Новото летало на НАСА ќе лета најблиску до Сонцето досега

Parker solar probe, новото вселенско летало на НАСА ќе се доближи 6,5 милиони километри до Сонцето, што е поблиску од било кој друг објект создаден од човекот.

Новото летало би требало да ја реши мистеријата за Сонцето и неговата атмосфера која повеќе од половина век е предмет на изучување на научниците ширум светот. Просторот низ кој ќе се движи леталото е исполнет со ситни енергични честички чија температура може да достигне повеќе од 1.650 степени Целзиусови.

Parker solar probe е опремен со најсовремен топлотен штит и различни системи на разладување, со оглед на тоа што сончевата корона е 300 пати потопла од површината на Земјата и секој предмет кој ќе се најде во ова подрачје мора да има софистицирана заштита.

Лансирањето е закажано за 11 август од Вселенскиот центар Кенеди на Флорида. Леталото ќе патува со рекордна брзина, но сепак ќе бидат потребни 6 години за да ја достигне најблиската точка до сонцето во 2024 година, со помош на гравитацијата на Венера.. Околу Сонцето ќе направи 24 круга до крајот на 2025 година, а за завршување на секој круг ќе бидат потребни 88 дена

Конечно осудена банда педофили – најмладата жртва имала 11 години

По неколку годишна судска процедура банда од 20 силувачи на девојчиња е осудена на вкупно над 220 години затвор.

Судот во англискиот град Лидс ги осуди членовите на бандата , која со години силувала девојчиња. Водачот на групата , Амере Синг Даливал (35) е осуден на доживотна казна затвор , додека другите членови добиле затворски казни од 5 до 18 години затвор.

Тие одговараа за 120 кривични дела на штета на 15 девојчиња. Најмладата од нив имала само 11 години , кога била силувана од бандата.

Тие во периодот од 2004 до 2011 силувале , малтретирале и киднапирале деца, ги терале на проституција , а ги намамувале девојчињата со дрога и алкохол.

На судот сведочеа 15 жртви , а судијата рече дека ниедна од нив нема да се опорави од последиците од малтретирањето. Биле искористувани бели девојчиња од страна на членовите на бандата од пакистанско потекло , а според медиумите , вакви силувања има и во другите британски градови.

Рудар без храна и вода преживеал два дена во напуштен рудник полн со змии (ВИДЕО)

Рударот Џон Вадел (62) , кој трагал по злато , паднал во напуштена јама полна со отровни змии и ги скршил двете нозе.

Рударот два дена преживеал без вода и храна во напуштеното окно на рудникот во Аризона. Според спасувачите, додека чекал да биде изваден од окното , тој успеал да убие три отровни змии.

Тој пропаднал во дупка длабока 30 метри , кога му се скунало јажето со кое сакал да се симне и да го пребара напуштениот рудник во потрага по златна руда.Немал вода , ниту храна и бил спасен дури по 48 часа.

Самото спасување на рударот траело шест часа. Тој имал среќа што во понеделникот , пред да тргне во потрага по злато м у кажал на неговиот пријател ако не се врати во вторник , да го побара.

Откако Тери Шредер видел дека Вадел не е дома, ги алармирал спасувачите. Напуштениот рудник се наоѓал на имотот на рударот на 145 километри северозападно од градот Феникс во Аризона.

Луксузниот Форд ќе се произведува на барање на потрошувачите

Форд објави дека ќе го продолжи производството на својот супер  спортски модел GT  , бидејќи се преплавени од барања од потенцијални купувачи.

Американскиот производител најави дека на 8 ноември повторно ќе ја отвори книгата со нарачки за Ford GT. Беше донесена одлука да се изработат уште 350 возила, така што вкупниот број ќе изнесува 1 350 , а не илјада како што е планирано. Компанијата Форд еднаш веќе ги послуша купувачите и од 500 возила на суперспортскиот автомобил во 2016 одлучи нивниот број да биде 1 000.

Од Форд ги известуваат нетрпеливите купувачи дека возилата што ги нарачале сега , ќе ги добијат во периодот од 2020 -2022 година , зашто дури тогаш ќе почне производството на дополнителните 350 автомобили.

Супер спортскиот модел има 3.5 литарски EcoBoost V6 со 656 ks (482 kW) и 746 Nm момент на обрт. Автомобилот може да постигне брзина од 347 km/h.

Во 2017 Форд не успеа да ги испорача сите предвидени 250 возила , зашто изработи само 138 од овие атрактивни автомобили.

притисни ентер