Како „Infiniti” ја гледа иднината на автомобилите (фото)

Луксузниот подбренд на Nissan, Infiniti ќе го претстави новиот електричен концепт, наредната недела во Пебл Бич.

Infiniti премиерата ја најави со неколку скици кои покажуваат како би требало да изгледа Prototype 10.

Доколку вистинската верзија биде како прикажаното, тогаш тоа ќе биде еден од најубавите автомобили во светот.

Дизајнот претставува еволуција на Infiniti Q Inspiration концептот, кој е претставен претходно оваа година.

„Нашиот нов концепт ја најавува електричната иднина, нешто што се гледа во неговата форма и деталите. Инспирацијата ја најдовме во оптимистичката ера во која автомобилите ги карактеризира едноставната љубов спрема возењето“ – изјави извршниот директор на дизајнот во Infiniti, Карим Хабиб.

За жал, како и повеќето концепти и Prototype 10 најверојатно ќе остане само реклама, бидејќи тешко е да се очекува дека првиот електричен модел на Infiniti, планиран за 2021, ќе биде едносет кабриолет.

Најверојатно тоа ќе биде седан базиран на претходно споменатиот Q inspiration концепт.

Infiniti Q Inspiration Concept

притисни ентер