Македонија

СДСМ: Мицкоски маршира за спас на криминалот

Христијан Мицкоски бесрамно го валка македонското знаме и под превезот на знамето на Македонија маршира за спас на криминалците и одбрана на криминалот.

Во очај, ВМРО-ДПМНЕ и Мицкоски денеска полнеа автобуси со граѓани и ги принудуваа да го бранат криминалот на опозициската партија.

Додека граѓаните масовно гордо и достоинствено го прославуваат историскиот успех на Македонија, Христијан Мицкоски и ВМРО-ДПМНЕ продолжуваат да го бранат криминалот и да бараат амнестија по секоја цена.

На Мицкоски и ВМРО-ДПМНЕ не им се важни ниту интересите на граѓаните, ниту иднината на Македонија, нивната единствена политичка мисија е одбраната на криминалот сторен од врвот на партијата. Мицкоски и ВМРО-ДПМНЕ да заборават на каква било амнестија. Целосното расчистување на криминалот и насилството од 27 април е врвен државен интерес. Секој за кој ќе се утврди дека го прекршил законот ќе одговара и за тоа нема никакво пазарање ниту договарање.

Залудни се обидите на Мицкоски и ВМРО-ДПМНЕ преку условувања со амнестија да ја закочат македонската иднина. Граѓаните се цврсто определени за членство во ЕУ и влез во НАТО за европска иднина и не сакаат да се вратат во времето на изолација, поделби и неизвесност.

Македонија оди напред и нема запирање. Граѓаните велат ДА за загарантиран македонски идентитет, велат ДА за влез во ЕУ и НАТО, велат ДА за македонската иднина.

Центар за комуникации на СДСМ

Шоу биз

Видео: Алек Болдвин вознемируван од пропалестинска активистка

Глумецот Алек Болдвин се соочи со вознемирување од пропалестинска активистка, а видеото од тој настан на „Х“ е прегледано над три милиони пати.

На снимката направена во некое кафуле, додека Болдвин плаќа за својата нарачка и го држи мобилниот телефон на увото, жената со својот телефон го снима и неколкупати настојчиво бара од него да каже „Слобода за Палестина“ и да го опцуе Израел и ционизмот. Кога активистката сфаќа дека глумецот ја игнорира, таа ја менува темата. Следното прашање е: „Зошто ја уби таа жена? Ја уби жената и не доби затворска казна? Нема затвор, Алек!“

Активистката тука ја има предвид смртта на кинематограферката Халина Хачинс на снимањето на каубојскиот филм „’Рѓа“. За потсетување, Болдвин се соочува со обвиненија за ненамерното убиство на Хачинс во 2021 година. Продолжението на судењето за убиство од небрежност е закажано за 10 јули.

На видеоснимката, натаму глумецот почнува да се заканува со полиција, но девојката е упорна во своето вознемирување и на крајот, Болдвин ѝ го исфрла мобилниот телефон од рака.

Алек Болдвин ја отфрли одговорноста за ненамерното убиство на Хачинс. /МИА

Македонија

Oштетена гумената брана за наводнување на оризовите површини кај кочанското село Грдовци

Вработените во водостопанската подружница „Брегалница“ од Кочани утрово забележале намерно оштетување на гумената брана кај селото Грдовци, што се користи за зафаќање на водата од реката Брегалница и наводнување на околните оризови ниви.

Непознат сторител со остар предмет ја исекол гумената обвивка во должина од околу половина метар, по што дошло до истекување на акумулираната вода и празнење на помошниот канал од водозафатот.

-Во изминатите седум дена имаше шест обиди за сечење на гумата и конечно, во текот на доцните вечерни или раните утрински часови, сторителот успеал во намерата. Несфатливо е зошто некој, токму на почетокот на сезоната за сеење на оризот, се одлучил на ваква постапка со која прави повеќекратна штета. Во прашање е доведено наводнувањето на околу 100 хектари оризови површини. Освен тоа, наместо средствата со кои располагаме да ги инвестираме во одржување на каналската мрежа, ќе мора дел да потрошиме за ангажирање служба за чување на гумената преграда. Настанот веќе е пријавен во полиција и очекуваме разоткривање на сторителот и на неговите мотиви за ова кривично дело, истакна Станче Стефанов, техничко лице во водостопанскта подружница „Брегалница“.

Во тек се активности за санирање на оштетувањето на гумената преграда, но постапката е отежната поради зголемената количина вода. Вработените во подружницата очекуваат до крајот на денот да ја нормализираат состојбата со наводнувањето, за да се избегне прекин на сеидбената сезона во овој регион, но и да не дојде до исушување на нивите кои веќе се посеани со ориз.

Свет

Инаугурацијата на Путин ќе се одржи на 7 мај

Претседател на Комитетот за уставно законодавство и државност во Горниот дом на Советот на Руската Федерација, Андреј Клишас денеска изјави дека инаугурацијата на рускиот претседател Владимир Путин ќе се одржи на 7 мај.

Согласно руските закони, новоизбраниот претседател ја презема функцијата со мандат од шест години.

Инаугурацијата на Путин и во 2018 година се одржа на 7 мај. /МИА

притисни ентер