Шампионат на Македонија и Европски Шампионат во Брзински Мотоциклизам 2018

Изминатиот викенд за прв пат после повеќе од 10 годишна пауза Мотоциклистичката Федерација на Македонија беше организатор на два натпревари од БМУ Европскиот Шампионат во Брзински Мотоциклизам за 2018 година.

Oдличен натпреварувачки викенд на патеката во Серес, Грција.

Изминатиот викенд за прв пат после повеќе од 10 годишна пауза Мотоциклистичката Федерација на Македонија беше организатор на два натпревари од БМУ Европскиот Шампионат во Брзински Мотоциклизам за 2018 година. Натпреварите воeдно беа предвидени да бидат дел од Шампионатот на Македонија за 2018 година, но поради недоволниот број македонски натпреварувачи, оваа година иститe ќе биде од ревијален карактер.

Одличниот натпреварувачки викенд и борбата која во сите класи за БМУ Европскиот Шампионат ја приредија околу 70 натпреварувачи во 5-те класи, беше навистина убава причина за сите кои присуствуваа на патеката во Серес да уживаат во мото натпреварите.

Македонските натпреварувачи на овој натпревар се претставија во одлично издание во конкуренција на финансиски многу помоќните  тимовите од Бугарија, Турција и Романија.

Во најмалата класа, класата 125 кубни сантиметри, Христијан Бузалковски го освои подиумот на натпреварот во Саботата и второто место во Неделниот натпревар.

Во класата Формула 1000, Слободан Ивчевски го освои третото место на натпреварот во Неделата.

Дебитантите на овој натпревар Филип Филиповски во класата Формула 600 и Менде Бошевски во класата Формула 1000 извозеа добар натпревар, со константно возење и освоени 10-то и 14-то место.

Мотоциклистичка Федерација на Македонија

Филипче: 134 медицински сестри почнаа со шест месечна работа во Службите за патронажна дејност

Од понеделникот, 134 медицински сестри почнаа со шест месечна платена работа во Службите за патронажна дејност во 17 здравствени домови и во 2 општи болници со проширена дејност на територија на Македонија.

Министерот за здравство Венко Филипче ги посети и им посака успешен старт на медицинските сестри во Здравствениот Дом во Скопје.

„Чест ми е што на нашиот медицински кадар му овозможуваме достоинствени услови за работа. 42 медицински сестри почнаа со работа во Здравствениот дом во Скопје, а 92 други медицински сестри низ целата држава. Се грижиме за здравствените работници, тука да работат, во македонското јавно здравство. На патронажните сестри им посакувам успешен старт, а ние ќе продолжиме со вистински мерки и политики за да ги мотивираме да останат и да работат во  Македонија“, потенцираше министерот Филипче и додаде дека за 2 години издадени се повеќе од 5000 согласности за вработувања и зголемени се платите на здравствените работници. 15% на докторите специјалисти, 10% на медицинските сестри

Патронажните сестри во Скопје ќе бидат распоредени во патронажните пунктови во Поликлиника Чаир, Ѓорче Петров, Јане Сандански, Драчево, Бит Пазар и Ченто, при Здравствен Дом - Скопје, за граѓаните на градот Скопје и околните населени места.

„Патронажните сестри се поделени по тимови, во 6 пуктови. Ќе одат на терен, во домовите на граѓаните и ќе се грижат за здравјето на оние на кои им е најпотребно. Благодарност на Министерството за здравство за реализираната мерка, со која докажуваме дека се грижиме за човечкиот капитал во нашата земја. Со 42те медицински сестри значително ќе го зголемиме капациентот на Здравствениот дом во Скопје“, истакна директорот на Здравствен Дом, Виктор Исјановски.

Во Кочани и Ресен успешно се реализира моделот интегрирана здравствена и социјална заштита. Стручен тим од медицински сестри, физиотерапефт, неговател и социјален работник оди во домовите и се грижи за здравјето на пациентите. Со ова, здравствените услуги се доближуваат поблиску до граѓаните.

Фото: Колку се разликуваат новата и старата Октавиа?

Дека новата Окравиа визуелно е значително различна од претходната,најдобро покажува споредбата на фотографии од двата автомобила.

Шкода со новата Октавиа направи голем исчекор напред во полето на дизајнот, како на надворешноста така и во внатрешноста на автомобилот.

Новиот модел изгледа значително помодерно во споредба со старата изведба, без обѕир дали се работи за лимузинската или караванската верзија.

Драстичните разлики се воочливи и во патничката кабина, особено во поглед на дизајнот на командната табла и управувачот, во што исто така можеме да се увериме од фотографиите.

Гугл ќе ги обележува спорите веб сајтови

Гугл експериментира со нова ознака која во Хром пребарувачот треба да ги обележи сајтовите кои споро се очитуваат.

Пребарувачот во иднина ќе има можност и да идентификува сајтови кои на корисниците им се отвораат брзо или споро и да ги обележи со јасни ознаки. Ваквиот начин на обележување може да биде во разни форми, а тимот на Гулг планира да ги испробува преку експеримент и да пронајде кој начин ќе биде најкорисен за корисниците.

Гугл планира да ги идентификува сајтовите кои се дизајнирани да бидат генерално спори. Компанијата ќе анализира историски податови за латенцијата за да установи кој сајт каква ознака заслужува. Од Гугл ја истражуваат и можноста за идентификување на сајтови кои се отвораат споро  заради хардверски причини или проблем со мрежата.

„Многу сме претпазливи кога е во прашање поставување норма околу тоа што се смета за добро искуство на интернет и се надеваме дека тоа ќе биде достижно за сите девелопери“, велат од тимот на Гугл Хром.

Не е јасно кога новиот систем ќе се појави во пребарувачот Хром, но од Гугл овие планови ги најавија на конференција во Сан Франциско. Најавата беше оградено со многу „можеби“ во неа, па е јасно дека Гугл сака повратни реакции од веб девелоперите пред да продолжи со развојот.

притисни ентер