Проекција на „Прашина“ во Кинотека како последен поздрав до доајенот Салаетин Билал

Во Кинотека на Македонија вечер ќе биде прикажан филмот „Прашина“ од Милчо Манчевски како последен поздрав до доајенот на театарското и филмското глумиште Салаетин Билал.

Билал беше театарски, филмски и телевизиски актер кој студирал на Театарскиот конзерваториум во Истанбул, Турција. Во 1964 година станал член на ансамблот на Турската драма при Театарот на народностите во Скопје, а како актер гостува и во проекти изведувани на сцените на Македонскиот народен театар, Драмскиот театар, како и на матичната сцена со ансамблот на Албанската драма.

За своето актерско умеење бил награден како најдобар артист на Театарските игри „Војдан Чернодрински“ во Прилеп во 1976 и 1990 година, а на Театарските игри во 1992 година ја добил награда за најдобра споредна улога. Двапати бил добитник на наградата што ја доделува ревијата „Екран“ - Актер на годината во 1976 и 1977 година. Добитник е и на општествените признанија „13 Ноември“ - награда на градот Скопје за 1977 година, а во 1984-та го доби највисокото републичко признание наградата „11 Октомври“.

Во филмографијата на Салаетин Билал се вбројуваат многу филмски остварувања, но ќе останат запамтени и неговите телевизиски остварувања меѓу кои „Волшебното самарче“, „Итар Пејо“, „Солунски патрдии“, „Македонски народни приказни“./МИА

Матурантите направија хаос во Загреб- 13 приведени (ВИДЕО)

Полицијата приведе 13 матуранти во Загреб, откако направија хаос во центарот на градот.

Освен приведените 13 матуранти , брзата помош интервенирала за 11 од нив , кои биле во алкохолизирана состојба.

Според организаторите , матурантите од 12 до 13 часот денеска требало да се движат по позната маршрута низ центарот на градот , но дел од 5 – те илјади , решија да се забавуваат со капење во градските фонтани , фрлање димни бомби и боја.

Трамвајскиот сообраќај беше во прекин , а полицијата ги предупреди граѓаните денеска да го избегнуваат центарот на Загреб. Полицијата е во потера и по еден матурант , за кого сметаат дека има пиштол.

Шест лица загинаа , откако беа објавени резултатите од изборите во Индонезија (ВИДЕО)

Во бунтот во Индонезија по објавувањето на резултатите на претседателските избори , загинаа најмалку шест лица,a над 200 се повредени.

Во насилните демонстрации во Џакарта , откако беше објавено дека победил претседателот во заминување Џоко Видодо, загинаа најмалку шест лица.

Демонстрациите ги организираа противниците на Видодо , приврзаниците на генералот Прабов Субиант. Полицијата користеше солзавец за да ги растера демонстрантите.

,, Во девет часот наутро (по локално време) имавмед над 200 повредени , кои се однесени во пет болници.” , изјави гувернерот Аниес Басведан за локалните медиуми.

Османи: ИРИ е неповратно вграден во политичкиот и демократскиот развој на земјава

Заменик претседателот на Владата задолжен за европски прашања, Бујар Османи денеска се сретна со директорот на Меѓународниот републикански институт (ИРИ) за Европа, Пол Макарти и директорот на Центарот за глобален импакт при ИРИ, Антонио Гарастазу.

Како што соопштуваат од СЕП, на состанокот биле отворени теми поврзани со можностите за соработка меѓу Секретаријатот за европски прашања и ИРИ, во рамките на иницијативите и портфолиото на активности на Институтот, како што се: управување со граѓанството, борбата против корупција, зајакнување на законодавството, дигиталмната демократија, независни медиуми и пристап до информации, прашања поврзани со миграцијата; младинско јакнење, применети истражувања, и слично.

Османи упатил благодарност до Макарти за континуираната поддршка што Институтот ја обезбедува за нашата држава и нејзините евроатлантски амбиции како и за постигнатиот демократски напредок.

– Како земја имаме огромен напредок во изградбата на стабилна кохезија во општеството, напредок во обезбедувањето стабилност на меѓуетнички план, но и воопшто, во изградбата на политичка зрелост која резултираше со значаен демократски напредок, истакна Османи, информираат од Секретаријатот за европски прашања.

притисни ентер