Сефер Тахири и Ристо Никовски во „Само Вистина“

Поканата за пристапните преговори со НАТО е добра вест за иднината на граѓаните и Македонија. 

Членството во НАТО ја зголемува безбедноста и носи други придобивки за понатамошниот развој на земјата. И за нас во овој случај, важи истата процедура која беше и за Албанија и Хрватска, но со дополнителниот услов овој пат да се финализира договорот со Грција, рече Тахири.

Нема суштинска разлика во однос на 2008, наместо иднина ќе има небиднина за Македонија, истакна Никовски.Секој одговорен македонец треба да направи се овој договор со Грција кој е капитулатски да не успее, тоа треба да го направи и опозицијата, дали преку бојкот на референдумот или на друг начин, оцени Никовски. Ако ВМРО ДПМНЕ е искрена против договорот треба да учествува на референдумот,изјави Тахири.

Повеќе детали од дебатата погледнете во најновото издание на „Само Вистина“

Силјановска: Ќе се залагам за намалување на претседателските ингеренции

Викендов е избран првиот учесник во шестата по ред претседателска трка.

Тоа е универзитетската професорка Гордана Силјановска Давкова која со 408 гласови од делегатите  на саботната конвенција беше избрана за кандидат за претседател од ВМРО ДПМНЕ, оставајќи го далеку зад себе Владимир Ѓорчев кој освои само 80 гласа.

Силјановска порача дека ќе бара широка општествена поддршка вклучително и од СДСМ бидејќи е надпартиски кандидат.

Меѓу другото рече дека ќе се залага за намалување на претседателските ингеренции.

Дескоска :Министерство за правда се уште е без одговор за екстрадицијата на Грујевски и Бошковски

Министерството за правда на Грција се уште е без одговор на барањата за екстрадиција на Горан Грујевски и Никола Бошковски.

Министерството за правда на Грција се уште е без одговор на барањата за екстрадиција на Горан Грујевски и Никола Бошковски, што се клуч во судскиот процес, вели за порталот Етнос.гр, министерката за правда, рената Дескоска од Солун, по учеството на првиот „Thessaloniki Regional Forum“.

-Неколку пати, официјално го испративме нашето барање до министерството за правда на Грција, но не добивме никаков одговор од грчкиот министер. Последен пат кога испративме документ беше минатиот ноември, а се очекува одново да го поставиме прашањето до грчките власти. Двајцата се клуч за судскиот процес на Груевски, вели Дескоска за грчкиот медиум

Во мај минатата година, врховниот суд на Грција, повикувајќи се на амнестијата од претседателот Иванов, го одби барањето на македонските власти за екстрадиција на Горан Грујевски и Никола Бошковски.

Патнички воз излета од пруга кај Лакавица, нема повредени

Патничкиот воз кој сообраќа на линијата Кичево-Скопје изутринава удрил во карпа која најверојатно паднала на шините во близина на селата Лакавица и Падалишта гостиварско.

Повредени нема, но има материјална штета и во прекин е сообраќајот на тој дел од пругата.

Во полициската станица Гостивар утрово, во 6,45 било пријавено дека патничкиот воз кој тргнал од кичево удрил во карпа на потегот помеѓу селата Лакавица и Падалишта. Од ударот композицијата излетала од шините.

По пријавувањето на местото на настанот е упатена екипа за увид, кој треба да започне наскоро.

Согласно со стандардната процедура, со помошен воз треба да се врати гарнитурата на шините по што ќе се утврди оштетувањето на пругата.

притисни ентер