Оревите имаат широк спектар за лечење на болести, а многу помага за проблемите со тироидната жлезда, грлото, респираторниот систем и бронхитис, но исто така и за зајакнување на имунолошкиот систем.
Народната медицина ја препорачува ореовката за лекување на анемија, како и прва помош за стомачни проблеми и за забрзување на варењето на храната.
Сега е вистинско време за берење на млади, зелени ореви и за правење ликер од ореви или ореовка.
Потребни ви се : 40 млади ореви, 1кг мед, 1 литар ракија.
Подготовка: Ставете ракавици и исецкајте ги младите ореви, ставете ги во поголема стаклена тегла, па над нив, додадете 1 кг мед и 1 литар ракија. Затворете ја теглата со соодветен капак и оставете ја теглата на сонце 40 дена.
Повремено мешајте ја содржината со пластична лажица.
Примена: Секое утро на празен стомак напијте се по една мала чашка ракија од овој ликер.
Ореовката е исклучително богата со јод па затоа е идеален лек за болести на тироидната жлезда. Пред да се послужите со ореовка, малку промешајте ги состојките за да се подигне лековитиот талог. Како аперитив ореовката служете ја со мраз и парче лимон.