Живот

Завршила во затвор со четиригодишната ќерка , зашто во авион се напила чаша вино (ВИДЕО)

Британска докторка завршила во затвор во Дубаи заедно со својата 4 – годишна ќерка , зашто во авионот се напила чаша вино.

Докторката Ели Холман не знаела дека за да пие каков било алкохол во авионите на Емирати , без посебна дозвола , па завршила во затвор .

Британското МНР по овој случај , издаде соопштение со кое ги предупредува патниците кои имаат намера да патуваат со авион кон Обединетите Арапски Емирати , да не пијат алкохол за да не ја доживеат судбината на докторката од Кент.

Докторката Ели Холман поминала три дена во затвор , а уште требало да помине и еден месец во домашен притвор , пред да интервенира лично потпретседателот на ОАЕ , шеикот Ал Мактум . таа била уапсена веднаш по слетувањето во Дубаи , кога одговорила потврдно на прашањето дали пиела алкохол во авионот.

Докторката , која има шведско и иранско државјанство , живее 20 години во Британија. Во Дубаи патувала со својата четиригодишна ќерка Биби на пет дена . Во авионот за време на ручекот и била понудена чаша вино . Кога стигнала во Дубаи , цариниците откриле дека и истекла визата во иранскиот пасош , по што настанала расправија.

Меѓу другото, во расправијата цариниците ја прашале дали консумирала алкохол , а откако добиле потврден одговор , веднаш и направиле елко тест и ја притвориле заедно со ќеркичката , каде поминала три дена.

Таа за британските медиуми раскажува дека во затворот кон неа се однесувале нехумано – ја плукале и влечеле за коса , а на ќеркичката не и дозволувале да оди во тоалет , па морала да мокри на подот на ќелијата.

Дури откако утврдиле дека нема причина да ја задржуваат , и се извиниле и по интервенција на шеикот , била пуштена да се врати во Британија.

Фудбал

Алегри по ремито со Каљари: На полувремето требаше сите да бидат сменети, вклучително и јас

Тренерот на Јувентус, Масимилијано Алегри се осврна на синоќешниот натпреварот со Каљари на којшто неговиот тим се спасуваше од пораз.

Средбата од 33. коло во Серија А заврши 2:2, а Јувентус изедначи во последните минути со автогол на Алберто Досена.

- Пропуштивме седум контранапади и постојано грешивме. Требаше да се бориме, но не влеговме во дуел-игра и ја направивме секоја можна грешка од технички аспект. Во вториот дел играта се промени и се подобривме. Не можете да му го дозволите на противникот таков почетокот на натпреварот на противникот. Примивме два гола. Секогаш е тешко да се игра и да се победи во Каљари. Фудбалот е тежок спорт кој се состои од дуели. Моравме да бидеме на нивното ниво, можеби да играме потехнички.

На полувреме мораше сите да бидат заменети, вклучително и јас. Сега ни преостанува борбата за место кое обезбедува пласман во Лигата на шампионите. Што се однесува до купот, мислам дека со една нога сме во финалето, рече Алегри.

На 23 април торинскиот тим ќе игра со Лацио во реваншот од полуфиналето на Купот на Италија. Првиот натпревар заврши со резултат 2:0 во корист на Јувентус.

На табелата во Серија А, Јувентус е трет со 64 бодови. Пред него се Милан со 69 и Интер со 83. /МИА

Македонија

Хуманитарен настан за лекување на Кара Селовска

Општина Центар во сабота во Паркот на Франкофонија организира музички хепенинг за собирање средства за лекување на 12-годишната Кара Селовска, која се лекува во Барселона.

Настанот е во организација на сите осум основни училишта на подрачјето на општина Центар и со поддршка на Општина Центар.

Кара е ученичка во ООУ „Јохан Хајнрих Песталоци“ во Општина Центар, а поради сериозни компликации во моментот е хоспитализирана на клиниката во Барселона поради дијагностицирање на нејзината болест.

- Ова е втора акција која Општина Центар ја организира за собирање средства за лекување. Претходно, пензионерите од Центар организираа аукција на слики преку која собираа донации за Кара, информираат од Општината.

НБА

Њу Орлеанс последен избори плејоф во НБА-лигата

Кошаркарите на Њу Орлеанс пеликанс рано утрово забележаа победа над Сакраменто кингс со 105:98 во плејин натпреварот одигран на домашен терен.

Најефикасен играч на натпреварот беше Де'Арон Фокс ос Сакраменто кој постигна 35 поени.

Во победничкиот состав се истакна Брендон Инграм со 24 поени.

Пеликанс се пласираа во плејофот каде во првото коло ќе играат против Оклахома.

Покрај Њу Орлеанс место во разигрувањето за трофејот преку плејин обезбедија и Лос Анџелес лејкерс, Мајами Хит и Филаделфија.

Плејофот во најсилната кошаркарска лига на светот почнува вечер со натпреварите:

Кливленд кавалирс – Орландо меџик и

Минесота тимбервулвс – Феникс санс. /МИА