Во живо

последно ажурирање пред 4 месеци

Македонија поканета од НАТО да стане 30-та членка на Алијансата

Македонија поканета да стане триесеета членка на Алијансата. Еве тоа како изгледа од изјавата на генералниот секретар на НАТО, Столтенберг.

пред 4 месеци19:54
пред 4 месеци19:38

Премиерот Заев на панелот „НАТО ангажмани: Дијалози на Самитот во Брисел

Република Македонија станува дел од семејството, во куќа во која припаѓаме, рече премиерот Заев на панел дискусијата на НАТО.

Претседателот на Владата на Република Македонија Зоран Заев, првиот ден на НАТО Самитот, на шефови на држави и влади, го започна со учество на панелот „НАТО ангажмани: Дијалози на Самитот во Брисел“.

Учеството на панелот се совпадна со соопштението кое во истиот момент беше објавено, дека земјите членки на НАТО донесоа одлука да ја поканат Република Македонија да ги отпочне завршните преговори за полноправно членство во алијансата, и делегацијата на Република Македонија беше пречекана со аплауз и одобрување од гостите и учесниците на панелот.

На почетокот од своето обраќање на панелот, премиерот Заев истакна дека со одлуката на земјите членки на НАТО да испорачаат покана за нашата земја, Република Македонија станува дел од семејството, во куќа во која припаѓаме.

Во дебатата на панелот, премиерот Заев одговараше на повеќе прашања и нагласи дека Република Македонија во изминатите години постојано работеше на подигање на стандардите и на имплементација на вредностите што ги негува алијансата.

Република Македонија и дотогаш, и од тогаш натаму, активно учествува во мисиите на северно-атлантскиот сојуз. Заедно со Алијансата, нашата земја, активно придонесува во мисиите за сузбивање на глобалните закани, терористичките закани, како и заканите што доаѓаат од насилен екстремизам.

Припадниците на АРМ добиваа доверба да бидат дел или да бидат главни актери во сериозни безбедносни предизвици. Со учеството во тие мисии растеа и капацитетите на припадниците на АРМ, како и на цивилните структури на нашата администрација.

Премиерот Заев одговараше и на прашањата поврзани со безбедносните политики и регионалната соработка, како и за мостовите за соработка кои ги градиме со сите соседи.

Во дебатата посебно место имаше Договорот за решавање на македонско-грчкиот спор за името и за стратегиско партнерство со Грција, со што беше откочен нашиот прием во Алијансата и беше пресуден момент Република Македонија да добие датум за преговори со ЕУ. Нашата земја конечно го добива местото што го заслужува. 

пред 4 месеци18:28

Радувај се Македонијо! 

Портите за нашето полноправно членство во НАТО се отворени.

Попладнево, земјите членки на НАТО одлучија да ни упатат покана Република Македонија да го започне пристапниот процес за членство во Алијансата.

Нашите партнери и пријатели денеска ни оддадоа признание. Препознаена е силната посветеност, исполнети се сите критериуми.

Денес е голем, историски ден, за Република Македонија.

Ветувам дека ќе донесеме уште добри вести и во периодот пред нас, во интерес на сите граѓани на нашата земја.

По тој повод, во овој момент гостувам како говорник на конференцијата NATO ENGAGES во рамки на Самитот во Брисел..напиша премиерот Зоран Заев на фејсбук. 

пред 4 месеци18:06

Премиерот Заев пред новинарите во Брисел одговара на прашања на панел дискусијата ,,Бриселски разговори" , што се одржува во рамките на Самитот , а една од главните теми е проширувањето на НАТО.

пред 4 месеци17:42

,,Вратата на НАТО е и останува отворена. Топло го поздравуваме минатомесечниот историски договор меѓу Атина и Скопје и денеска се согласивме да ја поканиме Владата на Скопје да започне пристапни преговори. Штом сите национални процедури бидат комплетирани за да се финализира Договорот за името, земјата ќе се приклучи во НАТО како наш 30. Член., изјави генералниот секретар на НАТО . 

пред 4 месеци17:22

пред 4 месеци17:18

Турскиот министер за надвореши работи на Самитот на НАТО ја бранеше одлуката на својата земја за набавка на Руски противракетен систем С-400, прв во некоја од земјите членки на Алијансата.

