Свет

Првите луѓе на ЕУ бараат решение за мигрантите

Лидерите на 16 земји членки на ЕУ денеска на состанок во Брисел ќе бараат решение за мигрантската криза.

На самитот ќе се настојува да се ублажат разликите и напнатоста во решавањето на мигрантската криза , што доведе до проблеми во коалициската влада на Германија , а предизвика и нетрпеливост меѓу земјите членки.

Пред почетокот на самитот вчера Италија и порача на Франција дека со арогантниот однос е на пат да стане нејзин ,,непријател број еден” . Тоа е одговор на изјавата на францускиот претседател Емануел Макрон , кој рече дека миграцијата кон Европа е намалена во однос на претходните години , на што потпретседателот на италијанската влада Луиџи ди Мајо изјави дека Макрон ја изгубил свеста за реалноста.

Макрон вчера по средбата со новиот шпански премиер , Педро Санчез изјави дека размислува за вооведување финансиски санкции за земјите членки на Унијата кои ги одбиваат мигрантите со одобрен азил , мислејќи на Унгарија , Полска и Чешка.

Денешниот состанок во Брисел би требало да го подготви теренот за самитот на ЕУ што ќе се одржи кон крајот на идната недела.

Формула

Тајланд сака да биде домаќин на трка во Формула 1

Тајланд сака да биде домаќин на трка во Формула 1, изјави тајландскиот премиер Срета Тависин, кој денеска оствари средба со шефот на Ф1, Стефано Доменикали.

„Тајланд има капацитет да биде домаќин на Формула 1 во Бангкок“, напиша шефот на владата на социјалната мреќа Икс, по разговорите во Бангкок.

„Ако го направиме тоа, сигурен сум дека нашата земја ќе остави неверојатни спомени за другите, бидејќи имаме добар потенцијал, капацитет и гостопримство“, наведе Тависин.

Владиниот портпарол, цитиран од локалните медиуми, рече дека трката би се организира низ улиците на стариот дел на Бангкок, познат по големиот сообраќаен метеж и проблемите со инфраструктурата.

Тајланд е домаќин на трка во Светскиот шампионат во Мото ГП која секоја година се одржува во Бурирам, сиромашен, рурален регион на повеќе од пет часа возење од главниот град. /МИА

Регион

За една недела во Грција се уапсени 379 лица за семејно насилство

Минатата седмица грчката полиција уапсила 379 лица по поднесени пријави за семејно насилство, а 23 жртви биле пренесени во центрите за згрижување, јави дописничката на МИА од Атина.

Министерството за заштита на граѓаните на Грција информираше за резултатите од спроведувањето на новиот план на полицијата за справување со криминал, семејно насилство и врсничко насилство.

Согласно неделниот извештај, во периодот од 15 до 21 април, полицијата примила 1.025 повици за семејно насилство, а на 81 жена – жртва на насилство ѝ била инсталирана специјалната апликација за помош „Panic Button“ на грчката полиција .

Биле пријавени 633 случаи на семејно насилство, при што биле уапсени 379 лица, а 23 жртви на насилство биле пренесени на безбедни локации.

Во однос на малолетничката деликвенција и врсничкото насилство биле извршени проверки на 6.004 лица, од нив 344 биле приведени, а 160 уапсени и биле потврдени 270 прекршоци.

Македонија

Како на младите да им се врати љубовта кон книгата?

Некогашната парола, книгата е прозорец кон светот, за младите повеќе не важи. 

За нив прозорец кон светот е интернетот, книги читаат само понекогаш, ако тоа од нив го побараат наставниците.

Дека е така потврдуваат и дел од издавачите на овогодинешниот саем на книга.

Најмалку читаат средношколците, и основците, а книги купуваат најчесто кога се на попуст. Слободното време, најчесто го поминуваат на интернет. За разлика од нив, за повозрасните, технологијата не е предизвик.

36 издание на Саемот на книга завршува утревечер, во 20 часот.

притисни ентер