Промовирана книгата „Во четири очи“ на МТФ „Војдан Чернодрински“

 Во рамки на 53. Македонски театарски фестивал „Војдан Чернодрински“ во Прилеп, денеска беше промовирана книгата „Во четири очи“ од новинарот и театарски критичар Борче Грозданов, која содржи интервјуа со истакнати театарски дејци. 

Авторот Грозданов рече дека книгата е создадена во 25-годишната работа на пишување рецензии и преку контактите со многу луѓе од театарската уметност. 

- Во ова дело се сместени интервјуа со Трајче Иваноски и неговата сопруга Лидија Иваноска, кои се живи легенди од Прилепскиот театар, со Петар Темелковски. Дел од доајените веќе не се меѓу нас, како Салаетин Билал и Благоја Спиркоски-Џумерко. Од оние уметници што јас ги нарекувам „странски, а наши“ во книгата се интервјуата со Милена Дравиќ, Мирјана Карановиќ, Мустафа Надаревиќ, Александар Морфов, Паоло Маџели и.т.н. Ова е збирка со доајените на театарот што оставиле неизбришлива трага на овие простори, па и пошироко. Најдоцна за две години планирам и второ продолжение на оваа книга - интервјуа со актери, режисери, сценографи, малку постари и помлади од мојата генерација. Инаку, изборот е сведен на 60-ина, заедно со интервјуата од втората книга од околу 200 интервјуа, што ги имам направено во мојата кариера, рече Грозданов.

Инаку, и шестиот фестивалски ден на 53. Македонски театарски фестивал „Војдан Чернодрински“ вечер на програмата донесува богато театарско доживување за публиката.

Од 19.30 часот на сцената од прилепскиот народен театар „Војдан Чернодрински“ во официјалната програма е првата од двете претстави. Велешкиот театар ќе ја одигра претставата „Тоалет за дами“ од Родолфо Сантана во режија на Деан Дамјановски.

Од 22 часот на сцената од Домот на културата во конкуренцијата за награди е претставата на Драмски театар од Скопје „Лет над кукавичјото гнездо“ од Деејл Васерман и Кен Киси, а во режија на Ристо Алексовски. 

Утре на фестивалската програма е последната претстава од 12-те во официјалната програма и во трка за наградите. Продукцијата „Артропија“ од Скопје на сцената од Прилепскиот народен театар од 19.30 часот ќе ја одигра претставата „Ужегнатост“ од Иван Вискочил во режија на Владимир Милчин.

Прилепската фестивалска публика ќе има убава можност утревечер од 22 часот во Центарот за култура „Марко Цепенков“ да го проследи гостувањето на театарот на Бугарската армија од Софија со претставата „Железниот светилник“ од Димитар Талев во режија на Асен Шопов. 

Паника во авион, во рачен багаж патник носел 20 змии

Анонимен патник предизвика паника во авион кој летал на линија од Германија до Русија. Во неговиот рачен багаж се откриени 20 змии.

Патникот при на екипажот на авионот му изјавил дека змиите ги купил на пазар во Германија.

-Змиите биле спакувани во канистри во неговата торба: Немаше документи за змиите. Од која врста се змиите ќе одредат стручњаци, но неофицијално станува збор за не отровни змии, е наведено во соопштението од прес центарот на интернационалниот аеродром Шереметјево.

Змиите сега се во карантин во Москва, поради тоа што на патникот немал соодветни документи за истите, вклучувајќи и одобрение од ветеринар за пренесување на змиите од Диселдорф во Русија.

Според извештајот, германските аеродромски власти  во Диселдорф истакнале дека немале никаков инцидент при безбедносната проверка и воедно истакнуваат дека внесувањето на змии во авион не е нелегално, но дека е потребно соодветно одобрение за тоа.

Ексклузивно интервју на Мицкоски за Канал 5

Претседателот на ВМРО-ДПМНЕ, Христијан Мицкоски  во ексклузивно интервју за Канал 5 вели  дека нема раскол во најголемата опозициска партија.

Мицкоски говори и за актуелните прашања во однос на референдумот и договорот со Грција.

Со лидерот на најголемата опозициска партија разговараше Мирјана Трпческа. 

Сите душегрижници кои мислат дека во ВМРО-ДПМНЕ  има раскол или недоразбирања од голем размер, се лажат.ВМРО-ДПМНЕ е единствено, вели Мицкоски.

Во видеото погледнете го целото интервју.

Порошенко ја тужи ББЦ за клевета поради напис за средба со Трамп

Украинскиот претседател Петро Порошенко ја тужи британската телевизиска мрежа ББЦ за клевета поради написот во кој се тврди дека Киев платил за средба со американскиот претседател Доналд Трамп.

Во написот објавен во мај, ББЦ наведува дека поранешниот адвокат на Трамп – Мајкл Коен добил меѓу 400.000 и 600.000 од украинскиот претседател за да ја организира првата средба меѓу Порошенко и Трамп во Белата куќа во јуни 2017 година.

Според тој напис, кој се повикува на неименувани украински извори, цел на состанокот било зголемување на влијанието на Киев во Вашингтон, на тој начин што состанокот не би изгледал како куса средба, туку како „вистински разговор“.

Порошенко во тужбата наведува дека текстот е исклучително штетен, не само за неговата функција претседател на држава, туку и за неговата репутација како политичар и претприемач.

Тој бара од британската телевизија да ги демантира тврдењата и да исплати отштета за клевета.

притисни ентер