Македонија го освои вториот сребрен медал на Интернационалната олимпијада по информатика во Јапонија

 На 30-тата по ред Интернационална Олимпијада по Информатика (ИОИ 2018), која од 1-ви до 8-ми септември се одржува во Цукуба, Јапонија, македонските средношколци постигнаа уште еден огромен успех

Македонскиот тим на овој престижен натпревар од областа на програмирањето за средношколци во светски рамки, составен од учениците Владимир Максимовски, Мартин Динев, Андреј Величковски и Филип Михов, предводени од лидерите, м-р Весна Димитриевска и м-р Емил Станков од Факултетот за информатички науки и компјутерско инженерство, освои еден сребрен и еден бронзен медал. Со постигнатиот резултат, младите наши ученици уште еднаш, по кој знае кој пат, покажаа дека Македонија треба да се гордее со нив. Во текот на изминативе десетина години нашите претставници на ИОИ континуирано постигнуваат одлични резултати, освојувајќи медали речиси секоја година, но успехот оваа година е уште позначаен заради освоениот сребрен медал, кој е втор ваков медал во историјата на македонски учества на оваа олимпијада.

На ИОИ 2018 учествуваат вкупно 335 ученици од 87 земји од целиот свет. Во ваква исклучително силна конкуренција, вториот сребрен медал во историјата за Македонија го освои Владимир Максимовски, додека бронзениот медал го освои Андреј Величковски. И останатите двајца наши натпреварувачи постигнаа забележителни резултати, при што Мартин Динев беше на дофат на освојување на бронзен медал , а од ова извонредно достигнување го делеа само десетина поени од можните 600.

Од првото учество како независна држава на ИОИ во 1996 година, во последните години Македонија има резултати со кои може да се пофалат релативно мал број од земјите учеснички: освоени 2 сребрени и 16 бронзени медали, а особено земјите кои по големина се колку нашата.  

            ИОИ е најпрестижниот годишен интернационален натпревар во програмирање за средношколци кој традиционално се одржува во една од земјите кои се членки на ИОИ заедницата. Во речиси 90 држави од светот секоја година се организираат национални натпревари во програмирање. На овие натпревари учествуваат вкупно околу 250 000 ученици, сите со единствена желба, да се изборат за големата чест и привилегија да ја претставуваат својата држава на ИОИ.

            Според Претседателот на Здружението на информатичарите на Македонија, проф. д-р Миле Јованов: „Здружението неуморно работи на промоција на натпреварите и информатиката како наука, селекција на најдобрите натпреварувачи и нивна подготовка за екстремно напредните содржини кои се дел од олимпијадата. Во оваа прилика би се заблагодарил на медиумите кои преку споделување на информациите за постигнатите успеси ни помагаат да стигнеме секоја година до повеќе идни натпреварувачи кои ќе ги заинтересираме за информатиката, а особено сум благодарен на институциите и општествено одговорните компании како Агенцијата за млади и спорт, Факултетот за информатички науки и компјутерско инженерство, ГрабИТ, Докстим, Семос едукација, Сорсикс и Нетцетера за нивната финансиска поддршка во спроведувањето на натпреварите."

              

            Следната, 31-ва по ред, Интернационална Олимпијада по Информатика (ИОИ 2019), ќе се одржи идната година во Баку, Азербејџан.

Министерот за внатрешни работи на Македонија Оливер Спасовски во „Само вистина“

Спасовски во,, Само вистина“:  Груевски  ја поминал границата преку илегален премин- сопругата  и мајката на Груевски се во Македонија

Министерството за внатрешни работи распиша меѓународна потерница по екс премиерот Никола Груевски , за кого се потврди дека бил во Република Унгарија во Будимпешта каде денеска поднесол и барање за азил. Полициското обезбедување последен пат со Груевски се виделе во четвртокот вечерта  во 23 часот и триесет минути .

Кога заминал во Унгарија, како било организирано бегството од кого имал логистика дали е вклучена некоја странска земја, се прашања на кои деновиве ќе работи МВР. Она што е извесно, вели Министерот Оливер Спасовски во ,, Само Вистина“ е дека на легалните премини нема излегување на лицето Никола Груевски , веројатно тоа е направено на  некој илегален премин  во таа зелена зона на границата каде чувањето не е патролно и херметички. Тоа се оние премини кои ги користат мигрантите при илегалните поминувања. Спасовски исклучи можност бегството да е направено по воздушен пат. Факт е дека имал поддршка од обезбедувањето и истражуваме кој ја дал таа поддршка, но не исклучи можност таа да е дадена и од дел на некои луѓе на ВМРО ДПМНЕ. Министерот за внатрешни работи соопшти дека бил обавен разговор со мајка му и со сопругата која дозволила полицијата да провери дека не е дома а и двете се во Р. Македонија.

Погледајте го целото интервју во кое Спасовски говори и за можноста за екстрадиција и за тоа дали барањето на азил може да ја оддолжи испораката на Груевски,ако дозволат властите на Унгарија и премиерот Орбан со кој Груевски имал добри односи.

Во Љубљана се одржа прв протест на трансродни лица

Десетина трансродни лица , протестираа низ Љубљана со барање државата да им ја олесни процедурата во впишувањето на промената на полот во личните документи.

Трансродните лица се собраа во парк во Љубљана и ги претставија своите барања , а потоа протестот го продолжија пред Министерството за внатрешни работи.

Претседателот на здружението ,, ТрансАкција” , Лин Џулиан Колетник изјави дека со овој протест сакаат да предупредат на кршење на човековите права на трансродните лица.

Одбележани 60 години на ЈЗУ Геронтолошки завод „13 ноември“

Во малата сала на Македонскиот народен театар, попладнево, се одбележа  60 годишниот јубилеј од  постоењето на ЈЗУ Геронтолошки завод „13 Ноември“ - Скопје.

На Денот на ослободувањето на главниот град, една од најстарите здравствени установи во Македонија се стекна со наградата „13 Ноември“, за големиот и значаен придонес во сферата на здравствената заштита и грижа за повозрасните лица. Во рамки на манифестацијата, директорката на Геронтолошкиот завод „13 Ноември“, Салија Љатиф – Петрушевска, му врачи благодарница на градоначалникот  Стефан Богоев, за несебичната поддршка и соработка со Општина Карпош.

Во состав на Геронтолошкиот завод „13 Ноември“, функционира и домот за стари лица „Мајка Тереза” кој се наоѓа во населбата Злокуќани, со кој Општина Карпош има постојана и успешна соработка.

Локалната самоуправа и градоначалникот Стефан Богоев често пати ги посетуваат лицата кои престојуваат во оваа установа во Карпош, а по тој повод се организираат и хуманитарни активности, при што се донира храна, облека, средства за хигиена и сл, се наведува во соопштението од општина Карпош.

притисни ентер