Македонија

Мигрантската политика ќе биде во фокусот на самитот на лидерите на ЕУ

По Македонија, и Албанија ги отфрла предлозите за бегалски кампови на нејзина територија. Албанскиот премиер Еди Рама во интервју за весникот Билд, дециден – нема бегалски кампови на албанска територија, дури ниту во замена за членство во ЕУ.

„Никогаш нема да прифатиме вакви ЕУ-бегалски кампови. Нема да изградиме вакви бегалски кампови ако тоа значи очајните луѓе да се истоварат некаде, како отровен отпад кој никој не го сака. Бегалската криза мора да се решава независно од актуелниот момент на нашите обиди за приклучување“, изјави Еди Рама – Премиер на Албанија.

Во текот на вчерашниот ден, со сличен став и првиот човек на македонската полиција. Спасовски истакна дека Македонија е само транзитна земја за мигрантите, а не нивна крајна дестинација.

Предлогот за бегалски кампови на Балканот и во северна Африка потекна од австрискиот канцелар Курц и претседателот на ЕП Антонио Тајани.

Мораме ефикасно да ги штитиме надворешните граници, и мораме да инвестираме повеќе во Африка, за да ги сузбиеме причините кои доведуваат до појава на бегалци. Освен тоа, потребни ни се центри за баратели на азил надвор од ЕУ, при што може да има два вакви евентуални прифатни бегалски центри на Балкан.

Мигрантите и мигрантската криза се очекува да биде главна тема на состанокот на врвот на ЕУ кој треба да се започне утре во Брисел.

Темата се актуализираше откако се почести се информациите за можен нов бегалски бран, како и секојдневните информации за криумчарење на мигранти токму по балканската рута која поминува и низ Македонија..

Свет

САД ќе ја повлечат својата војска од Нигер

Повеќе од 1.000 американски војници ќе го напуштат Нигер во наредните месеци, објави Њујорк Тајмс.

Американски извори потврдиле дека веќе е постигнат договор за тоа меѓу заменик државниот секретар на САД Курт Кемпбел и раководството на Нигер, пренесува БТА.

Американската војска во Нигер е стационирана во две бази, вклучувајќи ја и базата за беспилотни летала позната како авиоабаза 201, изградена во близина на Агадез во централниот дел на Нигер.

Од 2018 година, базата се користи против милитантите од Исламската држава и Џамаат Нусрат ал-Ислам вал Муслимин, исламистичка организација поврзана со Ал Каеда, во регионот Сахел.

Армијата на Нигер ја презеде власта со државен удар минатата година. Пред пучот, Нигер беше клучен безбедносен партнер на САД и Франција. Но, новите власти во Нигер им се придружија на хунтите во соседните Мали и Буркина Фасо и ги прекинаа воените договори со своите некогашни западни сојузници како Вашингтон и Париз, напуштајќи го регионалниот политички и економски блок ECOWAS. Тие, исто така, започнаа поблиски врски со Русија.

Во наредните денови треба да се разговара за тоа како ќе се одвива повлекување на американските војници војници од Нигер. /МИА

Формула

Верстапен најбрз на спринтот за Големата награда на Кина

Возачот на Ред Бул, Макс Верстапен, победи во спринтот за Големата награда на Кина.

Второто место го зазеде Луис Хамилтон од Мерцедес со заостанување од 13.043 секунди.

Вториот возач на Ред Бул, Серхио Перез беше трет со 15.258, секунди послабо време од победникот.

Ова е осма победа на Верстапен во кариерата во спринт.

Главната трка од Формула 1 шампионатот за Големата награда на Кина ќе се вози утре со почеток во 9 часот по македонско време. /МИА

Свет

Северна Кореја тестирала тестирала „супер голема“ боева глава и противвоздушна ракета

Северна Кореја денеска соопшти дека тестирала „супер голема“ боева глава за крстосувачка ракета и нов противвоздушен проектил, пренесува ДПА.

Тестот на „супер-големата“ боева глава дизајнирана за стратешката крстосувачка ракета Хвасал-1 Ра-3 и пробното лансирање на противвоздушната ракета Пјољџи-1-2 се извршени во петокот, објавија државните медиуми.

- Преку пробното лансирање беше постигната зацртаната цел, објави агенцијата КЦНА.

Се наведува дека тестовите биле дел од редовните воени активности на Северна Кореја и дека немаат „никаква врска со ситуацијата во регионот“.

Резолуциите на ОН и забрануваат на Северна Кореја да тестира балистички ракети од кој било дострел, од кои некои се способни да носат нуклеарни боеви глави.

Како одговор на севернокорејската програма за нуклеарно оружје, Соединетите Држави и Јужна Кореја ја зајакнаа воената соработка, вклучително и одржување заеднички маневри. /МИА