Парма ја стартува сезоната без одземени бодови, намалена казната на Калајо

Апелациската комисија на Италијанската фудбалска федерација ја поништи казната на повратникот во елитата Парма за одземање 5 поени за новата сезона. 

Санкцијата на напаѓачот Емануеле Калајо од две години забрана беше сведена на четири месеци. Тој, исто така, ќе мора да плати казна од 30.000 евра.

По враќањето во Серија „А“ тимот беше обвинет за обид за местење на натпреварот од последното коло на минатата сезона во Серија „Б“ против Специја. На Парма и беше потребен успех за да обезбеди директна промоција и победи со 2:0 при гостувањето. 

Обвинителството го истражуваше натпреварот поради СМС-и во телефонот на 36-годишниот напаѓач на тимот, Емануеле Калајо. Со пораки, тој ги повикува играчите на Специја да не даваат се од себе на теренот. 

Калајо призна за пораките, но ги дефинираше како шега. /МИА

„Билд": Венгер ќе го замени Ковач на чело на Баерн

 Во Минхен денеска ќе се одржи вонредна прес-конференција на Баерн, на која се очекува да биде објавено разрешувањето на тренерот Нико Ковач и неговата замена со Арсен Венгер, соопшти „Билд“.

Францускиот стратег неодамна потврди дека планира да започне со работа на 1 јануари. Тој 22 години беше менаџер на лондонски Арсенал и го напушти клубот по крајот на минатата сезона. Баерн Минхен моментално е само шести во Бундеслигата, заостанувајќи четири поени од Борусија Дортмунд.

Во Лигата на шампионите Баварците освоија четири поени во два натпревара и се втори во групата „Е“. Досега тие се во серија од четири натпревари без победа на различни турнири.

На денешната прес-конференција ќе присуствува и претседателот на управата на Баерн, Карл-Хајнц Румениге и спортскиот директор Хасан Салихамиџиќ. 

ЦСКА Москва со трета победа во Евролигата

 Екипата на ЦСКА Москва ја забележа третата последователна победа во кошаркарската Евролига по успехот над турскиот тим Дарушафака со 79:75.

„Армејците“ губеа со седум поени на полувремето, но тие одиграа многу силна трета четвртина, во која поведоа и го задржаа водството до крајот. 

Со победата, ЦСКА е на врвот на табелата со шест поени.

Барселона, пак, го совлада Баерн Минхен со 83:73 во уште еден натпревар од третиот круг. Анте Томиќ постигна 18 поени за Барса, а за Баварците со 16 поени заврши Ло Маодо.

За Барселона ова е прва победа во првите три натпревари од Евролигата и тимот го зазема седмото место на табелата. Баерн има слични индикатори и е на деветата позиција.

Панатинаикос ја победи Гран Канарија со 102:87. Дуелот беше изедначен само во првиот дел, по што Грците направија солидно водство, кое го одржуваа до крај. Кит Лангфорд и Лукас Лекавикус постигнаа 16 поени за победата.

Макаби Тел Авив ја забележа првата победа за сезоната по 78:68 над Будуќност. Скоти Вилбакин постигна 28 поени за Макаби.

Натпревари од 3.коло во Евролига:

ЦСКА Москва - Дарушафака 79:75

Будуќност - Макаби Тел Авив 68:78

Панатинаикос - Гран Канарија 102:87

Барселона - Баерн Минхен 83:73.

Србија и Косово нема да играат во квалификациите за ЕП 2020

Ждребот за квалификациите за Европското првенство 2020 ќе се одржи на 2 декември во Даблин. Европската куќа на фудбалот денеска утврди кои тимови нема да бидат во иста група. Србија и Косово сигурно нема да бидат во иста група.

Европското првенство ќе се одигра по првпат во девет земји, а УЕФА одлучи кои репрезентации нема да може да се сретнат во квалификациите, поради нарушените односи и големите тензии кои тие натпревари може да ги донесат.

Репрезентацијата на Србија нема да биде во групата со Косово, а со овој тим нема да може да се сретне ни националниот тим на Босна и Херцеговина.

Покрај овие натпревари, не се можни ниту средбите меѓу Украина и Русија, Гибралтар и Шпанија, како ни дуел на Ерменија и Азербејџан.

притисни ентер