Британскиот музеј на Ирак му ги враќа украдените експонати

Британскиот музеј на Ирак ќе му врати 8 експонати стари 5 000 години , украдени по падот на Садам Хусеин.

Предметите биле најдени кај еден трговец во Лондон во 2003 година и за нив немало документи за потеклото. Експертите утврдиле дека станува збор за предмети ископани во древниот сумерски град Гирс , на југот на Ирак каде Британскиот музеј врши археолошки истражувања.

Меѓу предметите е и мала статуа  од бел мермер , печат од црвен мермер , гравиран печат и полиран камен испишан со клинесто писмо. Предметите утре ќе му бидат врачени на амбасадорот на Ирак во Британија , Салих Хусеин Али.

притисни ентер