Државата Њујорк ја тужи фондацијата на Трамп- тој не отстапува

Сојузната држава Њујорк ја тужи фондацијата на Американскиот претседател Доналд Трамп за незаконско работење.

По судски пат Сојузната држава Њујорк бара затворање на хуманитарната фондација на Доналд Трамп , со обвинение дека е ,,празна школка “ , која делува против законот. Главаната обвинителка Барбара Андервуд тврди дека претседателот Трамп ја користел фондацијата за лични цели , како и за ,,нпримерни и распространети политички активности “ , како за време на изборите во 2016 кога токму преку оваа фондација биле собрани 2,6 милиони долари.

,,Како што покажа нашата истрага , Фондацијата Доналд Трамп беше само малку повеќе од чековна книшка за исплата на Трамп и неговите компании за непрофитните здруженија , без оглед на нивната цел или законитост”, соопшти обвинителката.

Обвинението особено се занимава со собирање донации за ветерански организации во Ајова на 28 јануари 2016 , на само неколку дена пред почетокот на кампањата во таа држава . Обвинителката бара десетгодишна забрана за Трамп да биде директор на каква и да било непрофитна организација во Њујорк ,како и едногодишна забрана за неговите деца , Иванка и Ерик Трамп.

Претседателот Трамп на твитер обвинението го нарече смешно и апсурдно. Тој вината ја префрли на досегашниот главен обвинител на Њујорк , Ерик Шнајдерман , кој минатиот месец поднесе срамна оставка под сомнение за физичко злоставување на повеќе жени .

Трамп најави дека нема да се спогодува со обвинителството.

Судот во Франција ја казни државата со десет милиони евра

Највисокото правно тело во Франција денеска ја казни државата со 10 милиони евра, бидејќи не успеала да го подобри квалитетот на воздухот во одредени области на земјата.

Казната доаѓа четири години откако државниот совет, кој служи како правен советник на извршниот и врховниот суд, и наредил на владата да го намали нивото на азотен оксид и честички во повеќе од 10 зони, со цел да се усогласат со европските стандарди.

Во својата одлука, судот наведе дека владата на претседателот Емануел Макрон направила премалку за да го подобри квалитетот на воздухот во одредени зони, дека нивото на штетни гасови во 2020 година е превисоко во Париз и вториот по големина град, Лион.

Спасен манастирот ,,Св Петка" од пламените јазици кај Пехчево

Натчовечките напори на жителите, пожарникарите и сите инволвирани во гаснењето ја спасија од опожарување манастир „Св.Петка” од пожарот кој повеќе од 10 часа беснее во Пехчево.

Моментално ситуацијата е под контрола, а гаснењето продолжува со четири возила кои пристигнаа на припомош од Бугарија. За време на пожарот како што информираат жителите кои цел ден учествуваа во гаснењето комбајните жнееле со цел да се спаси житото и да се спаси родот од пламените јазици.

-За среќа манастирот е спасен, изгасен е на време. Не е доцна за помошта што стигна од Бугарија бидејки има потреба од помош кај Чифлик, Умлена и Робово, бидејки од таму може да префрли многу лесно за Пехчево. Попладне дојде и хеликоптер на Армијата. Гаснеа и пожарникарите, од Шумско стопанство и населението. Се што дојде за помош е добредојдено, вели жител на Пехчево.

Додава дека според негова проценка штетата е катастрофална.

-Штетата е огромна, пределот не е најбогат но доста добар е, има доста борова шума, се е изгорено. Тоа на пладне беа страшни пламени јазици, вели тој.

Паралелно продолжува гаснењето на пожарот кај маалото Пасјак каде едно од вкупно 4 те возила кои пристигнаа како помош се вклучија во гаснење на огнената стихија над селото Нов Истевник.

Истражување: Заразата со корона е три пати помала меѓу вакцинираните

Целосно вакцинираните луѓе во Англија имаа три пати помала веројатност да бидат позитивни на коронавирус отколку невакцинираните, според британското истражување објавено денеска.

Ова е студија на научниците од Кралскиот колеџ во Лондон спроведена на 98.233 тестови за коронавирус помеѓу 24 јуни и 12 јули.

Вкупно 0,63 проценти од тестовите биле позитивни (или 1 на 158), при што процентот на позитивни кај невакцинираните изнесувал 1,21 проценти , а кај целосно вакцинираните 0,4 проценти. Студијата, исто така, посочува дека резултатите покажуваат дека вакцинираните луѓе имаат помала веројатност да го пренесат вирусот отколку невакцинираните, бидејќи количината на вирус во нивното тело е помала.

Сепак, некои британски претставници и научници повикале на претпазливост, откако владата ги олесни сите рестриктивни мерки на 19 јули, вклучително и укинувањето на задолжителното носење маски во одредени затворени простории.

Документ на американската влада протечен минатата недела предупредува дека инфекциите кај целосно вакцинираните луѓе не се толку ретки како што се мислеше и дека вакцинираните луѓе лесно можат да го пренесат вирусот.

Пол Елиот, професор во одделот за јавно здравје на Империјал Колеџот и директор за истражување, рече дека резултатите ги потврдуваат претходните податоци што покажуваат дека двојната доза на вакцината обезбедува добра заштита од инфекција.

„Сепак, ние исто така можеме да видиме дека сеуште постои ризик од инфекција, бидејќи ниту една вакцина не е 100 проценти ефикасна, и знаеме дека некои луѓе со двојна вакцинација сеуште можат да го добијат вирусот“, рече тој.

„Значи, дури и со олеснување на ограничувањата, сепак треба да дејствуваме со претпазливост за да се заштитиме едни со други и да ја спречиме стапката на инфекции“, додаде Елиот.

Бројот на дневни случаи во Велика Британија регистрирани од Министерството за здравство на Обединетото Кралство е намален по олабавувањето на мерките. Овој тренд ги изненади експертите кои предвиделе големо зголемување на бројот на заразени.

притисни ентер