На Џонсон му се заканува истрага поради изјавата за бурките

Против поранешниот министер за надворешни работи на Британија се подготвува партиска истрага поради коментарот за носење бурки.

Поранешниот шеф на британската дипломатија Борис Џонсон се соочува со истрага за можно кршење на Кодексот на неговата Конзервативна партија, наведува весникот ,, Evening Standard”. Формалната одлука партијата треба да ја донесе во текот на денов.

Британската премиерка Тереза Меј го повика вчера Џонсон да се извини , поради колумната во која напишал дека жените кои носат бурки личат на ,,поштенски сандачиња” и ,,ограбувачи на банки”. Во барањето за извинување Меј напиша и дека жените сепак сами треба да решаваат како ќе се облекуваат.

Претставниците на муслиманите во Британија , како и министерот за Блискиот Исток , Алистер барт , излегоа со осуди на вчерашната колумна на Џонсон, тврдејќи дека во неа ништо не е како што треба.

За сега нема најава дека Џонсон ќе се извини за колумната во Дејли телеграф. Тој во текстот напишал дека е против забраната за носење бурки , но дека е апсолутно смешно луѓе да се движат како поштенски сандачиња.

Сомнителен пакет предизвикал паника на аеродромот во Манчестер

На аеродромот во Манчестер е забележан сомнителен пакет заради кој се ангажирани припадници на тимот за деактивирање бомби, соопшти полицијата.

Се наведува и дека еден маж е уапсен.

Полицијата го обезбедила делот од аеродромот каде што е забележан пакетот.

Од полицијата наведуваат и дека привремено е запрено обраќањето на трамваи, возови и автобуси кои одат до самиот аеродром, пренесува „Ројтерс“.

Бојан Јовановски во 12 часот на распит кај Вилма Русковска

Бојан Јовановски во јавноста познат како Боки 13 денеска во 12 часот во обвинителството за гонење организиран криминал и корупција ќе биде донесен  од притворот во Шутка на распит кај обвинителката Вилма Русковска.

Пред обвинителството е Михајло Видимлиски,ова  е прво соочување на Боки 13 со обвинителката Рускоска по скоро три месеци од мерката притвор која му беше одредена за случајот “Рекет”.

Џафери во посета на Казахстан

Како што соопшти Кабинетот на претседателот на Собранието, во состав на делегацијата е и пратеникот Енес Ибрахим.

Претседателот на Собранието на Република Македонија Талат Џафери, денеска и утре учествува на Четвртиот состанок на претседателите на парламентите на земјите од Евроазија на тема: „Голема Евроазија: Дијалог. Доверба. Партнерство", во Нур-Султан, Република Казахстан.

На состанокот учествуваат парламентарни делегации од шеесетина земји и 39 претседатели на национални парламенти од Европа и Азија, како и 13 меѓународни парламентарни собранија. Се очекува на крајот од состанокот да биде усвоен Финален документ со препораки за поблиска соработка меѓу државите и унапредување на дијалогот, довербата и партнерството во регионот.

По завршувањето на овој мултилатерален форум, на 25 и 26 септември 2019 год, претседателот Џафери ќе оствари официјална посета на Република Казахстан, на покана од претседателот на Мажилисот на казахстанскиот Парламент Нурлан Нигматулин. /МИА

притисни ентер