Повторно убиство на девојче во Германија, осомничен Турчин

Пред само неколку дена на свиреп начин беше убиено девојче во Визбаден.

Во понеделникот со нож е избодено друго девојче, додека возело велосипед во градот Вирсен.

Како што пренесуваат медиумите, убиена е 15 годишната Јулиана Елена додека возела велосипед во градскиот парк. Избодена е со нож повеќе пати. Како што пишуваат германските медиуми, таа била Романка, но засега не е познато дали имала и германско државјанство.

Локалните медиуми известуваат дека девојчето околу пладнето во понеделникот било во паркот во гратчето Вирсен, каде возело велосипед. Избодена е неколку пати со нож, а нејзините повици ги слушнал еден бездомник кој веднаш и притрчал во помош. Наводно, како што пренесуваат медиумите, на германски рекла „Јас умирам“, пред да се струполи целата обвиена во крв.

Набргу е префрлена во локалната болница каде починала.

Неофицијално се дознава дека осомничен за нападот е 25 годишен маж од Турција, кој истиот ден вечерта самиот се појавил во полиција. Медиумите наведуваат дека тој од претходно и е познат на полицијата, но дека засега се уште се испитува неговата поврзаност со убиената девојка. Сведоците на ова свирепо убиство го опишале напаѓачот како машка личност, со северноафикански изглед, со темна коса.

Паника во авион, во рачен багаж патник носел 20 змии

Анонимен патник предизвика паника во авион кој летал на линија од Германија до Русија. Во неговиот рачен багаж се откриени 20 змии.

Патникот при на екипажот на авионот му изјавил дека змиите ги купил на пазар во Германија.

-Змиите биле спакувани во канистри во неговата торба: Немаше документи за змиите. Од која врста се змиите ќе одредат стручњаци, но неофицијално станува збор за не отровни змии, е наведено во соопштението од прес центарот на интернационалниот аеродром Шереметјево.

Змиите сега се во карантин во Москва, поради тоа што на патникот немал соодветни документи за истите, вклучувајќи и одобрение од ветеринар за пренесување на змиите од Диселдорф во Русија.

Според извештајот, германските аеродромски власти  во Диселдорф истакнале дека немале никаков инцидент при безбедносната проверка и воедно истакнуваат дека внесувањето на змии во авион не е нелегално, но дека е потребно соодветно одобрение за тоа.

Ексклузивно интервју на Мицкоски за Канал 5

Претседателот на ВМРО-ДПМНЕ, Христијан Мицкоски  во ексклузивно интервју за Канал 5 вели  дека нема раскол во најголемата опозициска партија.

Мицкоски говори и за актуелните прашања во однос на референдумот и договорот со Грција.

Со лидерот на најголемата опозициска партија разговараше Мирјана Трпческа. 

Сите душегрижници кои мислат дека во ВМРО-ДПМНЕ  има раскол или недоразбирања од голем размер, се лажат.ВМРО-ДПМНЕ е единствено, вели Мицкоски.

Во видеото погледнете го целото интервју.

Порошенко ја тужи ББЦ за клевета поради напис за средба со Трамп

Украинскиот претседател Петро Порошенко ја тужи британската телевизиска мрежа ББЦ за клевета поради написот во кој се тврди дека Киев платил за средба со американскиот претседател Доналд Трамп.

Во написот објавен во мај, ББЦ наведува дека поранешниот адвокат на Трамп – Мајкл Коен добил меѓу 400.000 и 600.000 од украинскиот претседател за да ја организира првата средба меѓу Порошенко и Трамп во Белата куќа во јуни 2017 година.

Според тој напис, кој се повикува на неименувани украински извори, цел на состанокот било зголемување на влијанието на Киев во Вашингтон, на тој начин што состанокот не би изгледал како куса средба, туку како „вистински разговор“.

Порошенко во тужбата наведува дека текстот е исклучително штетен, не само за неговата функција претседател на држава, туку и за неговата репутација како политичар и претприемач.

Тој бара од британската телевизија да ги демантира тврдењата и да исплати отштета за клевета.

притисни ентер