Леброн: Седми натпревар - најдобрите два збора во спортот

Леброн Џејмс вели дека нема да го промени пристапот во седмиот, одлучувачки натпревар од финалето на Источната конференција против Бостон.

„Кралот“ изминатава ноќ одигра уште еден спектакуларен меч, откако постигна 46 поени, 11 скока и девет асистенции и три украдени топки, со што ја израмни финалната серија на 3:3 против Бостон.

- Самиот факт дека ќе играме седми натпревар е одличен сам по себе. Повторно, како што веќе претходно истакнав, седми натпревар - најдобрите два збора во спортот, рече Леброн веднаш по триумфот.

Домаќините уште во петтата минута од дуелот во Охајо го изгубија Кевин Лав, кој мораше да ја напушти играта откако се удри со Џејсон Тејтум, додека сите во салата буквално се „замрзнаа“, кога по завршувањето на средбата Лери Ненс Џуниор силно влета во нозете на Леброн.

- Искрено, не го видов Лери, откри Џејмс, кој веднаш стана, ги врза врвките од патиките, а потоа даде две последователни тројки за потврда на победата.

- Не би го пропуштил решавачкиот меч, тоа не е опција, заклучи најдобриот играч на денешницата, кој на теренот помина 46 минути.

Седмиот натпревар е закажан за недела во 02:30 часот во Масачусетс. /МИА

Захарова: Русија нема да учествува на конференцијата за Украина

Русија нема намера да учествува на конференцијата за Украина, чија можност ја спомена украинскиот министер за надворешни работи Дмитриј Кулеба, изјави денеска портпаролката на руското Министерство за надворешни работи Марија Захарова.

Претходно Кулеба изјави дека преговорите со Русија за решавање на вооружениот конфликт со Украина би можеле да се одржат меѓу првиот и вториот самит за „формулата за мир“ на украинскиот претседател Володимир Зеленски.

„Русија нема намера да учествува на таква конференција. Формулата на Зеленски не е ништо друго освен алхемија“, истакна Захарова.

Андоновски: „Нула корупција“ во јавните набавки

 Дополнителниот заменик министер за информатичко општество и администрација, Стефан Андоновски, денеска беше во посета на Струмица каде имаше средби со приватни компании од ИТ секторот и локалната администрација.

- Од она што можев да го забележам од досега реализираните средби e распространетото ниво на корупција, особено во јавните набавки и начинот на кој што се распоредуваат и трошат народните пари во Општина Струмица, начинот на кој што сe набавуваат потребни материјали за Општината, но и пошироко. Централната власт покажа колку е закоравена корупцијата. Затоа предлагаме „Нула корупција" преку интеграција и дигитализација на сите регистри, изјави Андоновски.

Посочи дека преку оваа мерка ќе се превенира корупцијата преку системот на јавни набавки, преку потекло на имот и дали некои луѓе се поврзани со проектите и на кој начин ќе ги добијат тендерите.

-Регистарот ќе ги спречи злоупотребите поврзани со лицата вклучени во јавните набавки во поглед на нивната подготовка и евалуација, но и учеството во истите од страна на компаниите кои конкурираат. Овој систем ќе послужи и во процесот на проверка на потеклото на имот. Ќе формираме сектор во рамките на Бирото за јавни набавки задолжен за контрола на критериумите за економски најповолна понуда и за спречување на манипулации во процесот на јавните набавки, додаде Андоновски.

Топлотен бран од Африка пристигнува во Македонија

На Македонија во наредниве денови и се заканува екстремно топло време со летни температури над 30 степени, нешто што е невообичајно за овој дел од годинината.

Долнително песочен облак од Сахара, кој веќе прави проблеми во соседна Грција ќе дојде и во земјава. На оваа тема ја вклучуваме Мирјана Мирчевска – Јовановиќ.

Што велат метеоролозите, кога пристигнува топлото време?

Целосниот извештај погледнете го во видеото.

притисни ентер