Американскиот претседател во интервју за „Фокс Њуз“ изјави дека не е задоволен од одредбата, со која САД и другите земји се обврзани да ги бранат и помалите членки. Трамп како пример ја наведе Црна Гора, која и покрај тоа што била мала земја, можела да предизвика големи штети со несогледливи последици.
-Да речеме дека Црна Гора, која се приклучи минатата година, е нападната. Зошто мојот син да оди во Црна Гора за да ја брани од напад?, праша водителот Такер Карлсон.
-Те разбирам што зборуваш. Јас го поставив истото прашање. Црна Гора е мала земја со многу силни луѓе... –Не сум против неа и Албанија. Тие можат да станат агресивни, и честито, сте почнале Трета Светска војна, изјави Доналд Трамп, претседател на САД.
Забелешката на Трамп се однесува на членот 5 од Вашингтонскиот договор, кој вели:
„Ако некоја земја-членка е нападната, се смета како напад врз сите членки. Страните се согласни дека во случај на напад секоја од нив ќе им обезбеди поддршка на страната или на страните кои се нападнати“.
За поранешниот амбсадор во НАТО, Нано Ружин, се работи за чиста реторика на Трамп, која брзо ќе биде заборавена. Тој смета дека неговото влијание во Алијансата е неспорно, но оти нема моќ да смени спогодба, која опстојува седум децении.
-Тој не е способен да го ревидира НАТО. НАТО е сериозна организација и не можете да го менувате согласно вашето расположение. Најпосле, САД зависат од НАТО сојузниците, појаснува Нано Ружин, поранешен амбасадор во НАТО
Единствениот пат кога членот 5 бил активиран досега беше кога државите на НАТО ѝ се приклучија на американската војска во Авганистан како одговор на нападите од 11 септември. Изјавата на Трамп следи по минатонеделниот Самит на НАТО, каде што ги прекори поголемите земји членки дека премалку средства одвојуваат за одбраната. Тој побара Тој побара не два, туку државите да одвојуваат по 4 проценти од нивниот годишен БДП.