Пушачите се помрзливи и депресивни

Бразилски научници откриле дека пушачите се помалку физички активни и страдаат од недостаток на мотивација. Тие се и посклони на анксиозност или депресија.

Испитани се 60 пушачи и 50 непушачи, кои требало да носат педометар најмалку 12 часа на ден во текот на 6 дена.

Резултатите покажуваат дека пушачите оделе помалку секој ден, а функцијата на белите дробови им е намалена. Тоа значи дека тие се понеспособни да вршат физички вежби.

Пушачите сами признаваат дека се чувствуваат уморни и немаат мотивација за промена на начинот на живот.

„Колку што знаеме, ова е прво истражување од ваков вид, што покажува пад на нивото на физичка активност во секојдневниот живот на возрасни пушачи во споредба со непушачите. Освен намалената функција на белите дробови, квалитетот на животот и симптомите на анксиозност и депресија, пушачите се движат помалку во секојдневниот живот “, вели раководителот на истражувањето д-р Карина Фурлането.

Претходното истражување покажува дека пушачите спијат помалку  и се одмораат помалку за време на спиењето во споредба со непушачите.

17% од пушачите спијат помалку од 6 часа во текот на ноќта, а 28% признаваат дека сонот им е немирен. За споредба – само 7% од непушачите спијат помалку од 6 часа во текот на ноќта, а 19% го дефинираат сонот како немирен.

Ѕвездата во Кан ги шокира сите со скок во студеното море (ФОТО)

Австралиската актерка Маргот Роби (28) деновиве престојува во Кан , каде учествуваше на промоцијата на најновиот филм на Квентин Тарантино , во кој има една од главните улоги.

Маргот во филмот ,,Беше еднаш во Холивуд”  ја игра улогата на актерката Шерон Тејт , која беше убиена на почетокот на минатиот век во Холивуд. Таа глуми заедно со Бред Пит и Леонардо ди Каприо.

За околу два месеца филмот ќе почне да се прикажува во кино салите . Таа вчера реши да се опушти од обврските и да се фрли во Лигуриското Море на Азурниот брег.

Во едноделен костум за капење убавата Австралијка скокна на глава во морето , иако температурата изнесувала само 16 степени.

Се појавија првите фотографии од новата Корса

Иако новата Корса беше најваѓниот проект на Опел , смената на сопственоста на компанијата , ја одложи премиерата.

Новата Корса ќе биде премиерно претставена на почетокот на идниот месец , а сега може да се видат фотографиите објавени на социјалните мрежи по грешка на еден медиум.

Новиот сопственик на Опел , француската групација на Пежо , ја диктира и платформата на Корсата , која ќе биде поставена на ПСА каква што има Пежо 208.

Сличноста со овој модел се гледа и во опремата на Корса , особено на кокпитот , каде таблата на инфотеинментот е истата како на автомобилите на Пежо.

Ќе се произведува во стандардна дизел и бензиска изведба , но ќе има и електрична верзија на Корса. Моделот ќе почне да се продава од 2020 година.

Американците прават супесоничен авион – од Њујорк до Лондон за 90 минути (ВИДЕО)

Американска стартап компанија планира да произведе авион што ќе лета со брзина пет пати поголема од брзината на звукот и за 90 минути ќе го помине растојанието меѓу Њујорк и Лондон.

Воздухопловната компанија Hermeus Corporation со седиште во Атланта соопшти дека од приватни инвеститори добила доволно пари за производство на овој вид авион.

Доколку проектот биде успешен , би можел да значи револуција во воздушниот сообраќај. Сега патувањето од Њујорк до Лондон трае седум часа.

Меѓу основачите на оваа компанија се поранешни вработени во компанијата на Елон Маск , Space X , како и во вселенската компанија на Милијардерот Џеф Безос, Blue Origin. Од компанијата велат дека ќе бидат потребни десетина години за да се реализира овој проект.

притисни ентер