Бугарски медиуми за договорот меѓу Македонија и Грција

Министрите за надворешни работи на Грција и Македонија го потпишаа договорот со кој Поранешната Југословенска Република Македонија сега ќе се вика „Република Северна Македонија“, јавуваат електронските изданија на бугарските медиуми.

Извештаите засега се речиси без коментари, само информации дека е потпишан во грчко село на брегот на Преспанското езеро, по што делегациите се префрлија на македонска страна.

Порталот 24 часа.бг исткнува дека „историскиот договор е факт“ и во насловот извлекува дека Ципрас од Заев доби црвена вратоврска.

- По поптишувањето и официјалните говори, грчкиот премиер доби подарок – црвена вратоврска. Тој симболичен чин веројатно е првиот чекор кон излез на Грција од кризата. Да потсетиме, дека Алексис Ципрас вети дека ќе стави вратоврска кога Грција ќе излезе од кризата, пишува порталот.

И бугарската информативна агенција „Блиц“ издвои посебен простор за гестот на Заев.

- Македонскиот премиер Зоран Заев неочекувано одлучи да му подари нешто на грчкиот колега Алексис Ципрас, со кого пред неколку минути официјално утврдија промена на името на Македонија во Република Северна Македонија... Тој ја извади својата црвена вратоврска и по прегратка му ја даде на Ципрас. Двајцата насмеани повторно се ракуваа пред насмеаните лица на гостите кои долго аплаудираа, нагласува порталот.

Блиц нагласува дека откако провериле, утврдиле дека „денеска западниот дел на Европа го празнува Денот на таткото“.

- И покрај тоа што се одбележува претежно во католички земји, празникот е многу почитуван и во Грција. Денот на таткото се одбележува во третата недела од месец јуни. Еден од традиционалните подароци за тој празник е вратоврска. На многу места овој моден додаток е симбол на Денот на таткото, пишува Блиц.

Бугарските медиуми исто така ја пренесуваат и пораката на Фејсбук на Борисов кој ги поздрави премиерите на Македонија и Бугарија и напиша дека договорот за спорот за името го отвора патот на Република Македонија кон ЕУ и НАТО. /МИА

Пендаровски ги прими акредитивните писма на новоименуваниот амбасадор на Белорусија

Претседателот Стево Пендаровски денеска ги прими акредитивните писма на Сергеј Малиновски, новоименуваниот амбасадор на Република Белорусија во Македонија, со седиште во Белград.

Претседателот Пендаровски во обраќањето на церемонијата на предавање на акредитивните писма изрази уверување дека врз основа на принципите за демократско владеење, владеење на правото и почитување на фундаменталните права и слободи во иднина ќе се создадат можности за развој на односите и соработката помеѓу Македонија и Белорусија во домените каде што тоа е возможно.

Амбасадорот Сергеј Малиновски во своето обраќање истакна дека Белорусија очекува трговска соработка со Македонија, како и соработка за други прашања на билатерален и мултилатерален план.

Претседателот Пендаровски на амбасадорот Малиновски му посака добро здравје, како и многу успех во извршувањето на неговата одговорна мисија, соопштуваат од кабинетот.

Трендафилов: Половина од јавната администрација нема да добие усогласување со минималната плата

Вработените во здравство, полиција, образование, се само дел од секторите кои во месец април нема да добијат усогласување на нивната со минималанта плата – обвинуваат од Сојузот на синдикати. 

На 8 април излегуваат на протест, од пред зградата на ССМ па се до министерството за здравство, вработените во овој сектор ќе го искажат својот револт од не потпишување на анексот на колективниот договор. Првиот човек на ССМ ги повика сите административци да им се приклучат на протестот.

„Одредени сектори како што е дејноста здравство нема да добијат усогласување на нивните плати со порастот на минималната плата, нема да добијат ниту во дејноста образование, ниту во полиција, и неколку други дејности, каде ниту со колективен договор ниту со закон е предвидено вакво нешто, а протестот на 8 април ќе биде токму бо насока изразување на незадоволстовото од анкесот на потпишувањето на колективниот договор“, изјави Слободан Трендафилов – претседател на ССМ.

Една недела претходно, работниците ќе излезат и на протест за враќање на работничкиот дом. Од пред Врховниот суд ќе побараат преиначување на одлуката.

„Имаат можност а ние во вторник ќе ги охрабриме да ја преиначат срамната пресуда за конфискација на работничкиот дом од работниците и за доделување на државата, на државата не и треба уште една зграда и требаат работници, “изјави Слободан Трендафилов – претседател на ССМ.

Најмалку 450 евра минимална плата во првите 100 дена на новата Влада, враќање платена хранарина и платен превозот за работниците се само дел од барањата, пак кои ќе бидат упатени на големиот традиционален прво мајски работнички протест.

Ѓоргиевски: Од Македонија се бара поврат на 2,2 милиони евра на ЕК злоупотребени преку Еразмус+

Европската канцеларија за борба против измами –ОЛАФ, бара  поврат на 2,2 милиони евра од Македонија злоупотребени преку програмата Еразмус+ во периодот 2016-2018 година.

Европската канцеларија за борба против измами –ОЛАФ, бара поврат на 2,2 милиони евра од Македонија злоупотребени преку програмата Еразмус+ во периодот 2016-2018 година, соопшти на прес-конференција, директорот на националната агенција за европски образовни програми и мобилност, Марко Ѓоргиевски.

Тој вели дека предметот е кај Основното јавно обвинителство за гонење организиран криминал и корупција, но поради предистражната постапка не може да соопшти повеќе детали..

притисни ентер