Македонија заедно со Словенија и Црна Гора организатори на женското ракометното ЕП 2022

 Европската ракометна федерација на денешниот конгрес во Глазгов, Шкотска донесе одлука Македонија, заедно со Словенија и Црна Гора да бидат заеднички организатори на Европското првенство за ракометарки во 2022 година.

Федерациите на трите земји ги исполнија критериумите и ги задоволија сите барања при инспекциите на ЕХФ во текот на изминатиот период, по што официјализирано е дека градовите Љубљана, Скопје, Цеље и Подгорица, со своите арени „Стожице“, „Борис Трајковски“, „Златорог“ и „Морача“ ќе организираат по една од четирите групи во првата фаза од првенството.

Љубљана и Скопје ќе бидат домаќини и на по една од групите во главната фаза, додека завршницата од шампионатот ќе се игра во словенечкиот главен град.

Покрај условите за одигрување на овие натпревари од највисоко ниво, заедно со искуството на организација на големи настани на трите федерации, како посебно добра препорака за доделување на организацијата.

- Кампањата, која ќе се одвива под слоганот „We Can Handball“, како главна цел го има засилувањето на брендот на женскиот ракомет во Европа и Светот, така што со подобрување на сите негови производи, тој ќе се приближи до она што глобално претставува машкиот ракомет. Предложени се низа проекти под слоганите “We Teach Handball”, “We Travel Handball”, “We Care Handball”, “We Support Handball” и “We Work Handball”, меѓу другите, чија реализација нема да биде фокусирана само во земјите на одржување на Првенството, туку низ цела Европа, објави РФМ на својата официјална веб страница.

Целта на предложените проекти се опфаќање на широк аудиториум за приближување на фановите до своите идоли, промоција на женскиот ракомет, како и да се промовира самиот настан. 

Три ѕвезди од Европската атлетска федерација за организацијата и квалитетот на трката „Охрид трчаТ"

Спортско-рекреативната манифестација „Охрид трчаТ" доби сертификат со три ѕвездички од Европската атлетска федерација, за квалитет на трка и организација на настан.

Рангирањето со три ѕвезди претставува успех за организаторот и атлетскиот настан, уште повеќе што тоа е стекнато веќе со второто издание на овој сега најмасовен спортско-рекреативен настан во Охрид.

Директорот на трката, Иван Цветкоски изјави дека препознавањето на трката од Европската атлетика како настан и организација дополнително ги мотивира да ја градат спортската манифестација „Охрид трчаТ" заедно со сите партнери, пријатели, волонтери, соработници и поддржувачи на уште повисоко ниво со цел веќе од 2020 година да ги добијат максималните пет sвезди за квалитет на настан.

-За нас како организатори на трката, сертификатот за квалитет на трка и организација претставува голем мотив за иднината на настанот, за кредибилитетот наш, за професионализмот. Дополнително овој сертификат обезбедува сигурност за тркачите, за сите учесници, што сигурно ќе овозможи да бидеме уште повеќе прифатени од тркачката заедница, граѓаните и сите подржувачи, изјави Цветкоски.

Следното трето издание на „Охрид трчаТ" ќе се одржи на 2 јуни, а пријавувањето со многу новитети и изненадувања ќе започне во најскоро време. 

Надал и Ѓоковиќ сепак ќе се соочат на егзибиционен турнир

Рафаел Надал , и покрај најавите за повреда , ќе настапи на егзибициониот турнир во Обединетите Арапски Емирати заедно со Новак Ѓоковиќ.

Турнирот ќе се одржи на 27 декември во Абу Даби. Овој турнир се игра само пет дена по оној во Саудиска Арабија , каде Надал го откажа учеството поради повреда.

По потврдата дека ќе може да учествува во Абу Даби спортската јавност се прашува дали вистинската причина за откажување на учеството на Надал е убиството на новинарот Џамал Кашоги , а не повредата.

Тој само пет дена подоцна ќе настапи со Ѓоковиќ во егзибициониот меч во Абу Даби , каде ќе учествуваат и Кевин Андерсон , Хјеон Чунг, Доминик Тим и Карен Хачанов.

Се појави писмото на сопругата на Шумахер по несреќата

Во јавноста се појави писмото што го напишала сопругата на ѕвездата на Формула 1 , Мајкл Шумахер , во кое пишува за состојбата на асот по тешката повреда по која падна во кома.

Мајкл и Корина се во брак 23 години , а во тоа писмо , упатено до музичарот Саша Херхенбах , таа го опишала како борец кој не се предава. таа го напишала писмото откако музичарот напишал песна за Шумахер , а потоа и пратил ЦД со снимката. Песната се вика ,,Роден за борба” . Херхенбах вели дека не очекувал одговор , но Корина му пратила писмо напишано на рака.

,, Сакам искрено да ви се заблагодарам за вашата порака и за прекрасниот подарок што ќе ни помогне во овој тежок период . Убаво е да се добие толку убави желби и зборови , тоа е голема поддршка за семејството. Сите знаеме дека Михаел е борец и дека нема да се предаде.” , пишува во писмото на сопругата на Шумахер.

Не е познато кога го добил писмото , но музичарот песната ја напишал во јануари 2014 , една година по несреќата на Шумахер.

Седумкратниот светски шампион во Формула 1 падна за време на скијање со синот на 29 јануари 2013 и ја удри десната страна на главата од камен , што ја скрши кацигата и со месеци потоа беше во кома.

Се рабуди дури во април 2014 , по што од болницата е префрлен во неговиот дом во близина на женевското езеро.

Се смета дека сега за него се грижи тим од 15 доктори , кои му се нарасполагање 24 часа дневно , по цена од 130 000 евра неделно .

притисни ентер