Планот 18 по стапките на планот 3-6-9

Само решение за името не може да гарантира сигурен датум за почеток на преговорите за членство во ЕУ. 

За сите, па и за власта веќе е јасно дека без компромис со Грција дефинитивно не добиваме датум, но исто така, со решение, но без реформи, препораката од Советот на Европа ќе “виси во воздух”.

Вице премиерот Бујар Османи денес кажа дека е готова драфт верзијата на новиот владин реформски план наречен “18” кој практично ќе биде продолжение на фамозниот 3-6-9. И тука, реформите во судството, владеењето на правот, јавната администрација, слободата на медиумите и реформите во безбедносните служби ќе бидат во фокусот.

Според Османи потребно е да им се покаже на европските земји дека Македонија длабоко се реформира и дека заслижува еден ден да биде дел од унијата.

Според познавачите на процесите потребно е реформите да продпжат и интензивираат во областите кои се означени и од владата како приоритетни. За Симонида Кацарска од Институтот за Европски политики, важен е и квалитетот,а не само брзината со кои ќе се носат реформските закони..

Како и да е, предупрадувањето во форма на нон пејпер, позади кој се потпишаа две моќни земји членки на ЕУ, Франција и Холандија, со кој се бара или предлага, да не се брза со отворањето на преговорите со Македонија бидејќи земјава се уште не била подготвена за тоа, е доволно силен сигнал за владата дека реформите не смеат да се одлагаат или да служат за политички пазар со опозицијата. Уште повеќе што тие во основа имаат функција на граѓаните да им го направат по поднослив животот во Македонија.

Кремљ вели дека самитот за Украина дал „нула“ резултати

Кремљ денеска соопшти дека меѓународниот мировен самит за Украина, предводен од Киев, дал - „нула“ резултати.

-Ако зборуваме за резултатите од таа средба, тогаш тие се сведуваат на нула, нагласи портпаролот на Кремљ, Дмитриј Песков.

Самитот, на кој присуствуваа над 100 претставници на земји и меѓународни организации се одржа во швајцарскиот град Бургеншток и имаше за цел да ги истражи начините за постигнување мир во Украина. /МИА

Сестрата што изнесуваше цитостатици од Онкологија доби 2 години затвор

На казната се жалело Обвинителството, но Апелација ја потврдила.

29 годишната медицинска сестра од клиниката за Онкологија Амела Османовиќ е осудена на казна затвор од две години, затоа што од клиниката во три наврати, во три различни денови, изнела ампули меѓу кои и цитостатици наменети за пациентите со карцином, објави „Слободен печат“..

Османовиќ е осудена во отсуство. Како сопатничка таа излегла од земјава на граничниот премин Табановце уште пред да почнат судењата, па од тогаш, не им е достапна на органите на прогонот и нема почнато да ја издржува затворската казна.

На казната се жалело Обвинителството, но Апелација ја потврдила.

Случајот кој се водеше против 29-годишната медицинска сестра не е поврзан со големата истрага за злоупотреба на биолошката терапија на клиниката, а каде што Јавното обвинителство сомничи 5 лица меѓу кои и четворица доктори.

ЕУ ги продолжи санкциите воведени поради руската анексија на Крим за уште една година

 Советот на ЕУ денеска донесе одлука за продолжување на санкциите воведени како одговор на илегалната анексија на Крим и градот Севастопол од страна на Русија до 23 јуни 2025 година, јави дописникот на МИА од Брисел. 

Рестриктивни мерки кон Русија во врска со анексијата првпат беа воведени во јуни 2014 година и тие вклучуваат забрани за увоз во ЕУ на производи кои потекнуваат од Крим или Севастопол, како и за инфраструктурни или финансиски инвестиции и туристички услуги на овие територии.

Понатаму, со санкциите се забранува извоз на одредени стоки и технологии од ЕУ за Крим, кои би можеле да се користат во транспортниот, телекомуникацискиот и енергетскиот сектор или за истражување и производство на нафта, гас и минерални ресурси.

- ЕУ не ја признава и натаму ја осудува илегалната анексија на Крим и Севастопол од страна на Руската Федерација како кршење на меѓународното право. Од 2022 година, Русија дополнително го нарушува суверенитетот и територијалниот интегритет на Украина со нејзината неиспровоцирана и неоправдана агресивна војна против Украина. ЕУ останува цврста во својата посветеност на независноста, суверенитетот и територијалниот интегритет на Украина во рамките на нејзините меѓународно признати граници и нејзиното вродено право на самоодбрана од руската агресија и посветена на целосно спроведување на нејзината политика за непризнавање, се додава во соопштението на Советот. /МИА

притисни ентер