Заврши Самитот ЕУ-Западен Балкан: Европската Унија и Германија остануваат силно посветени

Заврши Самитот ЕУ-Западен Балкан: Европската Унија и Германија остануваат силно посветени, Велика Британија ги удвојува фондовите за поддршка на Република Македонија како земја лидер во регионот.

 Претседателот на Владата на Република Македонија, Зоран Заев и владината делегација во состав заменик претседател на Владата задолжен за европски прашања, Бујар Османи и министер за надворешни работи, Никола Димитров го завршија учеството на Самитот ЕУ-Западен Балкан (Берлински процес), што се одржа во Лондон, на кој учествуваа лидерите на земјите од регионот, Тереза Меј како премиерка на земјата домаќин на Самитот, канцеларката на СР Германија, Ангела Меркел и еврокомесарите Федерика Могерини и Јоханес Хан.

 Во завршницата на самитот, премиерот Заев имаше билатерална средба со Претседателот на Владата на Република Хрватска Андреј Пленковиќ. На средбата двајцата премиери разговаараа за можностите за интензивирање на соработката меѓу двете земји и заеднички констатираа повеќе области со силни потенцијали.

 Претседателот на Владата на Република Македонија Зоран Заев на маргините на самитот имаше и кратка средба со канцеларката на СР Германија Ангела Меркел, на која ја запозна со подготовките за претстојниот референдум за реализација на одредбите од договорот за решение на македонско-грчкиот спор и за стратегиско партнерство.

 Интензивната работна агенда на Самитот ЕУ-Западен Балкан во Лондон заврши со заедничка прес конференција на премиерката Тереза Меј, на канцеларката Меркел и на еврокомесарот за соседска политика и проширување на ЕУ Јоханес Хан.

 Премиерката на Обединетото Кралство на Велика Британија и Северна Ирска, Тереза Меј, како исклучително успешна приказна меѓу последните два самита ЕУ-Западен Балкан го истакна историскиот договор меѓу Република Македонија и Република Грција при што им честиташе на премиерите Заев и Ципрас, потенцирајќи дека прогресот е возможен.

Премиерката Меј најави удвојување на финансиска поддршка за проекти за јакнење на јавната администрација во Македонија, како и помош за обука за дигитални вештини на еден милион деца од основните училишта од регионот, со цел да ја спознаат својата моќ во модерниот свет.

На прес конференцијата беше истакнато дека Европската Унија и СР Германија, посебно низ Берлинскиот процес, остануваат и понатаму посветени на поддршката на афирмацијата на европските вредности во регионот, на проектите за поврзување и за регионална соработка и на проектите за обезбедување на безбедноста и сигурноста на регионот и на Европа и дека за идните проекти е предвидена и нова финансиска поддршка од фондовите на ЕУ.

За време на својата работна посета во Лондон, премиерот Заев реализираше и интервју за британскиот телевизиски сервис Би-Би-Си, за познатата емисија “Hard Talk”.

Патнички воз излета од пруга кај Лакавица, нема повредени

Патничкиот воз кој сообраќа на линијата Кичево-Скопје изутринава удрил во карпа која најверојатно паднала на шините во близина на селата Лакавица и Падалишта гостиварско.

Повредени нема, но има материјална штета и во прекин е сообраќајот на тој дел од пругата.

Во полициската станица Гостивар утрово, во 6,45 било пријавено дека патничкиот воз кој тргнал од кичево удрил во карпа на потегот помеѓу селата Лакавица и Падалишта. Од ударот композицијата излетала од шините.

По пријавувањето на местото на настанот е упатена екипа за увид, кој треба да започне наскоро.

Согласно со стандардната процедура, со помошен воз треба да се врати гарнитурата на шините по што ќе се утврди оштетувањето на пругата.

Рот: Никој нема да има корист, ако одново се отвори прашањето за името

На никој не му оди во корист одново отворање на веќе решен спор, нешто што би имало последици на односите со европските партнери, но и во социјалниот и економскиот развој.

На никој не му оди во корист одново отворање на веќе решен спор, нешто што би имало последици на односите со европските партнери, но и во социјалниот и економскиот развој, вели државниот министер за Европа на Министерство за надворешни работи на Германија, Михаел Рот во интервју за грчкиот весник „Етнос", одговарајќи на прашањето доколку некоја друга влада дојде на власт и во двете земји, дали стравува од можно враќање назад во однос решението на спрот за името меѓу Атина и Скопје, јави дописничката на МИА од Атина.

-Не гледам причина зошто идните влади одново би разгледале еден спор што е решен. Такво нешто сериозно би им наштетило на односите со европските партнери, со соодветни последици за социјалниот и општествениот развој. Ова сценарио не е во ничија корист. Само можам да испратам апел до сите партии да одговорат на околностите. Инаку, важи стариот добар фундаментален принцип на правото „pacta sunt servanda", вели Рот.

Во однос на Договорот од Преспа, германскиот министер истакнува дека спорот за името долго време бил предмет на внатрешно политичко искористување на товар на граѓаните од двете земји.

-Договорот од Преспа, конечно ја поставува основата за мир, стабилност и просперитет, а со тоа и за меѓусебно почитување и пријателство, како што би требало да се подразбира, за две соседни земји во Европа. Сега, важно е трпеливо да се објаснат фактите на договорот и да се поддржи неговата содржина. Сигурен сум дека тогаш многу сомнежи ќе се тргнат, објаснува Рот во интервјуто за „Етнос", пренесе МИА.

Германскиот министер изразува оптимизам дека и оваа година извештајот за напредокот на Северна Македонија од Европската комисија ќе донесе позитивна препорака, со оглед на тоа дека до сега, големата пречка беше прашањето за името.

-Европската перспектива за земјите од Западен Балкан мора да остане убедлива и изводлива. ЕУ и нејзините земји-членки мора да останат кредибилни за ова прашање, истакнува државниот министер за Европа на Министерство за надворешни работи на Германија и додава дека токму европската перспектива на земјите од регионот би била придонела за стабилизација на цела Европа и за една подобра иднина.

За германско – руските односи, вели дека Германија, ЕУ, но и балканските земји се стремат кон конструктивни односи со Русија, а во тие рамки е и трговијата. Додава дека особено во областа на енергијата, динамиката е голема, но тоа во никој случај не го исклучува критичкиот дијалог со Русија.

-Напротив, добри економски односи се основа за политички дијалог, истакнува Михаел Рот. /МИА

Сенатор на САД: Ќе направите злосторство против човештвото

Американскиот сенатор Марко Рубио ги предупреди венецуеланските војници дека ќе направат “злосторство против човештвото“ доколку ја спречат доставата на американската хуманитарна помош.

Американската војска достави повеќе тони хуманитарна помош во колумбискиот град Кукута на границата со Венецуела, која би требало да ја дистрибуираат приврзаниците на опозицискиот лидер Хуан Гуаидо, кого САД го признаа за привремен претседател.

Рубио, републиканскиот сенатор за Флорида, беше вчера во Кукута, каде изјави дека војниците кои ја спречуваат доставата за помош ќе го поминат “остатокот од животот криејќи се од правдата“, пренесува „АП“.

Претходните испораки со помош доставени се преку комерцијални летови.

Вчерашната испорака опфаќа 180 тони помош во храна, средства за хигиена и друга роба наменета за повеќе од 25.000 луѓе.

Актуелниот претседател на Венецуела, Николас Мадура ја одбива американската помош и војската го спречува нејзиното доставување во Венецуела.

притисни ентер