Монпелје прва пречка за Вардар во одбраната на европската титула

Македонскиот ракометен шампион, Вардар ја започнува својата битка за одбрана на европската титула освоена во минатата сезона со меч во полуфиналето против француски Монпелје.

Вардар е само вториот европски шампион после Кил, што откако ја освоил титулата, следната година играл на Ф4 и не бил елиминиран во претходните фази. Но, ниту еден тим досега не ја одбранил титулата, па тимот на Раул Гонзалес имаат шанса да влезат во историјата.

„Црвено-црните“ и Монпелје во Лигата на шампионите досега одиграле две средби. „Црвено-црните“ во сезоната 2014/2015 како гостин во Франција ремизираше со 34-34, а на ревашот во Скопје Французите беа поразени со 30:36.

Тренерот на европскиот шампион, Раул Гонзалес смета дека Монпелје се опасен противник и очекува тежок натпревар.

- Немаме притисок и треба да уживаме како што тоа го направивме лани. Не мислам за ништо освен за полуфиналето. Монпелје е опасен противник. Треба добро да се подготвиме, бидејќи знаеме дека ќе биде тешко, а на крај ќе видиме кој ќе игра во финале. Сега за сега размислувам за Монпелје, вели Раул.

Бекот на вардарци, Лука Циндриќ, пак, изјави дека се подготвени за дуелот и дека се надева дека ќе стигнат до финалето.

- Притисокот е голем, но едвај чекаме сѐ да почне. Подготвени сме и се надевам дека можеме да стигнеме до крајот. Работевме напорно и верувам дека токму овој викенд ќе бидеме најдобри. Психички и физички сме подготвени во сите 60 минути да се бориме во полуфиналето. Монпелје покажа дека е одличен тим. Играат брз ракомет, имаат одлична транзиција, опасни се еден на еден. Одбраната е клуч на нашата игра, изјави Циндриќ.

За актуелниот состав на Вардар ова е последна шанса за големо достигнување, откако по крајот на сезоната голем дел од играчите ќе си заминат. Од тимот официјално заминување најавија Штербик, Циндриќ, Македа, Кањељас, Марсениќ, Абутовиќ, како и тренерот, Раул Гонзалес.

Натпреварот ќе се игра во „Ланксес Арена“ во Келн, од 18 часот.

Претходно во 15:15 часот е вториот полуфинален двобој, во кој ќе се соочат ПСЖ и Нант на нашиот Кире Лазаров. /МИА

На 22 годишна возраст се пензионира светската и олимписка пливачка шампионка

Олимписката и светска шампионка во пливање , Литванката , Рута Мелутитие , која лани призна дека страда од депресија , денеска објави дека заминува во пензија.

,,Подготвена сум да ортворам ново поглавје во животот. Им балгодарам на сите кои ме поддржаа на тој пат.” , објави спортистката во соопштението и објасни дека сака да студира и да ужива во едноставните работи , да се запознае подобро себеси и светот.

Таа на 15 годишна возраст доби златен олимписки медал на Олимпијадата во Лондон на 100 метри градно , а следната година злато и на Светското првенство во Барселона во истата дисциплина.

Но , минатата година Рута , која е од Каунас , призна дека боледува од депресија.

Ѓоковиќ: Не сум Федерер, не знам што тој сака

Во финалето на Мастерсот во Рим , Надал го победи Ѓоковиќ и најави дека е во форма пред Ролан Гарос.

Се уште се зборува за условите во Рим и дека тенисерите настапувале во тешки услови. Поради дождот , некои играчи морале да играат и по два натпревара дневно. Во текот на турнирот новинарите го прашаа Ѓоковиќ што би направил ако треба како Федерер да игра по два натпревара во еден ден. На тоа Ноле им одоговори:

,, Јас не сум Федерер , така што не можам да одговорам на тоа прашање. Не знам што нему повеќе му се допаѓа и што сака. Лично сакам да го почнам турнирот порано , на пример во вторник. Бидејќи играв во финалето на турнирот во Мадрид , логично е што ме ставија во среда.” , рече Ѓоковиќ и додаде во врска со временските услови.

,,Несреќа е кога цел ден на турнир имате дожд. Некогаш знае да врне од утро до мрак , па има многу компликации . Можеби да се направи носителите да играат во вторник. Но се е под можеби.”, заврши Ѓоковиќ.

Борусија купи германски репрезентативец за 27 милиони евра

Нико Шулц е новиот играч на Борусуја од Дортмунд , потврди денеска германскиот вицешампион.

Левото крило на германската репрезентација стигна од Хофенхаим за 27 милиони евра и потпиша договор до 2024 година.

Шулц во септември минатата година дебитираше за германската репрезентација , а до својата 26. година има играно за Херта, Борусија Менхенгладбах и Хофенхаим.

За Хофенхаим има одиграно 71 натпревар , постигнал 4 гола и 13 асистенции .

притисни ентер