Откриен тајниот план на Северна Кореја: Уцена од милијарда долари

Книгата која ја напишал поранешниот висок дипломат на Северна Кореја, открива дека Пјонгјанг го уценувал Израел, со заканата дека на Иран ќе му продаде нуклеарна технологија.

Имено, така тврди Тае Јонг Хо, кој побегнал во Јужна Кореја во 2016 година. Северна Кореја барала од Израел да плати милијарда долари во замена за тоа да не му продаде на Иран своја технологија за развој на балистички ракети, пренесе „Вол Стрит Џурнал“.

Таа “непристојна“ понуда изнесена е во 1999 година во едно кафуле во Стокхолм, кога на кафе седнале тогашниот севернокорејски амбасадор Сон Мун Си и неговиот израелски колега Гидеон Бен Ами.

Според наводите од книгата, Израел ја одбил таа понуда, но за неколку дена испратил нова – контрапонуда, да и испрати на Северна Кореја донација во храна.

„Вол Стрит Џурнал“ навел дека не успеал да добија потврда од двајцата амбасадори кои наводно учествувале во износувањето на уцената, но навел дека минатата недела Бен Ами, пред израелските медиуми, изјавил дека во текот на мандатот како амбасадор, имал неколку тајни состаноци со севернокорејските дипломати, и тоа во период од 1999 до 2002 година, кои ги иницирал Пјонгјанг.

Лидерот на терористите во Шри Ланка се разнел во еден од нападите (ВИДЕО)

Наводниот лидер на нападите во Шри Ланка на католичкиот Велигден загинал во еден од нападите, соопшти претседателот на земјата Маитрипала Сирисена, пренесува Би-Би-Си.

Сирисена изјави дека се работи за Захран Хашим, кој бил радикализирани проповедник, а загинал во еден од хотелите во кој е извршен бомбашки напад во Коломбо.

Токму Хашим го предводел нападот врз популарната туристичка дестинација, придружуван од втор бомбаш-самоубиец, идентификуван како „Илхам“.. Најмалку 250 луѓе загинаа во серија од бомбашки напади минатата недела, чија цел беа повеќе цркви и елитни хотели на повеќе локации во Шри Ланка.

 Претседателот на земјата исто така рече дека разузнавачките служби во Шри Ланка имаат околу 130 осомничени поврзани со нападите на групата која има врски со Исламската држава, додека полицијата сè уште трага по 70 лица кои се во бегство.

Ким: Мирот на Корејскиот полуостров ќе зависи од САД

Севернокорејскиот лидер Ким Џонг-ун на вчерашната средба со рускиот претседател Владимир Путин во Владивосток изјави дека мирот и безбедноста на Корејскиот полуостров во целост ќе зависи од идниот став на САД.

,,Ситуацијата на Корејскиот полуостров и во регионот сега ја достигна критичната точка, од која би можела да се врати во првобитната состојба откако САД зазедоа унилатерален став во лоша смисла на неодамнешниот, втор по ред, самит и преговори помеѓу Северна Кореја и САД, наведе Ким.

Агенцијата исто така објави дека Русија и Северна Кореја се договориле да преземат позитивни мерки во повеќе области со цел да ја унапредат соработката, вклучително и во економијата, трговијата, науката и технологијата, јави севернокорејската новинска агенција КЦНА.

Макрон: Франција не е на погрешен пат

Францускиот претседател Емануел Макрон смета дека неговата земја не се наоѓа на погрешен пат и најави нови реформи како одговор на протестите на „Жолтите елеци“.

,,Се запрашав дали треба да прекинеме се што е направено во изминатите две години, дали сме на погрешен пат, но јас верувам во спротивното, истакна Маркон синоќа на една од ретките прес-конференции како одговор на повеќе месечните протести на „Жолтите елеци“.

Тој нагласи дека мора да се обезбеди подобро функционирање на јавните услуги во помалите места и „мора да се гарантира пристап за сите здравствени служби, како и да се гарантира дека ниту едно училиште или болница нема да бидат затворени без одобрение на градоначалниците“.

Макрон се осврна и на пензиите, додавајќи дека Владата планира да ги зголеми најниските пензии со растот на инфлацијата..

притисни ентер