При несреќата, според италијанските медиуми, се урнале околу 200 метри од надвозникот, кој бил висок 100 метри, од каде што паднале десетина автомобили.

Официјалната бројка на жртви во моментов изнесува 11, но италијанските власти стравуваат дека нивниот број ќе расте.

Италијанскиот министер за транспорт, Данило Тонинели изјави дека се работи за “огромна трагедија”.

На видео снимките се гледа како еден од столбовите што го држат мостот се урива, за време на невреме.

Голем дел од мостот паднал врз железничката пруга, а со мостот паднале автомобили и камиони.

Мостот е изграден во 60-тите години и е познат како мостот Моранди.

Првичните информации велат дека до уривањето дошло поради недоволната стабилност на конструкцијата на надвозникот.

Повеќе за деталите од оваа стравична трагедија во Италија од телефонскиот разговор со оперскиот пејач Благој Нацоски, кој е во Џенова.