Саша Поповиќ гради хотел од пет милиони евра. Како што пренесува српски Информер, директорот на
„Гранд“ купил еден стар објект во близина на езерото Трешња на Авала, каде се снимани славните сцени на Ѓенка и Кристина за филмот„Маратонците го трчаат почесниот круг“.
Тој хотел со години пропаѓал, а се наоѓа на одлична локација, па Попович решил да инвестира и направи луксузен комплекс.
-Саша подолго време го меркаше да го купи, а неодамна направи бизнис - план како да профитира. Во комплексот ќе вложи пет милиони евра, но инвестицијата ќе му се исплати затоа што тоа ќе биде оаза за богаташите и моќниците кои сакаат да се одморат“, открива извор близок до Поповиќ.
Директорот на Гранд на архитектите и дизајнерите им дал насоки за тоа како сака да изгледа неговиот хотел: „Иако е во близина на езеро, во рамките на комплексот ќе има надворешен и внатерешен базен, како и спа центар и теретана,а собите ќе бидат луксузно опремени. Посебен плус е самата локација, а жителите на местото Сопот се пресреќни што на таа локација повеќе нема да биде урнатина туку луксузен комплекс кој и за нив ќе има бенифит и ќе го заживее нивното место.