Во градската болница Наум Охридски биле примени 12 луѓе кои имале проблеми со дишењето поради солзавецот по прегледот биле пуштени дома. И во ургентен 12мина завршиле со полесни повреди, само кај двајца учесници имало исченици на нозете и завршиле на пластична хирургија. Од повредените во ургентен осум се полицајци и четворица цивили помеѓу кои и новинар.
МВР потврди дека биле приведени 26 луѓе.
Немирите почнале околу 21.30 часот кога 50 демонстранти се упатиле кон плоштадот Македонија и насилно упаднале во два угостителкси објкети, каде кршиле и врз гостите фрлиле солзавец. Во близина на хотелот Холидеј ин запалено е комби Фиат. Состојбата ескалирала кога масата народ ја урнале оградата кај собрание и затоа полицијаците морале да превземат мерки, се вели во соопштението на МВР.
Во врска со новинарот на порталот Инфомакс, од МВР велат дека одбивал да се легитимира, а притоа дал и и активен отпор. Постапувајќи согласно процедурите , лицето е однесено во полициска станица и по утврдувањето на неговиот идентитет, истото веднаш е пуштено.
Најмногу рекации со видеа имаше на социјалните мрежи каде се коментираше дека полцијата употребила поголема физичка сила и солзавец.
Со писмено соопштение и од Советот за етика за медиумите на Македонија:
- Медиумите не смеат да бидат злоупотребени за пренесување повици за обединување поединци и групи за радикално однесување и постапки кои го загрозуваат јавниот ред и мир во општеството, Оваа реакција, според нив, е поради зачестените случаи на ширење шпекулации, еднострано известување и невистини преку некои медиуми, особено во контекст на сегашната политичка ситуација и по потпишувањето на договорот за името со Република Грција.
Со реакација и Хелсиншкиот комитет за човекови права во соопштението велат дека според нивните согледувања група на граѓани кои биле дел од протестот извршиле насилни дејствија насочени кон полициските службеници. Од Хелсиншки ги повикуваат:
-Надлежните да спроведат темелна истрага за сторените казниви дела. Во синоќешните протести се забележува дека има прекумерена употреба на хемиски средства од страна на полицијата кон граѓаните Согласно Законот за полиција, употребата на средства за присилба мора да биде соодветна и пропорционална се вели во соопштението.