Федерер и Ѓоковиќ во полуфинале во Синсинати

Новак Ѓоковиќ победи во два натпревари во рамките на неколку часа и се пласираше во полуфиналето на турнирот од сериите „Мастерс“ во Синсинати.

Србинот го совлада Григор Димитров во одложениот натпреавр, а потоа победи со 2:1 во сетови во четвртфиналето против Канаѓанецот, Милош Раониќ по 7:5, 4:6, 6:3.

Во третиот решителен сет Ѓоковиќ дозволи брејк во третиот гем, но веднаш го врати и потоа направи уште еден, за да го заврши натпреварот по два и пол часа игра.

Во полуфиналето 10-тиот во шемата ќе се сретне со Хрватот Марин Чилиќ, кој победи против Пабло Карел-Буста (Шпанија) со 7:6 (7), 6:4. Ѓоковиќ е петкратен финалист во Синсинати, но никогаш не ја освоил титулата.

- Многу сум задоволен. Покажав здрава психа и успеав да израмнам сет негатива и во двата натпревари. Очигледно натпреварот против Димитров не започна добро за мене. Тој играше одлично на почетокот. Прекините поради дождот се одразуваат лошо, зашто мускулите се загреваат и се ладат додека чекаш, рече Ѓоковиќ по двата натпревари.

Програмата на „Мастерс“ турнирот во Синсинати беше исклучително тешка по третиот круг поради дожд. Две победи во рок од неколку часа забележа и Роџер Федерер. Швајцарецот се справи во два сета со Леонардо Мајер во третиот круг по 6:1, 7:6 (6), а во четвртфиналето го надигра својот сонародник Стен Вавринка со 6:7 (2) 7:6 (6) 6:2.

Двајцата пријатели разменија еден сет по тајбрејк кога грмотевиците ја прекина средбата за некое време. По враќањето на теренот, Федерер беше беспрекорен и го освои решавачкиот третиот сет со 6:2. 

Хуан Мартин Дел Потро, исто така, одигра два натпревари за еден ден, но го загуби вториот. Аргентинецот го доврши прекинатиот поради дожд дуел против Ник Кириос со победа, но потоа заморот одигра огромна улога и Дел Потро отстапи пред Белгиецот Давид Гофан по два тајбрејка - 6:7 (5), 6:7 (4).

Гофан првпат ќе игра полуфинале во Синсинати, каде што ќе има сериозна пречка во лицето на Роџер Федерер.

Јувентус го враќа легендарниот Буфон од ПСЖ

Голманот на францускиот шампион, богатиот ПСЖ, Џанлуиџи Буфон може да се врати во Јувентус, објави „Газета Дело Спорт“.

 Италијанскиот гигант е подготвен да плати за ангажман на 41-годишниот легендарен голман четири милиони евра за потпишување на едногодишен договор.

За потсетување, договорот на Буфон со парискиот клуб истекува на 30 јуни.

Агентот на голманот, Силвано Мартин забележа дека враќањето на легендарниот голман во Јувентус е само идеја.

– Засега, тоа е само идеја – вели Мартин.Јувентус планира по завршување на кариерата, Буфон да остане во клубот и да работи како тренер на голманите.

Црвената ѕвезда е 35 милиони евра во минус

Српскиот шампион Црвена Ѕвезда заклучно со крајот на 2018 година е во црвено во износ од  34,348.500 евра, според финансискиот извештај објавен на веб страната на Агенцијата за стопански регистри.

Според извештајот, вкупниот долг на Ѕвезда изнесува 45,542.516 евра, но кога ќе се одбие  нераспределена добивка од 11,176.016 евра, вистинскиот долг е малку помал и изнесува 35 милиони евра.

"Оваа ситуација ги зголемува сомнежите во врска со способноста на клубот да продолжи со стабилното работење. Тимот во 2016, 2017 и 2018 година постигна значајни приходи од натпреварите на УЕФА и продажба на сувенири , но со зголемување на добивката , се зголемија и  трошоците на клубот. Опциите за подобрување на финансиската состојба се многу ограничени и зависи исклучиво од трансфери и отпис на обврските кон доверителите ", се наведува  во извештајот.

Минатата година клубот имаше добивка од речиси 60 милиони фунти, но тоа не беше доволно да го извади клубот од минусот. На извештајот реагира директорот на клубот,  Марко Петровиќ, кој смета дека тоа е нереално.

"Ние веќе рековме дека извештајот содржи некои елементи, кои клубот не е должен да ги плати. Црвена Ѕвезда има долг од 14 милиони евра, но тоа во никој случај не пречи на  нормалното функционирање на клубот", рече Петровиќ.

Тениската легенда ги распродава трофеите за да си ги отплати долговите

Легендарниот германски тенисер Борис Бекер банкротираше во јуни 2017 година поради тоа што не можеше да ги отпалти долговиоте кон банката  Арбутнохот Латам.

Иако ја избегнува правдата, тој сепак ќе мора да се  прости од своите трофеи, медали и други предмети што ќе бидат понудени на аукција од Wyles Hardy & Co. , со што ќе ги подмири долговите.

Инаку, Бекер загуби речиси 100 милиони евра на пропаднати инвестиции во нафтениот бизнис во Нигерија. Судот во Лондон, поради долг од околу 12 милиони евра, прогласи банкрот од споменатата лондонска банка, но тој се повика на својот дипломатски статус, бидејќи стана културен аташе на Централноафриканската Република во Европската унија. Сепак, подоцна се откажа од дипломатскиот имунитет и процесот продолжи.

Се очекува на аукцијата да бидат продавани трофеи од неговите шест победи на Гренд Слем, како и медали, опрема, облека и други предмети . Според медиумите, ќе има на продажба дури 82 предмети. Вредноста се проценува на 220.000 евра, иако се надеваат дека ќе бидат ппалтени  уште повеќе на аукцијата, бидејќи такви предмети ретко доаѓаат на отворен пазар. Аукцијата треба да се одржи на 11-ти јули.

притисни ентер