Ова е најверојатното референдумско прашање кое ќе биде ставено пред граѓаните, исто така најверојатно на 30 септември.
Дали е прашањето јасно, дали е реално, дали ги насочува граѓаните на правел избор. Ова се дилемите кои се отворија по синоќешната изјава на премиерот Заев кој ја кажа содржината на можното референдумско прашање.
За комуникологот Петар Аросовски, прашањето е правилно поставено, бидејќи мора тоа да ги содржи елементите кои се суштествени за нас, а тоа се ЕУ, НАТО и договорот со Грција.
Дилеми се појавија и за тоа што значи советодавен референдум. Што ќе се случи ако на пример над 500 000 граѓани, односно мнозинство гласаат за ЕУ и НАТО преку договорот со Грција, а сепак не се исполни цензусот од 50%+1 гласач. Во таков според познавачите, иако мнозинството граѓани коа кажало ДА, во бројка од над 500 000, поради бојкот на другите гласачи референдум ќе пропадне.
Сите дилеми околу референдумското прашање, цензусот и видот на референдумот се очекува да бидат комплетно разјаснети наредниве денови, имајќи ги во предвид роковите кои “газат” и закажаните средби меѓу политичките лидери.