Забава

Филмот „Avec l'amour“ и „Квин симфони шоу“ во Градскиот парк во Скопје

Mакедонскиот долгометражен документарен филм „Avec l'amour“ на режисерот Илија Цветковски вечер во 22 часот ќе биде прикажан на отворено во Градскиот парк во Скопје.

Утревечер во 21 часот ќе се одржи концерт „Квин симфони шоу“ на кој ќе настапи познатиот „Квин ријал трибјут“ бенд од Србија заедно со оркестарот на Македонската филхармонија и Хорот на Македонската опера и балет.

Ова беше истакнато на денешната прес-конференција на Град Скопје, Македонската филхармонија и Младинскиот културен центар.

Градоначалникот на Град Скопје, Петре Шилегов истакна дека во соработка со МКЦ и Македонската филхармонија продолжуваат во атрактивни содржини во текот на летото.

- Вечерва продолжуваме со проекција на долгометражниот документарен филм „Avec l'amour“. Очекувам дека и човекот за кој е направен документарецот ќе се појави со еден од своите олдтајмери. Тоа е прекрасен филм, предизвик повеќе за скопјани да се најдат на отворената сцена и заедно да уживаме во овој настан, рече Шилегов.

Посочи дека познатиот „Квин ријал трибјут“ бенд на бината што ќе биде поставена пред Школка ќе свири песни од еден од највлијателните рок „Квин“ трибјут бендови.

Со специјални аранжмани за оркестар и хор, бендот ќе ги изведе најголемите хитови на една од највлијателните групи на сите времиња „Квин“.

- На настанот гости на град Скопје ќе бидат многу градоначалници од регионот. Скопје во текот на утрешниот и задутрешниот ден ќе биде мала метропола на регионалните градоначалници со кои ќе разговараме за размена на други искуства. Императив за мене е да работиме на враќање на сјајот на нашиот град, на нашите граѓани да им овозможиме културни настани кои ќе бидат опозит на досегашниот кич, затоа што скопјани заслужуваат да бидат ставени на мапата на светските културни центри, додаде Шилегов.

Директорот на Македонската филхармонија, Виктор Илиески рече дека чест му е што бендот по сите светски настапи заедно со Македонската филхармонија и хорот на МОБ ќе се претстави во најдобро светло.

Менаџерот на бендот, Пеџа Стојниќ рече дека утревечер ќе има спектакл во Градскиот парк во Скопје. - Сме свиреле во разни метрополи. Ова што Скопје го прави е на ниво на големите европските градови во кои во летниот период се одржуваат големи концерти, големи културни манифестации, додаде Стојниќ.

Македонија

ДИК: Излезноста до 19 часот е 48,46%, најмногу во Новаци- 71,07%

Најголема излазност од 71,07 % е забележана во Новаци , а најмала во Центар Жупа со 16,19% ,соопшти претседателот на ДИК, Александар Даштевски

На по едно место во Липково, Могила и Делчево ќе се продолжи гласањето поради кус прекин.

Македонија

ДУИ: Да им честитаме на сите граѓани, имавме мирен изборен ден

На прес конференција на ДУИ во Мала Речица беше речено дека денека имало мирен изборен ден, како и во целиот изборен процес. Ова е наш заеднички успех.

Живот

Објавена долгорочната прогноза за летото: Топлиот циклус забрзано опаѓа, доаѓа ладниот

Ажурираната прогноза за летото 2024 година покажува динамичен летен атмосферски модел, под влијание на преминот од топлиот циклус Ел Нињо во студениот циклус Ла Ниња.

Се предвидува дека низа бранови на притисок и аномалии ќе се протегаат од Северна Америка сè до Европа, пишува Severe Weather Europe.

Над северната хемисфера, следните месеци ќе бидат преоден период помеѓу Ел Нињо (топла фаза) и Ла Ниња (ладна фаза), што ќе остави свој белег на атмосферата и временските обрасци.

Еден од главните двигатели на зимските временски услови и раната пролет беше Ел Нињо. Врвовите на топли аномалии беа забележани во декември, но на почетокот на оваа година почна нагло опаѓање на температурите, а се очекува целиот регион над Екваторот да оди во негативен циклус во текот на летото.

Силен подземен ладен базен е главниот предуслов за падот на Ел Нињо. „Топлата фаза“ моментално е во распаѓање, а појавата на многу студен циклус започнува кон крајот на летото 2024 година, а ќе трае до 2025 година.

Врз основа на сите податоци од прогнозата, Severe Weather Europe известува дека Ел Нињо е во брз пад. Сепак, ваквите големи настани обично бараат подолг временски период бидејќи на атмосферата и треба одредено време за да одговори на овие океански промени.

Податоците покажуваат дека големи делови од централниот и источниот дел на Соединетите Американски Држави и јужна Канада ќе доживеат температури над нормалните, додека Европа може да очекува пониски температури.

Од Severe Weather Europe велат дека прогнозите за летото, односно за јуни, јули и август, укажуваат на област со натпросечни температури и поголема тенденција за топлотни бранови над јужниот дел на САД, па сè до северните делови. Втората област е над јужните делови на Европа каде што времето ќе биде потопло од нормалното во поголем дел од континентот.

Најсилни аномалии и тенденции на топлотни бранови има во централните и јужните делови на континентот.

Кон крајот на летото, Северна Америка ќе ги почувствува раните промени на новата Ла Ниња што се појавува, бидејќи е многу поблиску до изворниот регион во Пацификот. /МИА