Чавушоглу истакнал дека Турција е суверена земја и дека набавката на системот С-400 е нешто што и е потребно на Турција.

пред 4 месеци16:18

,,Денеска ќе ј засилиме нашата заедничка одбрана и моќта на одвреаќање , како и напорите својата улога да ја проектираме и надвор од нашите границиу  и да се бориме против тероризмот. Праведната поделба на товарот е оснпва на се што работиме .”, рече генералниот секретар на НАТО ; Јенс Столтенберг на отворањето на дводневниот Самит. 

пред 4 месеци16:04

пред 4 месеци16:04

пред 4 месеци16:03

пред 4 месеци16:03

По завршувањето на денешната сесија на Самитот на НАТО на лидери на држави и влади , пред новото седиште пред малку се одржа и групното фотографирање. 

пред 4 месеци15:53

пред 4 месеци15:48

Генералниот секретар на НАТО , Јенс Столтенберг на лидерите на шефови и влади од земјите членки на Алијансата , им го покажува новото седиште во Брисел . Повеќето претседатели и премиери со внимание ја следеа изложбата , освен Доналд Трамп , кој не можеше да се сконцентрира поради тоа што попатно зборуваше со повеќето од лидерите. 

пред 4 месеци15:00

Заклучокот за Македонија кој претпоставува покана за старт на преговорите а зачленувањето  да се случи по целосно заокружување  на обврските од договорот со Грција е содржан во финалното комунике кое ќе биде објавено денеска .

Канал 5 има своја екипа во Брисел. Таму е Александар Видиновски.

Какво е расположението во македонската делегација и што се случува друго на самитот на кој главен лик сепак е американскиот претседател и неговите барања сојузниците подеднакво да го полнат буџетот за одбраната  на НАТО?

Во видеото погледнете го целиот извештај.

Дали Вучиќ му помогнал на Груевски, прашуваат две српски партии

За бегството на Никола Груевски во Унгарија вчера и денеска информираат сите српски медиуми, а според ТВ Н1, Министерство за внатерешни работи на Србија соопштило дека Груевски нема српско државјанство или пасош.

За бегството на Никола Груевски во Унгарија вчера и денеска информираат сите српски медиуми, а според ТВ Н1, Министерство за внатерешни работи на Србија соопштило дека Груевски нема српско државјанство или пасош и дека се проверуваат информациите дали до Унгарија одел преку територијата на Србија.

Српската опозициска партија Движење на слободните граѓани (ПСГ) на Саша Јанковиќ и Граѓанскиот блок 381 денеска побараа Владата на Србија и Српската напредна партија (СНС) да одговарат која е улога на Белград во бегството на поранешниот македонски премиер Никола Груевски, оценувајќи притоа дека Србија под власта на СНС станала „безбедна зона” за богатите луѓе кои во своите земји бегаат од правдата.

-Дали (претседателот на Србија Александар) Вучиќ му помогнал размислувајќи и за себе, дали незаконски и наредил на разузнавачката служба БИА тајно да го прифати Груевски и да го спроведе преку Србија зашто сака да создаде пракса која утре и нему ќе му треба, прашуваат од ПСГ и Граѓански блок 381 во соопштението до јавноста.

Наведуваат и дека советникот на принцот на Абу Даби, шеикот Мохамед бин Зајед, Мухамед Дахлан, кој е на меѓународна потерница, има добиено државјанството и орден на Србија, а потоа ја има закупено поранешната претседателска вила на Дедиње.

Граѓанскиот блок и ПСГ додадаваат во соопштението дека Србија му дала азил на поранешен романски пратеник Себастијан Гици за кој е распишана меѓународна потерница за перење пари, примање и давање мито, уцена и злоупотреба на класифицирани информации.

-Движењето на слободни граѓани нема да дозволи, по промена на власта, луѓето кои денес на секој начин ја уништуваат Србија, да ја избегнат одговорноста, се вели во соопштението на ПСГ и Граѓанскиот блок 381 кои го објави опозицијскиот весник „Данас". /МИА

Заврши собраниската расправа за Предлог законот за отпис на камати за наплата на долгови

Се предлага отпишување камати за наплата на долгови за услугите опфатени со законот за кои постојат решенија за извршување издадени од суд заклучно со 25 мај 2006 година, трансферирани кај нотар или извршител.

