Како да се одблокира носењето на законот за медиумите?

Владата со план Б ако ВМРО-ДПМНЕ продолжи со опструкциите за донесување на законот за медиуми, со кој конечно треба да се регулира медиумската сфера, најави министерот  Дамјан Манчевски. Но, не откри која е втората опција.

-Има. Како ? Ако има потреба ќе го објавиме. Мислам дека може и да нема да треба да дојде до тоа,изјави Дамјан Манчевски, министер за администрација.

Манчевски повторно апелираше членовите на советите на двете медиумски тела, МТВ и АВМУ – да си поднесат оставки и да ги откочат реформите во медиумите.

- Уште еднаш ги повикувам веднаш да поднесат оставки, за да може да се спроведат медиумските реформи и на транспарентен начин да го откочат и носењето на законот во Собрание. Затоа што единствена пречка, единствена причина зошто ВМРО-ДПМНЕ го блокира носењето на законот е да си ги задржат нивните луѓе во програмскиот совет на МРТВ. И нема никаква друга причина. Ако дадат оставки веднаш се одблокира законот,изјави Дамјан Манчевски, министер за администрација

Апел за законот дојде и од премиерот.

-Час поскоро да се одблокира законот за медиумите и законот за АВМУ. Заради тоа што самите закони предвидуваат дво третинско одлучување во делот на органите на управување. Тоа е програмскиот совет, главен директор... само по себе тоа дава гаранција дека навистина преку законската формулација, заеднички одлуки овде во парламентот, ваквите институции ќе бидат максимално независни и целосно ќе им служат на интересите на граѓаните,вели Зоран Заев, претседател на Влада на РМ.

Пред два дена пратеникот Зоран Илиовски од собраниска комисија се произнесе со ставот дека Власта со барањето на оставките сака да си стави свои партиски фунскционери.

Сличен став како Манчевски, ЗНМ имаше пред еден месец, кога ги повика опозициските пратеници да не го попречуваат изгласувањето на измените за законот за медиуми. Веќе трет месец Македонската медиумска асоцијација во која членува и Канал 5 ги повикува пратеничките групи особено од опозициската ВМРО-ДПМНЕ, да ја прекинат блокадата на законот, а наместо тоа да придонесат за решавење со медиумската сфера во земјава.

„Дубаи мол“ лани го посетиле рекордни 105 милиони луѓе

 Сопствениците на „Дубаи мол“ во Обединетите Арапски Емирати, сооопштија дека трговскиот центар лани го посетиле рекордни 105 милиони луѓе, што го прави најпосетуваното место во светот во 2023 година.

Така, трговскиот центар стана светска атракција, според управителите, привлекувајќи посетители од целиот свет. Управата наведува и дека е забележан скок од над 19 отсто во однос на 88 милиони во 2022 година. А пак, само во првите два месеци од оваа 2024 година, забележани се 20 милиони посетители, така што и годинава „Дубаи мол“ најверојатно ќе постави нов рекорди.

- Овие бројки го одразуваат импресивниот статус на трговскиот центар во Дубаи и го одразуваат напредното лидерство на Дубаи и силната економија. Нашиот трговски центар го отелотворува живиот дух на градот и посветеноста на извонредноста, претворајќи ја визијата на менаџментот во реалност. Како составен дел од економското ткиво на Дубаи, ние играме клучна улога во неговиот успех и иновативност, рече Мохамед Алабар, основач на компанијата „Емаар“ којашто управува со трговскиот центар.

„Дубаи мол“ има околу 1.200 продавници на познати брендови облека, обувки, модни додатоци, апарати за домаќинство итн, а тука се наоѓаат и околу 200 ресторани и кафулиња. Уште една причина за посетеноста е и аквариумот, каде што живеат 33.000 животни. /МИА

Куќен притвор од 48 часа за две лица поради убиството на лекарот во Железара

Куќен притвор во траење од 48 часа е определен за две од лицата кои беа задржани за убиството на докторот во скопската населба Железара, соопшти утринава Јавното обвинителство. 

Оттаму информираат дека ваква мерка е побарана со оглед на тоа што се уште се преземаат дејствија за обезбедување докази.

- Јавен обвинител од скопското Основно јавно обвинителство, синоќа до судијата на претходна постапка од Основниот кривичен суд Скопје, достави предлог за определување мерка краткотраен куќен притвор, во траење од 48 часа, за две од лицата кои беа задржани во врска со убиството на лекар во скопската населба Железара. Тоа, со оглед на тоа што сѐ уште се преземаат дејствија за обезбедување докази. Предлогот е прифатен и бараната мерка е определена, се вели во информацијата од Јавното обвинителство.

Техничкиот министер за внатрешни работи Панче Тошковски вчера изјави дека се приведени вкупно три лица поврзани со убиството на лекарот.

- Претресот е завршен во текот на доцните часови, се продолжува со други истражни дејствија, со цел да може да се утврди соодветно фактичка состојба, штом имаме дополнително нови информации, јавноста ќе биде благовремено известена, изјави Тошковски, при посетата на општина Босилово.

Шеесет и седумгодишниот лекар, минатата недела беше пронајден избоден до смрт во неговиот автомобил. Според првичните информации, мотивот за убиството не е поврзан со професијата на жртвата.

Лек за слабеење кој ја зголемува плодноста кај жената

Лекот за дијабетес „Оземпик“ (Ozempik), којшто многу жени го користат и за губење килограми, има уште еден „неочекуван ефект“ - бременост, објави „Пипл“ (People).

Дека сè ова не е случајност, се чини, укажува тоа што на интернет сè почесто се појавуваат приказни за жени кои забремениле поради „Оземпик“... Се покажа дека тој лек некако „ги неутрализира“ контрацептивните средства коишто корисничката ги зема во истовреме... А пак, други си се сметале за неплодни, па бременоста ги изненадила. Така, една жена раскажува дека не можела да забремени неколку години, па со партнерот им успеало откако таа два месеци редовно земала „Оземпик“ заради слабеење. И, родила здраво дете.

Се испостави дека самото губењето тежина, всушност, влијае врз плодноста и општото хормонално ниво.

- Дури и ако се работи за само неколку килограми, тоа веќе може да доведе до продолжување на овулацијата кај жената и таа ќе може да забремени. Нашите масни клетки произведуваат естроген, којшто може да има негативен ефект врз нашите јајници и овулацијата. Тоа може негативно да влијае и на слузницата на ендометриумот, вели акушер-гинекологот Иман Салех.

Покрај тоа, „Оземпик“ со својата формула го намалува и ефектот на контрацептивни лекови, што бара дополнително внимавање додека се зема овој лек.

Сепак, лекарите забрануваат земање на лекот само заради бременост - тоа е премногу опасно и за мајката, а потоа и за детето.

„Испитувањата на стаорци, зајаци и мајмуни покажуваат дека лековите за слабеење може да предизвикаат и спонтан абортус и вродени деформитети ако се земаат за време на бременоста. Сè уште нема студии за луѓе. Жената, исто така, треба да престане да зема лек за слабеење најмалку две недели пред бременоста“, препорачува компанијата-производител на лекови, „Ново Нордиск“.

Опасностите се, сепак, преголеми за да се експериментира на себе, според лекарите. /МИА

притисни ентер