Алегри објасни зошто одбил да го преземе Реал Мадрид

Тренерот на Јувентус, Масимилиано Алегри потврди дека бил поканет да застане на чело на Реал Мадрид по изненадувачкото повлекување на Зинедин Зидан, но е горд со одлуката да му откаже на „кралскиот“ клуб.

- Го отфрлив предлогот на Реал, бидејќи веќе му дадов збор на нашиот претседател, дека останувам, призна Алегри. 

Тој сепак вели дека сон на секој тренер е да застане на чело на гигантот од Мадрид.

- Реал Мадрид е најголемиот клуб во светот и сон за секој тренер. Се чувствував поласкан од интересот кон мене, но јас сум апсолутно сигурен дека донесов правилна одлука, со тоа што ги одбив. Не сакам да ме споредувате со Буфон и Дел Пјеро. Тие напишаа историјата во дресот на Јуве и се легенди, а јас сум во клубот едвај 4 години, додаде Алегри. /МИА

Вардар поразен од Веспрем

Македонскиот ракометен првак Вардар на првиот домашен меч во Лигата на шампионите во 2019 година против Веспрем загуби со 27-29 (16-11) и падна од второто место во групата „А“ во ракометната елита.

Прво име кај Веспрем беше Лекаи со седум гола, Наѓ даде шест, а Ненадиќ постигна четири гола, додека кај Вардар, Дисингер даде пет, а Скубе и Стоилов завршија со по четири гола. Во наредното коло од Лигата на шампионите, кое е закажано на 23 февруари, Вардар гостува кај Кристијанштад, додека Веспрем ќе му биде домаќин на Мешков Брест.

Фото: НБА Ол Стар викенд во Шарлот

Утрово во Шарлот започна популарниот викенд на сите ѕвезди во НБА лигата. 

Првиот меч на годинешниот Ол Стар во Шарлот го одиграа „Ѕвездите во подем“ најдобрите млади кошаркари во НБА поделени во тим на Светот и тим на Америка.

На овој дуел учествуваа само кошаркари кој се дебитанти  или кошаркари кој ја играат втората сезона во НБА-софмори.

Селекцијата на САД  во дуелот на ѕвездите во подем го победи тимот на Светот со 161-144.

На дуелот на најдобрите млади кошаркари видовме многу забивања и погодени тројки, а најатрактивни беа Кузма во тимот на САД и Симонс во екипата на Светот.

Токму младиот Кајл Кузма ја освои наградата за најкорисен кошаркар МВП, инаку најефикасни кошаркарина мечот ба Тејтум со 30 во тимот на САД и Симонс со 28 поени кај Светот.

На овој меч видовме и тројца кошаркари од Балканот, Чеди Осман, Богдан Богдановиќ и Луа Дончиќ.

Видео- фото: Охриѓанецот Чеди Осман во патики со македонско знаме на НБА Ол Старот во Шарлот

Репрезентативецот на Турција, момчето роденот во Охрид , Чеди Осман е вториот кошаркар роден во Македонија, по Перо Антиќ  кој бил дел од еден Ол Стар викенд во најсилното светско кошаркарско првенство НБА лигата.

Младиот Осман при своето премиерно преставување на престижниот ОЛ Стар не ги заборави матичната Турција и родната Македонија.Чеди Осман во мечот меѓу најдобрите млади кошаркари во НБА „Ѕвездите во подем“поделени во  две селекции, Свет против Америка се појави во специјално дизајнирани патики со македонско и турско знаме со што покажа дека никогаш не заборавил на своето потекло и земјата во која е роден.

Чеди имаше скормен учинок на мечот 2 поени, 3 скока и 4 асистенции но привлече огромно внимание во јавноста со своите интересни патики на кои беа исцртани знамињата на Македонија и Турција.

Со овој потег Чеди пред милиони гледачи од целиот свет ја афирмираше родната Македонија на најголемиот светски спортски настан за што заслужува длабок почит.

Инаку мечот меѓу Ѕвездите во подем –САД против Светот заврши со триумф на младите кошаркари од Америка со 161 – 144 .

притисни ентер