Македонија ќе добие покана на полноправно членство во НАТО

Очекувањата се исполнија – генералниот секретар на НАТО, Столтенберг, на денешната средба со премиерот Заев во Брисел, кажал дека на Самитот за две недели Македонија ќе добие покана за членство.

Очекувањата се исполнија – генералниот секретар на НАТО, Столтенберг, на денешната средба со премиерот Заев во Брисел, кажал дека на Самитот за две недели Македонија ќе добие покана за членство, но таа ќе се ефектуира само и само ако се реалзиира во целост Договорот со Грција.

На прес конференцијата по средбата, Столтенберг ги повика граѓаните да ја препознаат оваа единствена прилика и да го поддржат решение на спорто со Грција на претстојниот референдум.

Тонско Столтенберг

- Очекувам на самитот за две недели да бидете поканети на разговори за пристапување, а по финализирање на договорот, да влезете во НАТО. Без финализирање, не можете да го сторите тоа. Вратата на НАТО е отворена, не ја испуштајте оваа можност. Навистина се надевам дека народот на вашата земја ја гледа оваа историска можност. Ако оваа можност се одбие, тогаш тешко е да се замисли кога ќе бидете толку блиску до НАТО. Останува луѓето да одлучат, рече Столтенберг.

Премиерот Заев кажа дека е задоволен од развојот на настаните, и смета дека сега, со покана за челнство во НАТО и отворен пат за ЕУ, граѓаните има околу што да се обединат.

-Го видовме местото каде треба да биде подигнато нашето знаме како 30-та членка на Алијансата. Тоа го чекаме од 2008 година кога беше констатирано дека ги постигнавме стандардите... Остануваат нашите домашни задачи, но сега имаме околу што да се обединиме на широкиот автопат и да кажеме „да“ заради нашата иднина, нашата држава и идните генерации. Искуствата велат дека земјите членки н НАТО се силни промотори на економскиот раст. Благодарност до Столтенберг и нашите сојузници кои се подготвени да ја имаат како 30 членка на НАТО нашата земја“, рече Заев.

Столтенберг ја објасни прецизно и процедурата. Така, веднаш откако на 11 јули од Самитот ќе биде упатена поканата, ќе почнат пристапните разговори. Вообичаено траат три месеци, но во нашиот случај се очекува да бидат отворени до крајот на годината, кога треба да се направат уставните измени. Откако договорот со Грција ќе стапи на сила, некаде на почетокот од следната година ќе биде потпишан и т.н. протокол за пристапување меѓу НАТО и Северна Македонија. Потоа следи период на ратификација на протоколот во парламентите на сите 29 земји членки, процедура која според праксата трае најмногу една година, но она што е важно е дека земјата веднаш по потпишувањето на протоколот веќе ќе добие свое место на масата.

Тонско столтенберг.. на крајот...

Столнберг на на Заев денеска му покажа и местото на кое земјата како 30-та членка ќе стои на мапата на членки на НАТО. На масата, пак, столчето на земјава ќе биде до Норвешка, како North Macedonia.

Заев: Разговараме за стабилна четиригодишна Влада

Денеска добиваме нов Дом на демократијата на Македонија и на сите македонски граѓани.

Нашиот Парламент денеска ја одржа првата конститутивна седница со учество на народните пратеници кои ја изразуваат волјата на граѓаните кои гласаа на Парламентарните избори на 15 јули.

Во име на СДСМ, коалицијата МОЖЕМЕ и на сите 46 избрани наши пратеници, уште еднаш им благодарам на граѓаните за демократскиот капацитет и одговорноста кои беа демонстрирани на изборите – и уште еднаш уверувам дека нашите 46 пратеници, а сигурен сум дека има уште многу такви пратеници во овој состав - заедно ќе покажеме уште поголема одговорност кон сопствениот народ и сопствената држава – ќе градиме независен парламент – ќе ги претставуваме пред се интересите на граѓаните и на државата, пред партиските интереси – ќе му служиме на народот!

Државата им припаѓа на сите подеднакво. Државата е наша заедничка одговорност. Со оваа кауза денес се обврзуваме да градиме независен и одговорен парламент, вистински дом на демократијата.

Овој наш заеднички дом ќе ја избере и следната демократска, политичка, одговорна, европска Влада. Ние од денеска почнуваме преговори за нов четири-годишен, полн мандат на стабилно мнозинство во Парламентот, мнозинство кое ќе ни донесе стабилна и посветена четири-годишна Влада која е подготвена да сработи.

Ќе разговараме исклучиво за формирање Влада која се грижи за сите граѓани подеднакво, ослободени од какви било етнички предрасуди или национализми, Влада која нема никакви дилеми кога е во прашање нашиот заеднички пат кој се вика "Северна Македонија – Едно општество за сите".

Ќе разговараме за Влада која е решена и која ќе се бори со криминалот и корупцијата на сите нивоа – секој ќе си ја носи сопствената одговорност, без разлика дали доаѓа од партија, од општина, од институција, дали е експерт, функционер, познат или непознат.

