Заев и Димитров непожелни гости кај Иванов

Скандал во вилата Водно. Само две минути траеше средбата Заев - Димитров – Иванов.

Шефот на државата го земал Договорот и без да ги сослуша гостите си заминал....На претседателската фб страна стои дека Иванов ги примил Заев и Димитров, дека средбата траела две минути и дека во текот на денот ќе има обраќање. Министерот за надворешни работи Димитров  во изјава за Дојче Веле вели дека одлуката на Иванов да ја прекине средбата на која требаше да биде информиран за содржината на договорот со Грција нема да го спречи изнаоѓањето на решение за спорот.. 

Во клучни времиња за државата, сите носиме историска одговорност, дадовме се од себе да создадеме можност граѓаните да добијат право на избор, без разлика на политичката цена, спремни сме да ја преземеме одговорноста. Никој нема право да го спречи тој избор, никој нема право да одлучува во името на граѓаните. Ќе не биде... и покрај Иванов,

И Владата со соопштение по утринскиот обид за средба во Вилата.

Премиерот Заев и министерот Димитров имаа конструктивен обид за презенатација и за дискусија на содржината од договорот, но претседателот Иванов го прекина и го напушти состанококот и одби да разговара за придобивките од овој историски договор за македонската иднина.

Владата ги повика сите политички фактори да се обединат околу националнтие приоритети и да дадат поддршка за просперитетот на граѓаните и за влез на Македонија во НАТО и ЕУ.  Според владиниот портпарол Бошњаковски спомениците од Скопје 2014 нема да се рушат туку ќе го добијат епитетот на хеленска култура.

- „Воинот на коњ“ ќе го преименуваме во тоа што вистински е - Александар Македонски и ќе дадеме објаснување во рамки на споменикот за што станува збор односно „Александар Македонски како дел од хеленскиот антички период и како светско културно наследство“, истакна Бошњаковски.

Во меѓувреме лидерот на ВМРО-ДПМНЕ на прес конференција посочи дека ќе се спротивстави со сите демкратски средства на овој договор. Побара оставка од министерот за надворешни работи Димитров...

. Ние ќе живееме со последиците на ова капитулантско дело на Зоран Заев и неговите соработници. Ние ниту имаме право ниту смееме да останеме неми на капитулацијата што деновиве ќе се обидат да ја претстават како победа“, рече Мицкоски.

Мицковски и ВМРО-ДПМНЕ да не кочат и да дадат поддршка за иднидната на земјата и за референдумот.

Решението на спорот што цели 25 години ја влечеше Македонија наназад ги брани врвните државни и национални интереси, го зачувува и го зајакнува македонскиот идентитет еднаш - засекогаш.

Целиот демократски свет, САД, Европската комисија, Европскиот парламент, НАТО, Велика Британија, Австрија, Бугарија, упатува честитки за постигнатиот договор и го поздравува лидерството на двете земји, стои во соопштението на СДСМ...

Протести пред Собранието против договорот со Грција

Голем протестен собир против договорот Грција, се одржува вечерва пред собранието, во организација на иницијативата „Млади за Македонија“.

 За атмосферата и пораките погледнете го јавувањето на Тамара Стојкова од пред Собрание.

Ципрас и Рама в четврток во Брисел треба да потпишат меѓудржавен договор

По завршувањето на преговорите со Македонија, Грција во дипломатска офанзива да ги затвори отворените прашања и со Албанија. 

По завршувањето на преговорите со Македонија, Грција во дипломатска офанзива да ги затвори отворените прашања и со Албанија. Официјална Тирана и Атина го финализирале текстот на спогодбата  помеѓу Албанија и Грција за надминување на билатералните проблеми.. Текстот на спогодбата бил усоласен меѓу министрите за надворешни работи на Албанија и Грција - Козијас и Бушати на островот Родос на маргините на одржувањето на конференцијата за регионална безбедност и стабилнсот. Потпишувањето на овој документ од страна на премиерите на Албанија и Грција Алексис Ципрас и Еди Рама е најавено за време на одржувањето на самитот на ЕУ на 28 и 29 јуни.. Во текстот на спогодбата како што пренесуваат грчките дел од грчките медиуми се регулира прашањето на морската граница меѓу двете држави, опфатено е и укинувањето на законот за воена состојба, правата на грчкото малцинство во Албанија но според дел од албанските медиуми нема ништо за протераните Албанци од северниот дел на Грција за кои грчките претставници секогаш изјавуваат дека тоа прашање за нив не постои. Премиерот на Албанија Еди Рама преговите ги оцени како тешки со нагласени тензии, но неговата влада сакала да ги надмине прашања што создавале тензии меѓу двете земји по соборувањето на комунистичкиот режим во Албанија.

„Инвестиравме за да се создадат стратешки долгорочни односи со Грција. Тоа не беше толку лесно бидејќи во текот на преговорите имаше големи тензии, но не поради тоа што сакавме да ги расипеме односите со Грција, туку да ги поправиме сите односи што беа создадени по промената на системот за на крајот сè да излезе на добар пат“, Еди Рама.

Според детали кои ги објавуваат грчките медиуми Албанија на Грција ќе и одстапи 12 милји од своите територијални води на Јонско Море на чие дно се проценува дека има големи резерви на нафта и гас а Грција пак ќе го поништи законот за војна со Албанија донесен пред околу седумдесетина години.

Поранешниот албански премиер Сали Бериша предвидува драматични настани во регионот ако актуелниот премиер Еди Рама ја потпише спогодбата со Грција за новите граници. Во интервју за тиранската телевизија „Клан“, Бериша изјавил дека ако Рама ја потпише спогодбата тоа може да доведе до балканска војна.

Ова што го подготвува премиерот Рама е нова поделба на албанските простори по што може да се предизвика конфликт . Договорот е на штета на Албанија и значи губење на нови простори по 1913 година. Имаме информации дека спогодбата е катастрофална за Албанија. Текстот е подготвен од страна на Грција која укажала дека нема да преговара- Бериша.

Доколку договорот биде ратификуван во парламентот ќе биде потребен и потпис од Албанскиот претседател Илир Мета кој пак побара подетални информации околу разговорите додавајќи дека кон договорот ќе делува спроед неговите уставни надлежности

Американската „Dura Automotive Systems“ ќе отвори фабрика во Македонија

Американската компанија од автомобилска индустрија „ДУРА Аутомотив Системс“ ќе отвора фабрика во Бунарџик, соопштија од Дирекцијата за Технолошко индустриски развојни зони.

Владата потпиша договор за долготраен закуп на градежно земјиште во ТИРЗ зоната.

Фабриката ќе се простира на површина од околу 16 илјади метри квадратни. Според најавите следното лето се очекува да започне со работа.

Иницијалното производство во Македонија ќе вклучува екстериерни алуминиумски лајсни и кровни носачи за европските производители на автомобили. Потенцијалното проширување би вклучило прототипско производство, дизајнирање и производство на алати и екструзија на алуминиум.

Се очекува да вработи околу 500 луѓе.

Компанијата е глобален снабдувач на оргинални компоненти за најреномираните производители на автомобили ширум светот.

Ова ќе биде нивна 37-ма локација во светот и 16-та во Европа.

Освен оваа за која вчера бил потпишан договорот - Владата неодамна се пофали дека е во разговори со 200 компании, од кои 30тина во завршна фаза на разговор.

Инаку во првиот квартал годинава влезени се 235 милиони евра директни странски инвестиици, што претставуваа најуспешен квартал од било кое тромесечие од последниве 10 години.

притисни ентер