Николоски од Прилеп: ВМРО-ДПМНЕ нема да дозволи да се увезува тутун во државата додека не се откупи последниот килограм македонски тутун

Александар Николоски, потретседател на ВМРО-ДПМНЕ и носител на изборна единица 4 се обрати денеска од Прилеп , соопштуваат од ВМРО – ДПМНЕ.

Сакам да се извинам за доцнењето но основна причина за доцнењето е она што го зборуваме во текот н целата кампања а тоа е нерешената инфраструктура и кон Прилеп, и кон Пелагонискиот регион, и кон Битола,рече

Имено знаете дека експресниот пат кој што се градеше од Градско до Прилеп е стопирано од моментот на постојното патно решение има неколку семафори кои што навистина го прават патувањето невозможно.

Мотив плус веднаш после победата на изборите на 15 јули да работиме за брза реализација на нашето клучно ветување за следните четири години, автопатско поврзување на Велес, Градско, Прилеп, Битола до грчка граница.

Она што сакам денес да го истакнам е дека ќе имаме средба со културните работници тука во Прилеп, за мене исклучително значајна средба затоа што тука во Прилеп планираме да изградиме нов објект за театарот. Има навистина квалитетен театар во Прилеп, и има навистина добра публика и заслужуваат да имаат современ објект кој што објект ќе може да ги прими сите љубители на уметноста.

Понатаму, старата чаршија која во изминатиот период се повеќе е затворена, а се повеќе дуќани се празни заради економската ситуација, целосна ревитализација во периодот кој што доаѓа.

Секако тука остануваат клучните ветувања поврзани со земјоделието, пред се со откупот на тутунот. Споменам ќе повторам на првата седница на влада изгласување на закон со кој што ќе се забрани кило тутун да се увезе во Македонија пред целосно да се откупи домашниот тутун.

Во исто време, пред недела дена споменав, но еве недела дена помина и немам никаков одговор да го поставам повторно прашањето директорот на тутунскиот комбинат поставен од владата, тутунскиот комбинат целосно во сопственост на државата зема нето 3.5000 евра плата, бруто 5.500 евра плата. Како е тоа возможно во услови кога земјоделците и тутунарите едвај врзуваат крај со крај.

Тоа е нешто за што мора да има одговорност, пред се морална, а ако има основи секако и за кривична.

И последната работа која што сакам да ја спомена, со денови го правам овој апел се надевам дека од тука од Прилеп ќе бидам послушан, имено една од основните ветувања од нашата програма е враќање на владеењето на правото, како еден од најзначајните проекти е проектот за испитување на потекло на имот и капитал на сите носители на јавна функција во изминатите 30 години.

Јавно го повикувам Зоран Заев да излезе во јавност и да каже дали е во состојба да го докаже потеклото на сопствениот капитал и капиталот на неговото семејство кое во изминатите 18 години колку што тој е вкупно на функција стана најбогато семејство во Македонија.

Значи, јавно го повикувам да ја направи таа работа да излезе да каже дали може да го докаже потеклото на капиталот.

И последна работа, поврзана со медиумите, во изминатата недела имавме две покани од две национални телевизии за соочување за дуел на кои требаше да споредиме што имаме да понудиме во Четвртата изборна единица, но Заев два пати избега, го повикувам на кој сака медиум , во кое и да сака време да излеземе да ги споредиме нашата програма, онаа на СДСМ и да видиме дали граѓаните ќе дадат доверба за промени. Јас сум убеден дека промените ќе се случат на 15-ти јули со една масовна излезност.

Новинарско прашање: Се сеќавате на она време каде се бегаше од дуели, сега вие велите Шеќеринска и Заев бегаат од дуели?

Одговор: Во однос на Дурловски мислам дека беше многу јасен дека тие имаа закажан дуел на кој Радмила Шеќеринска не се појави и човекот кажа дека не може да го губи времето чекајќи ја. Во оној момент, секако Дурловски ќе одговори директно, кога ќе усогласат термин убеден сум дека ќе присуствува.

Во однос на мојот дел со Зоран Заев имаше две уредни покани од две телевизии, ја отидов на двете но, Зоран Заев не дојде на ниедна. Знаете малку е дволично во едно друго време и во еден друг период СДСМ тогаш како опозиција критикуваше затоа што тогашните владини функционери не излегуваа на дебати, јас и тогаш критикував дека тоа не е добра пракса, па имам кредибилитет да зборувам ова, дури на еден од моите први јавни настапи како потпретседател на партијата, се имам извинето кон новинарите заради односот кој постоел претходно. Но мислам дека е дволично, пред четири години да зборувате дебати, дуели, а три години да бегате од истите. Се надевам дека Заев ќе се охрабри имаме уште 10 дена кампања да видат граѓаните, затоа што најлесен начин е да видат граѓаните е доколку се соочиме.

Новинарско прашање: Веста од Брисел ве направи ли по радосни за преговарачката рамка и како што велат бетонирањето на македонскиот јазик?