Особено внимание ќе посветиме на делот за прочистување на правосудството и на проверката на потекло на пари и капитал кај секој функционер, по пат на систем што заеднички ќе го договориме.

Идните чинители во новата Влада ќе треба да се подготвени и за сериозна реформа на јавната администрација – зборувам за ПРОМЕНА која ќе донесе ефикасно служење на потребите на граѓаните, но и промена со која обемот на администрацијата ќе се намали за 20%. Зборувам за помал број министри и за рационализација на јавните служби, но за поголем број и побрзи услуги за граѓаните.

Конечно, Владата за која ќе разговараме, на првото место од својата европска и граѓанска агенда, ќе ја има НОВАТА МАКЕДОНСКА ЕКОНОМИЈА. Главните принципи се: платите да продолжат да растат, да вложуваме во младите и во рамномерниот регионален развој, да водиме посебна грижа за најсиромашните граѓани и да даваме постојана поддршка на домашниот приватен сектор.

Јакнењето на економскиот стандард на сите наши граѓани ќе биде императив на новата Влада.

Ние во овој момент почнуваме со сериозни разговори поставени на сериозни принципи кои ќе ни донесат сериозна и посветена - Влада која движи брзо напред по европскиот пат, односно Влада посветена на економијата и правдата. Влада која ги отвора преговорите за членство со Европската Унија и Влада која со секое ново отворено поглавје од преговорите ќе воведува нови европски стандарди за подобар живот, тука во нашата убава земја.

Тоа го побараа граѓаните, тоа ќе го испорачаме.

Очекувам дека за 10 - 15 дена ќе имаме исход од овие преговори и дека многу скоро ќе ги кренеме македонските институции во полн капацитет да можат да се справуваат со најголемиот предизвик, невидливиот непријател КОВИД-19. Пред нас е есента која носи нова учебна година, нова грејна сезона, нови предизвици на болниците – пред нас е заедничка борба за јавното здравје и за економски напредок.

Не` чека двојно повеќе и подобра работа – со ангажман на секој од нас, уверен сум дека заедно, одговорно и посветено - Ќе успееме!

Затоа што навистина можеме! Можеме повеќе и подобро!

Зоран Заев, претседател на СДСМ

Истече рокот за непознатиот газда на дивоградбата пред Мавровка да го сруши објектот

Сите законски рокови истекоа, ниту општина Чаир, ниту МВР и Обвинителството не го најдоа инвеститорот кај „Мавровка“. 

Сите законски рокови истекоа, ниту општина Чаир, ниту МВР и Обвинителството не го најдоа инвеститорот кај „Мавровка“. Непознатиот сопственик не ја отстрани дивоградбата што „никна“ на местото на кафулето „Фонтана“ кое изгоре во пожар пред три месеци. Недоизградените бетонските столбови зјаат празни, нема никакво обезбедување, само случајни минувачи.

-И покрај тоа што истекоа сите законски рокови за уривање на дивоградбата кај „Мавровка“, инвеститорот остана мистерија, а објектот се уште стои. Сега надлежноста за остранување е кај општина Чаир.

Се разбира дека објектот ќе биде урнат веднаш штом заврши тендерот за избор на фирма за отстранување на дивоградби, вели градоначалникот на Општина Чаир Висар Ганиу.

- Рокот од 8 работни дена што го дадовме на тој што гради да го отстрани објектот, истекува денес. Доколку никој не го отстрани објектот до крајот на денот, Општината тоа ќе го стори веднаш штом заврши тендерот, кој го објавивме веднаш за да можеме да реагираме за ситуацијата“, вели Ганиу.

Тендерот за ангажирање на фирма за уривање на бесправно изградениот објект беше распишан на 27 јули и трае до утре, на 5 август. Потоа, ќе следува п јавно отворање на понудите и во зависност од динамиката на постапката и роковите за жалби, се очекува до средината на месецов да биде избрана фирмата, а нелегалниот објект да биде срушен за 30-40 дена.

Засега е безуспешна и истрагата на полицијата за пронаоѓање на тој што градел пред „Мавровка“. Од МВР и ОЈО за Канал 5 велат дека во заедничка координација се уште го истражуваат начинот на кој „никна“ објектот и прибираат докази. Од Обвинителството велат дека чекаат полицијата да ја комплетира истрагата и да ги известат.

Утре без вода дел од општина Чаир кај Скопски пазар

Од ЈП Водовод и канализација известуваат дека утре без вода ќе останат корисниците од ул. Покриен Пазар, дел од ул. Алберт Станиќ, Евлија Челебија, Самарџиска и Атанас Бабата во општина Чаир.

Жителите ќе останат без вода поради дефект на вентил на водоводна мрежа на булеварот „Крсте Мисирков" (Скопски пазар).

Водоснабдувањето ќе биде прекинато од 09:00 часот до завршување на интервенцијата./МИА

притисни ентер