Димитров: Убеден сум дека референдумот ќе успее

Убеден сум дека референдумот ќе успее, бидејќи ние секогаш кога имаме крупна историска раскрсница избираме мудро и мислам дека така ќе биде и во овој случај, рече министерот  Димитров на  тркалезната маса „Евроатлантска иднина за Мaкедонија".

Референдумот, како што посочи тој, е политичка легитимација на правецот по кој ние мислиме дека треба да одиме.

- Решивме храбро, искрено и отворено да им погледнеме во очи на проблемите. Успеавме да затвориме еден спор што не влече назад три децении и да ги отвориме вратите кон иднината. Се работи за нашата стабилност и безбедност, за нашата финансиска благосостојба и за пристап до најдобрата алатка за реформа што постои, а тоа се пристапните преговори со ЕУ. Решението е тука, до сите нас како граѓани е да одлучиме дали ќе одиме напред кон иднината и интеграциите или ќе одиме назад кон изолација, рече Димитров и додаде дека нема друга алтернатива за патот напред.

Многу важно е, како што истакна министерот, што успеавме во овој компромис да го сочуваме она што ни е најважно, а тоа е идентитетот и идентитетските прашања.

- Многу е важно оваа втора шанса на нашата генерација да се затрчаме и да го фатиме возот, додаде Димитров.

На прашање дали може да се очекуваат нови избори доколку договорот не добие поддршка, Димитров рече дека сето тоа е второстепено во однос на одлуката што треба да се донесе на референдумот.

- Мислам дека од аспект на влогот што го имаме со референдумот се друго е многу маргинално. Изборите имаат врска со партии кој е на власт, кој е во опозиција, а пред нас е едно многу важно прашање кое е за иднината на Македонија и за иднината на сите нас, рече Димитров.

Во однос на тоа што опозицијата не го соопштува својот став околу референдумот, Димитров рече дека историските одлуки бараат чесен однос кон граѓаните и одговорност.

- Не сите граѓани можат да проценат геополитички во каква состојба е Балканот и кои се можните компликации ако ние не успееме и ако се вратиме во чекалната и што ќе биде со Македонија за пет или 10 години од денес, истакна Димитров.

Тркалезната маса е во организација на Институтот за европска политика, Институтот за демократија „Социетас цивилис" и Центарот за економски анализи, а во соработка со Аспен институтот од Берлин.

Ибрахимовиќ ги воодушеви своите фанови со објава на социјалните мрежи

Шведскиот фудбалски мајстор Златан Ибрахимовиќ (39) испрати јасна порака до напаѓачот на Интер, Ромел Лукаку, по победата во градското дерби (2: 1) во кое ги постигна двата гола за „росонерите“.

„Милан никогаш немал крал, но има Бог“, напиша на Твитер Ибрахимовиќ (39).

Тоа бил неговиот одговор на Белгиецот кој во февруари по последното Derby della Madonnina, во кое Интер победи со 4-2, напиша „Нов крал пристигна во градот“.

Осум месеци подоцна, Ибрахимовиќ одговори во свој стил.

Од вторпат во редовите на „росонерите“ во декември минатата година, Ибрахимовиќ постигна 16 гола на 23 настапи.

По четири одиграни кола во Серија А, Милан води со максимални 12 бода, додека Интер е шести со седум бода.

Хит на ТикТк со 3 милиони прегледи: Жена се трка во 9-ти месец од бременостa(ВИДЕО)

Видеото на 28-годишната Макен Мајлер која трча во деветтиот месец од бременоста стана вирален хит.

Оваа Американка трчала пет до шест пати неделно во текот на целата бременост. На почетокот на бременоста се загрижила како би изгледало нејзиното трчање во подоцнежната фаза. Таа му рекла на својот сопруг дека проценила дека сепак ќе успее да истрча 1,6 километри за 7 минути.

„За да ме мотивира, тој рече дека ќе ми даде 100 американски долари ако можам да истрчам милја за осум минути, и тоа во деветтиот месец од бременоста“, рече таа за „Базфид“.

Не само што успеала да го одржи ветувањето, туку го сторила тоа за 5:25 минути, а не за осум, како што бил договорот. Видеото на ТикТок во кое трча е прегледано над 3 милиони пати.

"Мојот прв лекар ме поддржуваше затоа што порано работел со спортисти. Вториот беше малку поскептичен, се додека не направивме ултразвук што покажа дека бебето е целосно здраво. После тоа, тој само ја истакна важноста на поголемиот внес на калории", објаснува Мајлер.

„Општо, ако некој направил одредени вежби пред бременоста, може да продолжи да ги прави и за време на бременоста, со некои исклучоци (топла јога и спорт со близок контакт, на пример). Треба да се преземат општи мерки на претпазливост, односно да обрнете внимание на хидратацијата, запрете при вртоглавица или ако се чувствувате болни. И, се разбира, ако станува збор за ризична бременост и лекарот ве советувал на одмор, тогаш треба да се избегнува физичка активност “, додава д-р Џенифер Линколн за BuzzFeed.


НАСА ја избра Нокиа за изградба на првата мобилна мрежа на Месечината

НАСА ја избра финската компанија Нокиа за изградба на првата мобилна мрежа на Месечината, соопшти денеска компанијата.

Мрежата на Месечината ќе биде дел од напорите на американската вселенска агенција да ги врати луѓето на Месечината до 2024 година и таму да изградат долгорочни населби врз основа на програмата Артемис, објави Ројтерс.

Нокиа објави дека првиот безжичен широкопојасен систем за комуникација во вселената ќе биде изграден на Месечината на крајот на 2022 година, пред луѓето да заминат таму.

Мрежата ќе обезбеди комуникација за многу различни апликации за податоци, вклучително витални функции за команда и контрола, далечински управувач на лунарните ровери, навигација во реално време и пренос на видео со висока резолуција, соопшти Нокиа.

притисни ентер