Македонската филхармонија со богата програма во новата концертна сезона

 Македонската филхармонија најави богата програма за концертната сезона 2018/2019.

 Македонската филхармонија најави богата програма за концертната сезона 2018/2019, која ќе почне на 27 септември со концертот „Ново утро“ и настапот на славниот француски пијанист Лука Дебарг. Диригент ќе биде маестро Јерухам Шаровски од Израел. 

Дебарг е лауреат на престижниот натпревар „Чајковски“ и еден од најбараните пијанисти на класичната музичка сцена. Тој ќе го изведе Концертот за пијано и оркестар бр. 2 од Сергеј Прокофјев, а ќе биде изведена и Фантастична симфонија од Хектор Берлиоз.

Ова на денешната прес-конференција го соопшти в.д. директорот Виктор Илиески. Ја најави целосната програма за новата сезона, која може да се погледне и на официјалната веб-страница на Македонската филхармонија - www.filharmonija.mk Новата сезона ќе биде под  мотото „Високи вибрации“.

Следниот концерт е „Хармонија мунди“ што ќе се одржи на 12 октомври. Под диригентската палка на маестро Емил Табаков ќе биде изведено грандиозното дело „Планети“ од Холст, кое кај нас ќе доживее и специјална визуелизација. Илиески ја издвои и изведбата на Бетовеновата Деветта симфонија со маестро Густав Кун од Австрија и фантастични солисти и хор, како еден од грандиозните проекти, настанот „Музика на платно“ кој ќе донесе филмска проекција со музичка изведба во живо од страна на оркестарот. Ќе има концерт посветен на рускиот гениј Дмитриј Шостакович со славниот виолончелист Даниел Милер Шот, кој веќе гостуваше во Скопје.

Илиески ги најави и настапите на рускиот виолинист Вадим Репин, на првиот тромбонист на Њујоршката филхармонија Џозеф Алези, кој ќе има и мастер клас во Македонската филхармонија, концертот на атрактивното и виртуозно дуо кларинети Гурфинкел кои ќе настапат на Гала-новогодишниот концерт. Дуото Гурфинкел ќе настапат и како солисти на турнејата во Кина. 

Директорот на Македонската филхармонија го најави настапот на Луси Хорш на барокна флејта од Холандија, концертот на големиот руски пијанист Борис Березовски, кој во иста вечер ќе изведе два концерти за пијано од Шостакович и Прокофјев и ќе одржи и еден камерен концерт. Предвиден е и концертот на уште еден врвен руски пијанист, Андреј Гугнин, со Концерт за пијано од Лист. 

Ќе настапат уште тројца извонредни виолинисти - Бенџамин Шмид од Австрија, Сојанг Ју од Кореја и Баиба Скриде од Латвија. Нема да изостанат и традиционалните концерти на Македонската филхармонија, настапот на манифестацијата „Денови на македонска музика“, концертите „Звукот на идната генерација“ и „Младите доаѓаат“ посветени на младите музички уметници, концертот во Градскиот парк „Филхармонија на отворено“, како и концертот по повод Денот на вљубените.

Илиески информира дека и македонските уметници кои ќе бидат дел од програмата. На подиумот со Македонската филхармонија ќе застанат и македонски солисти, како Ѓорѓи Цинциевски на контрабас, Нина Костова-Јаневска на пијано, Милан Силјанов како вокален солист, како и нашите диригенти Борјан Цанев и Сашо Татарчевски. Првпат со Филхармонија ќе диригира Виктор Митревски, кој доаѓа од школата од Виена. Ќе бидат изведени и македонски дела од автори како Сони Петровски, Владимир Николов, Љубомир Бранѓолица...

Македонската филхармонија ќе оствари три значајни турнеи. Првата е во Казахстан со Камерниот оркестар на Македонската филхармонија по повод празникот 8 Септември, а можно е со нивен концерт да биде отворен Конзулатот во Алмати.Турнејата во Шпанија ќе се одржи на 30 октомври и 1 ноември во Сарагоса и Хуеска.  Ќе има големата турнеја низ Кина, кога оркестарот на Македонската филхармонија во неколку градови ќе одржи седум концерти, а ќе се случува во декември и јануари.

Македонската филхармонија за редовните посетители на концертите ќе овозможи блок билети во кои ќе бидат вклучени сите концерти, по цена од 9.000 денари, а кои ќе можат да се набават до 20 септември.

Македонската филхармонија новата концертна сезона ќе ја стартува со кампањата „Без мобилни“ која, како што рече Илиески, треба да ја зголеми свеста кај посетителите да не ги користат своите мобилини телефони за време на музичките настани.

За „27 април" во Кривичен суд сведочи Сашо Тасевски

 Во Кривичниот суд во Скопје со сведочење на Сашо Тасевски вечерва продолжи судењето за случувањата  во Собранието од 27 април.