Одговор: Клучното прашање тука е кој е датумот за почеток на преговори, Заев излезе во 2018 година кажа дека летото сме добиле датум за преговори, после тоа се сликаа во владиниот авион, селфи си направија добивме датум за преговори, а датумот за преговори никој не го виде, па после рекоа дека сигурно во летото 2019 година добиваме датум за преговори, па дојде и помина летото 2019 година немаше датум за преговори, па после рекоа октомври 2019 година сигурно добиваме датум за преговори, помина октомври немаше исто така. На крај жими мајка сигурно во март месец 2020 година добиваме датум за преговори, но не се случи и тоа. И ги гледам сега пред некој ден ни срам ни перде се наредиле пред влада, добивме датум за преговори. Па еве тука од Прилеп јавно да ги прашам кој е датумот на кој Македонија ќе почне со преговори со Европската унија?

Јас посакувам да е тоа час поскоро, добро е за државата, добро е за сите нас и ние тоа сакаме да се случи , но во овој момент тажната вистина е дека три години Македонија со Зоран Заев не добива датум за преговори.

Зибери од Тетово: Општините ќе добиваат повеќе пари од државата

Кандидатот за премиер на ДУИ Насер Зибери на средба со градоначалници на четири општини во зградата на општина Тетово  ја истакна заложбата дека во иднина централната власт повеќе треба да ги помага локалните самоуправи со финансиска децентрализација

Тој со нив потпиша и Меморандум за соработка.

-Затоа ние планираме веднаш да се пристапи кон промена на неколку закони кои ќе зајакнат финансиската состојба на општините. Промена на законот за додадена вредност и процентот кој се доделува за единиците на локалната самоуправа да се зголеми од 4,5 на 9 отсто. Можеби не оддеднаш, но постепено, тоа ќе биде наша определба. Процентот од персоналниот данок исто така да се зголеми од 3 на 9 отсто. Добив една сугестија дека определба, која постои, но која за жал не функционира, издвојување на еден процент од БДП за потребните на локалната власт, се разбира тука се и проектите за подобрување на локалната патна инфраструктура, на инфраструктура на објектите од јавен карактер и сето тоа заложба за подобрување на условот за задржување на нашите млади во Република Северна Македонија, рече Зибери.

Кандидатот за премиер истакна дека и во повеќе други области треба да има промени за подобар живот на граѓаните во општините.

-Преиспитување на профилите на средните училишта со нагласок на стручните училишта кои треба да бидат двигатели на поголемо вработување на нашите млади и баланс на побарувачка и произведување на кадри и потреба на стопанство која реално ја има. Градоначалниците истакнаа проблеми во делот на животната средина и тоа ќе биде моја заложба да создаваме подобар амбиент, а во делот на туризмот нагласени беа потенцијалите на кои не сме изразиле доволно внимание да се исползуваме во интерес на граѓаните, истакна Зибери.

Зибери се сретна со градоначалниците на Тетово, Дебар, Чаир и Липково. /МИА

Заев од Росоман: Уште повеќе ќе ги поддржуваме домашните компании, обезбедуваме 600 милиони евра поддршка за домашната економија до 2024 година

Претседателот на СДСМ и носител на кандидатска листа на пратеници во ИЕ4, Зоран Заев денеска во Росоман оствари средби со претставници на бизнис секторот и со вработените во повеќе фирми, се наведува во партиското соопштение.

На средбите се зборуваше за успешното справување со последиците од економската криза предизвикана од пандемијата како и за новата понуда во следниот четиригодишен мандат со којашто заедно ќе градиме нова развојна економија.

Во разговорите со претставниците на бизнис секторот од Росоман тој укажа на тоа дека СДСМ успешно се справува со негативните ефекти предизвикани од корона кризата, преку трите сета на мерки за помош на македонската економија пуштени се во оптег 1.1 милијарда евра, односно 10% од вредноста на БДП. Првите резултати се видливи, економијата закрепнува побрзо од очекуваното.

Конкретно во Росоман поддршката за исплата на плати и придонеси добиле 18 компании кои вработуваат 83 граѓани. Бескаматни кредити добила 1 компанија со 15 вработени, а 533 граѓани добиле платежни картички.

„Посветени сме на максимална поддршка на бизнис секторот, бидејќи ни е важно да се зачува секое работно место и да се создадат услови за отворање на нови. Изминативе 3 години имавме рекордна поддршка на домашните компании која изнесуваше 100 милиони евра. И во следниот мандат продолжуваме уште повеќе и уште подобро да ги поддржуваме компаниите со поддршка 600 милиони евра обезбедена од буџетот и европските фондови" порача претседателот Заев на средбите со бизнис секторот.

Претседателот Заев заклучи дека е важно државата да продолжи на правиот пат кој овозможува развој на нова македонска економија за раст на компаниите и приватниот сектор и затоа е важно граѓаните да излезат на изборите кои ќе бидат безбедни по здравјето и да ја дадат својата поддршка и глас за СДСМ и коалицијата „Можеме".

притисни ентер