Собранието денеска на продолжение на 65. седница ја заокружи расправата за Предлог законот за отпишување на камати за наплата на долгови кои произлегуваат од услуги од  комунални дејности, телефонија, мобилни и кабелски оператори, радиодифузна такса, одржување заеднички простории, наводнување и одводнување на земјоделско земјиште, по скратена постапка.

Се предлага отпишување камати за наплата на долгови за услугите опфатени со законот за кои постојат решенија за извршување издадени од суд заклучно со 25 мај 2006 година, трансферирани кај нотар или извршител.

Според законот, право на отпис на  камата  ќе оствари секое физичко лице – должник  кој ќе изврши уплата на главниот долг и трошоците (судски, нотарски, адвокатски, трошоци на извршување) на постапката во рок од  12  месеца од денот на објавување на Одлуката донесена на Управен одбор на доверителите кои ги отпишуваат каматите за наплатата на долговите  кои произлегуваат од предвидените услуги.

Пратениците ја завршија и расправата за Предлог законот за измените и дополнувањата на Законот за нотаријат, со кои, како што стои во образложението, ќе се надминат констатираните слабости на постојниот закон, содржински ќе се преуредат и допрецизираат законските одредби за кои поради нивната недореченост во праксата  имаше различно толкување.

– Со овој закон новина е тоа што учесникот во постапката пред нотар има право на слободен избор на нотар со цел да се влијае на  спречување на појавата на нелојална конкуренција и да се спречи поголема концентрација на предмети кај одреден нотар. Новитет е и тоа забраната на нотарот да договара и наплаќа спротивно од нотарската тарифа, рече пратеничката од СДСМ Лидија Тасевска.

Со предложените измени на Законот за извршување, за кои исто така се расправаше,  треба да се олесни, поедностави, поевтини и зголеми  ефикасноста при остварување на правата на граѓаните и правните лица и сите учесници во постапката пред извршител.

Законот ќе предизвика и целосна ревизија на Тарифата за награда и надомест за работата на извршителите и ревизија и усвојување на подзаконски акти.

За трите закони, како што информираше потпретседателот на Собранието Горан Мисовски, ќе се гласа дополнително.

300 евра субвенции за вградување уред со плин во возилата

Наместо црвена налепница – возење на плин. Ова е опцијата за оние чии автомобили се постари и повеќе загадуваат.

 Ќе се делат субвенции во висина од 300 евра за набавка и вградување на плински уреди. Опфатени ќе бидат околу 1200 возила, па средствата најверојатно ќе се делат по принципот прв дојден – прв услужен.

Министерството за економија подготвува измени во Законот за возила. Целта е да се поттикнат возачите да го заменат бензинот со други деривати кои испуштаат помали количини на штетни гасови.

Власта изминативе денови најави низа мерки со кои ќе се справува со аерозагадувањето. Но невладините алармираат дека сериозно се потфрлува во справувањето со ПМ10 честичките. Прашуваат зошто во новопроектираниот буџет не била презентирана ставка за животна средина.

„Во 2016 година се собрале над 183 милиони евра во даноци поврзани со животната средина. Секој денар ќе се употребуваше исклучиво за подобрување на квалитетот на животната средина? Ни лани, ни оваа година собраните средства не ги користите наменски, туку за долгови на општини, за полнење дупки во буџетот. Средствата имаат точна намена – подобрување на квалитетот на животната средина.“, велат од Коалицијата О2.

На посебна седница во Владата денеска се заседава токму за проблемот со енормното загадување. Вчера Заев најави дека ќе се исполни барањето на невладините и за прв пат ќе се воведе посебна програма во Буџетот за животна средина.

„Најголемата работа за загадувањето на воздухот што е актуелна, е решавање на гасификацијата во земјава, тоа го знаеме сите. И другите извори на енергија кои што треба се повеќе да ги имаме, како фотоволтаици на куќите и слично. Затоа што преку 91 процент од загадувањето во Скопје доаѓа од загревањето на домовите.“

Од годинешниот Буџет кој изнесува 3,4 милијарди евра, за ставката животна средина отпаѓаат 0,4 отсто или околу 13,5 милиони евра. Граѓанските организации и тогаш негодуваа и бараа средствата да бидат минимум 2,5 отсто од вкупната државна каса.

притисни ентер