 Тасевски е актуелен директор на Бирото за јавна безбедност, а во времето на случувањето во Собранието беше обезбедување на министерот за внатрешни работи Оливер Спасовски.

Претходно во Судот сведочеа Драган Крстевски од МВР, Владимир Стојков вработен во Собрание на РМ  и Агим Нухиу, заменик министер за внатрешни работи.

Нухиу кој неклку часови сведочеше за текот на настаните во МВР за време на насилствата во Собранието на 27 април. Кажа дека тогашниот директор на БЈБ, Митко Чавков, не одговарал на неговите повици. Со Чавков, кој раководеше со оперативниот штаб, остварил контакт во 20 часот откако претходно повеќепати залудно се обидувал да го добие на телефон. Нухиу рече дека кога го прашал што се случува, Чавков, сега обвинет во случајот, му рекол дека „се случува народ“.

Во 18 часот, рече, му пратил СМС дали следи што се случува пред Собранието и дали има можност ситуацијата да ескалира, на што тој му одговорил дека „нема таква можност и оти засега се е под контрола“. Потоа Чавков му испратил уште една порака во која го информирал Нухиу дека надвор нема проблем.

Тој рече дека кога видел дека ситуацијата ескалира, тргнал кон Собранието и го барал Чавков на телефон, но немало одговор. Потоа му пишал дека пред Собранието нема доволно полицајци. Според Нухиу, кога Чавков пристигнал во оперативниот штаб се однесувал агресивно и не му одговорил на Нухиу каде бил до тој момент.

Обвинетиот Игор Југ на судењето вербално го нападна Нухиу и на судијката Кацарска и порача дека ако сака може да го осуди и на сто години затвор. Тој праша каде е српскиот разузнавач Живаљевиќ и забележа дека им се суди на 33 Македонци, додека странски разузнавач се шетал по Собранието. Обвинетиот Јане Ченто пак, кажа дека токму Нухиу е првиот што треба да сноси одговорност.

Вработениот во Собранието, Владимир Стојков, раскажа дека дента за главниот влез бил задолжен обвинетиот Абдулфета Алими и опишас како пратеници ги отвориле вратите. Неговото работно место било тогаш покрај вратата од пленарната сала.

Кога дошло до тензии помеѓу пратеници, сведокот Владимир Стојков и Алими добиле насоки од началникот да го пренесат формациското оружје горе во кабинет зашто не е безбедно да остане долу бидејќи може да дојде некој да го земе и да го употреби. Кога го носеле оружјето кон кабинетот слушнале викање и кога се вратил назад кај главниот влез ги забележал пратениците.

Тој притоа посочи дека ги видел пратениците Крсто Мукоски и Сашо Василевски како ги вадат гредите од средната врата, една од трите врати на главниот влез.  Пробал да ја врати едната греда, а другата греда Мукоски ја фатил од едниот крај и не му дозволил да ја врати додека пратеникот Василевски се упатил кон другата врата и ја тргнал едната греда, по што сведокот и Абдулфета се повлекле нагоре кон кабинетот. 

Претпладнето сведочеша и градоначалникот на Шуто Оризари Курто Дудуш и една новинарка присутна во Собранието за време на случувањата./МИА.

Царовска во Илинден: Младинската гранција која се применува и во земјите од ЕУ ги активира младите на пазарот на труд

 Унапредување на социјалните услуги за граѓаните, интензивирање на борбата за справување со сиромаштијата и социјалната исклученост во државата, социјалната реформа.

Но и  Гаранцијата за млади беа темите на кои министерката за труд и социјална политика Мила Царовска, разговараше со жителите на општина Илинден.

- Активирањето и промовирањето на вработувањето на младите на пазарот на труд го подобрува преминот на младите од училиште на работа. За таа цел ја имаме Гаранцијата за млади за која до крајот на годината се предвидени 8,8 милиони евра, а чија цел е да ги задржи младите во Македонија. Истата оваа мерка со години наназад се применува и во земјите од ЕУ. Европската Унија вложува во унапредување на работничките права и напорите тие да бидат рамноправно уживани од страна на сите граѓани, потенцираше минисистерката Царовска на средбата од врата со врата со жителите од Илинден.

Исто така, министерката детално ја објасни социјалната реформа со која се зголемува гарантираниот минимален приход, но и се воведуваат нови додатоци за намалување на детската сиромаштија.

„Природна катастрофа“ : Ракетна проба предизвикала пожар

Властите на регионот Емсланд во северозападна Германија прогласиле состојба на природна катастрофа поради пожар кој пред две недели го предизвикала ракетна проба изведена на полигон на германската војска.

Според АП , властите размислуваат за евакуација на околу 1000 жители на две села близу Мепан блиску до границата со Холандија.

Медиумите пренесуваат дека пожарникарите се уште се обидуваат да го стават под контрола пожарот на воените полигон.

Чадот од пожарот се проширил на околу 100 километри од полигонот и истиот е видлив на сателитските снимки.

притисни ентер