tие се обвинети за обид за урривањер на уставниот поредок на Германија. Конкретно , осуммината се обвинети сдека среде немирите во источногерманскиот град Хемниц , каде демонстрираа илјадници против мигрантите , кои убија маж на прослава, тие повикувале на воспоставување нов поредок во Германија.

Обвинетите повикувале преку комуникациската група Телеграм на формирање нов поредок со крајно десничарска идеологија. Од почетокот на октомври обвинетите се во притвор , а мнеѓу нив се лидерите на крајно десничарската групација од овој град.

До сега истрагата не утврди како и зошто беше убиен Германецот , кој наводно минатата година на прослава на денот на градот бил избоден со нож од страна на група мигранти од Ирак и Сирија.

притисни ентер