Политичката криза најверојатно е една од причините за зголемениот број на банкротирани фирми, велат од економија, откако вчера НБРМ во извештајот за финансиска стабилност нотираше дека лани стапката пораснала на 3,2%, откако претходната година била на ниво од 2,1%.
Со сигурност не можат да се утврдат причини вели Бектеши, но посочи можни две.
„Не може да се каже со сигурност што е конкретната причина за податоците што ги извади НБРМ, но треба да се има предвид дека Министерството за економија не направи измени во регулативата во 2016 и 2017. Што се однесува до постапката за влез или излез на пазарот, тоа го води Централниот регистар“ изјави Крешник Бектеши, министер за економија.
Бектеши информираше и за мерките за раст на конкурентноста. Првите 20 милиони денари се исплатени на вкупно 81 компанија. Средствата се доделени по принципот „прв дојден-прв услужен.“
Министерот вели дека тој лично не е поврзан со ниту една компанија, додека специјална комисија ќе испитува дали некој друг функционер е на листата.
„Процедурата за оваа мерка беше завршена пред да се објави поддршката од Фондот за иновации и апликациите во рамки на Агенцијата за странски инвестиции. Можам да ви ја доставам листата на сите компании што добиле средства, но треба да се има предвид дека во Министерството за економија средствата се доделуваат по принципот „прв дојден-прв услужен.“ Не побаравме изјава од компаниите за тоа дали има функционери во нивната сопственичка структура зашто процедурите веќе беа завршени, а комисијата ги донесе одлуките пред еден месец. Во однос на конфликтот на интереси, за мене лично можам да кажам дека ниту еден од моите роднини или блиски не аплицирал за овие мерки. За другите функционери, формиравме комисија, а истовремено ќе ја побараме и сопственичката структура на сите 81 компанија што добија средства. Ако има конфликт на интереси, ние ќе објавиме, но истовремено и вие ќе може да ја побарате, вклучувајќи го и управителот на компанијата“, изјави министерот за економија Крешник Бектеши
Интересот на фирмите за Програмата за конкурентност се зголемил, вели Бектеши. Пријавени биле голем број компании, а државна помош добиле 128.