Нема веќе бензински пумпи , се градат електрични патишта од иднината

Шведска го претстави првиот пат од иднината , без бензински пумпи ,  а наместо тоа со систем за полнење електрични автомобили.

Патот , долг два километра ги поврзува аеродромот Арланда во главниот град Стокхолм со приградска населба. Додека вози автомобил по него ,му  се полнат електричните батерии. Патот користи технологија на проводен полнач , така што енергијата се префрла од електричните шини инсталирани на патот во возилото со помош на рачка што се активира во него.

Тестовите на патот , полиен со солена вода покажаа дека по патот може да се оди пеш без опасност од струен удар.  Полнењето се прекинува кога возилото застанува , а системот самиот ја пресметува потрошувачката на енергија на секое возило , па според тоа и цената што секој треба да ја плати за полнење.

Проектот е дел од програмата за намалување на користењето на фосилни горива , така што до 2030 би се намалила нивната потрошувачка и нивото на издувни гасови за 70 проценти.

Километар на ваков пат чини милион долари , а за само три години државата планира да изгради 20 000 километри вакви патишта низ целата Шведска.

притисни ентер