Ансамблот на „Игњац Фукс" ја воодушеви публиката со класична и неокласична музика

Вистинско уметничко доживување со класична и неокласична музика приреди синоќа ансамблот на „Игњац Фукс“во црквата „Света Софија“ настапувајќи во рамките на фестивалот „Охридско лето“. 

На програмата беа Квинтет g-moll од Сергеј Прокофјев, Свита за трио за кларинет, виолина и пијано од Александар Арутиуниан, Квартет од Иван Мулер, како и Трио за обоа, виола и контрабас, дело на Јохан Михаел Хајдн.

- Делата се од различен период, но станува збор за класична и неокласична музика. Конкретно, за Квинтетот од Сергеј Прокофјев, се работи за несекојдневна музика, напишана за балетска група во 1929 година и од тој балет е редуциран квинтетот. Доста драматична музика, доста хаотична, но на моменти прекрасна, а на моменти возбудлива, така како што треба да биде музиката, вели познатиот контрабасист Илин Диме Димовски.

Ансамблот на „Игњат Фукс“ е формиран годинава, специјално по повод 150-годишнината од раѓањето на композиторот Игњац Фукс.

- Тоа е една од причините за обединувањето на еден ваков состав, но од друга страна, на овие простори недостига ваков ансамбл од мешовит тип кој може да се прилагодува на каков било концерт и настан, додаде Димовски.

Во ансамблот на „Игњац Фукс“ членуваат македонско-австриската виолинистка Фросина Богдановска, хрватскиот уметник Хрвоје Филипс кој свири на виола, македонско-хрватскиот контрабасист Илин Диме Димовски кој работи во Загрепската филхармонија, српскиот кларинетист Александар Тасиќ, обоистот Дарио Голчиќ од Хрватска, како и македонската пијанистка Јана Павловска-Молц која живее и работи во Чикаго.

- Мене ми е многу драго што сум дел од еден ваков состав направен од фантастични уметници. Сите живееме на различни просотори и настапуваме на различни места, така што имавме многу малку проби, но брзо се вклопивме, вели виолинистката Богдановска.

Овој ансамбл составен од извонредни уметници од поранешните ју-простори, во текот на идната година ќе се вклучи во одбележувањето на 150-годишнината од раѓањето на композиторот Игњац Фукс (1819 –1854), чие вистинско име е всушност Ватрослав Лисински. /МИА

Американските компании заработуваат милијарди од продажба на оружје

Според Меѓународниот институт за истражување во Стокхолм , во 2016 стоте водечки компании за производство на оружје и воена опреам во светот оствариле профит од 375 милијарди долари. 

За 2017 институтот нема податоци , но затоа се појавија во специјализираното списание Defense News.  . Таму составиле листа од 100 најголеми производители на воена опреам и оружје во светот.Од шест први компании во светот , пет места имаат  американските .

Прва е компанијата Локид Мартин , која ги произведува воените авиони Ф-35 и Ф-16. Мионатата година во одбрамбениот сектор компанијата имала приход од 47,985 милијарди долари , што е раст од 10 проценти во однос на 2016. Воедно , тоа се 94 проценти од вкупните приходи на компанијата.

На второ место е американската компанија Raytheon чии приходи лани од продажбата на оружје и одбрамбени системи изнесувале 23 , 574 милијарди долари. На трето емсто е британската BAE Systems , која заработила лани 22,38 милијарди од продажба на оружје или за пет проценти помалку од 2016.

Веднаш по британската , следуваат уште три американски компании и тоа Northrop Grumman со 21,7 милијарди долари профит за 2017, потоа Boing со 20, 561 милијарди и General Dynamics со приход од 19, 587 милијарди долари .

Далеку зад нив е Европскиот Erbas со 11,186 милијарди приход од одбрамбениот дел , а дури на осмото место е руската Almaz-Antey со 9,125 милијарди приходи од оружје и опрема.

Десетици загинаа во поплавите во Индија (ВИДЕО)

Силните монсунски дождови предизвикаа незапаметени поплави во јужната индиска држава Керала.

Во поплавите , свлечиштата , урнатите мостови и куќи , предизвикани од силните дождови од почетокот на неделава загинаа најмалку 67 луѓе. Денеска црниот биланс се зголеми за уште 25 жртви.

Според тамошните власти , состојбата во прифатните центри , каде се сместени илјадници евакуирани нема да се подобри , зашто се поголем број луѓе бегаат пред поплавите , а дождовите нема да престанат до сабота.

Во прекин е и аеродромскиот сообраќај на единствениот меѓународен аеродром во областа , во градот Кочи , поради поплавените писти.

Инаку , Керала е познато летувалиште со прекрасни плажи и одморалишта . Сезоната на монсуни во овој дел од Индија трае од јуни до септември.

Хрватски министер спасувал српски туристи

Хрватскиот министер за труд, Марко Павиќ помогнал двајца српски туристи да не се удават кај островот Брач.

За време на силното невреме што го зафати поголемиот дел на Јадранското Море  во текот на вчерашниот ден , двајца српски туристи почнале да се дават во разбрануваното море. Министерот за труд на Хрватска , Марко Павиќ , кој се нашол на брегот во близина на местото Милни , на Брач , помогнал во нивното спасување.

Татко и ќерка од Србија се обуидувале да го спасат чамецот и завршиле во морето , а постоела опасност да сде удрат во карпите покрај брегот. Павиќ заедно со уште еден локален жител успеале да ги спасат.

Инаку , поради невремето на Јадранот во текот на вчерашниот ден хрватскиот Центар за спасување на море добил над 120 повици. Во 50 спасувачки акции биле спасени 65 лица, соопштува Министерството за море, сообраќај и инфраструктура на Хрватска.

Најголем број повици , за среќа без фатални последици имало во шибенскиот , сплитскиот и дубровничкиот регион , каде силните бранови оштетиле голем број пловила.

притисни ентер