ТВ Дуел: Заев:Македонија е на вистинскиот пат; Мицкоски: Не гледаме ништо друго освен лоши проекти и разочарување

Премиерот Зоран Заев на ТВ дуел на националниот сервис со лидерот на опозициската ВМРО-ДПМНЕ Христијан Мицкоски.

Македонија конечно после 11 години зачмаеност е на вистинскиот пат кон стратешките определби-ЕУ и НАТО, а тоа го потврдуваат и сите извештаи за земјата истакна во своите завршни зборови премиерот Зоран Заев на вечерашаниот ТВ дуел на националниот сервис со лидерот на опозициската ВМРО-ДПМНЕ Христијан Мицкоски.

Според него, стабилноста на економијата веќе ги дава своите резултати и ќе продолжи да ги дава, а граѓаните, рече, се тие кои треба да ги почувствуваат економските резултати.

- Јас сум убеден дека периодот пред нас тоа ќе го потврди затоа што како мала земја со мал пазар ние можеме преку пријателство, преку отворање нови пазари зголемување на извозот, на севкупните инвестиции, зголемување на БДП тогаш да очекуваме граѓаните да почувствуваат од оваа работа.Во периодот што е пред нас ние како левичари очекуваме граѓаните да видат и фер општество за сите. Најавувам време во кое што ќе има праведно оданочување каде што побогатите ќе плаќаат повеќе, а посиромашните дел помалку, каде што токму со тие пари ќе се помогне на социјално најзагрозените преку социјалната помш, преку бесплатното болничко лекување, каде вистински ќе градиме социјално општество какво што доликува на една нормална земја, каква што Република Македонија конечно е, порача Заев.

Лидерот на опозицијата Мицкоски, пак, ги повика граѓаните, кои како што рече, се разочарани од актуелната власт, да им се придружат со цел што поскоро да организираат избори на кои ВМРО-ДПМНЕ ќе победи и ќе ја формира новата влада.

- Освен неуспешни проекти и реформи во образованието, во судството, и во економијата ние неможеме ништо друго да видиме. Упатувам порака до граѓаните да не се разочаруваат од ова што ни се случува. ВМРО е тука, работиме на дневна основа, на новата програма, новото утро што ќе донесе подобар живот и Македонија на крајот ќе победи, рече Мицкоски.

Во текот на дебатата премиерот Заев истакна дека економските реформи се клучни и ги даваат резултатите, а според Мицкоски дека економските параметри на Владата не гарантираат подобар живот за граѓаните.

- Затекнавме заробена држава и комплетно урнисана економија и работници со минимални плати од 9.000 денари со згазени рботнички права и целосно контролирани синдикати. До крајот на 2019 година ќе се остварат нашите ветувања за просечна плата од 500 евра, а во тоа ни помага зголемувањето на минималната плата на 12.000 денари што веќе почна да дава резултати предизвика пораст на просечната плата за 5,6 отсто, порача премиерот Заев.

Тој посочи дека преку воведувањето на евтината дневна тарифа на струјата веќе на граѓаните им се вратени околу 11 милиони евра, а со укинувањето на радиодифузната такса 12,4 милиони евра.

- Најсериозниот пораст на плати ќе се случи ако има инвестиции во државата, а инвестиции се случуваат заради Програмата за економски раст и политиките на Владата. Резултатите во Македонија се гледаат и верувам дека сето тоа ќе придонесе до крајот на 2019 година да се постигне плата од 30.000 денари, рече Заев.

Нагласи дека во моментов се преговара со 200 потенцијални инвеститори и додаде дека изедначувањето на условите за домашните и странските инветитори ќе проидонесе повеќе домашно инвеститори да се одлучат да инветираат во земјава, а тоа, како што кажа, се сигурни инвестиции бидејќи тука ќе останат.

На тоа Мицкоски му одговори дека за да имаат граѓаните просечна плата од 500 евра дури и да има редовни парламентарни избори во 2020 година, ќе треба да има номинален пораст на платите на вработените за 11 отсто годишно и додаде дека јавно објавените показатели на сајтот на Министерството за финансии, покажуваат дека годинава ќе има номинален раст на платите од четири отсто, а реален од 2,3 отсто.

Потенцира дека растот во 2017 година бил нула отсто, иако првично бил проектиран на 2,6 отсто со ребалансот, па потоа крајот на ноември нивелиран на 1,6 отсто. Тој изрази сомнеж дека за годинава ќе се оствари планираниот раст од 3,2 отсто.

- Верувајте и на Светска банка и ММФ кои се скептици дека растот во 2018 година ќе биде 3,2 отсто. Едните го намалија на 2,8, а другите на 2,2 отсто, потенцира Мицкоски.

Заев одговори дека недостатокот на проекти е причината за лошата реализација на капиталните инвестиции во првиот квартал од годинава кога се реализирани само 7,4 отсто или 30 милиони евра од планираните 400 милиони евра.

Мицкоски нагласи дека на почетокот на 2017 година, кога, како што рече, тврдите дека имало заробена држва, реализацијата на капиталните инвестиции беше 25 отсто, а сега, додаде, е само 7,4 отсто.

- Затекнавме искривоколчени проекти како за автопатот Кичево-Охрид којшто ден денеска не можеме да го решиме. Работевме цела зима на проекти. Продолжуваме чесно да работиме и резултатите ќе дојдат и од крајот на мај ќе почне засилена реализација на капиталните проекти, одговори Заев и обвини дека претходната власт само трчала по провизии и воопшто не водела сметка за проектите.

Најави дека се ревидира и проектот за изградба на автопатот кон Блаце и додаде дека до крајот на годинава ќе биде пуштен автопатот Миладиновци-Штип, а во 2021 Кичево-Охрид.

- Во Мкедонија почнаа да се градат 800 километри патишта за што алоциравме 270 милиони евра. Дополнително, првата фаза на железничката пруга кон Бугарија, која беше застаната, со вкупна вредност од 120 милиони евра не само што ја рестартиравме, туку сега почнува и втората фаза со вкупна вредност од 140 милиони евра од кои 70 милиони се грант. Третата фаза во вредност од 360 милиони евра веќе ја отвораме со грант од 60 милиони евра од ЕУ. Продолжува и гасфикацијата. Тука се најголемите капитални инвестиции на државата, рече Заев.

Посочи дека немало ни еден готов проект за училиште и градинка и додаде дека сега се изработени проекти за детски градинки во вредност од 14 милиони евра и за повеќе од 30 милиони евра за училишта и веќе почнуваа тендерските постапки. Додаде дека веќе има и готови проекти за канализација во вредност од 100 милиони евра.

- Севкупните политики на држвата се водат во вистински правец. Македонија создаде перформанси од 1 јануари 2019 година да се зголеми социјалната помош од сегашните 4.200 на 11.500 денари. Ќе има пари и за 100.000 денари за специјалистите преку чесните политики што ги води Владата и внимателните економски политики што ќе испорачаат резултати, потенцира Заев.

Полицајци добиле повик на гробишта- таму затекнале жена, која ги „замрзнала“ (ВИДЕО)

Гратчето Лулес, во аргентинската провинција Тукуман, го „потресе“ необичен настан кој е снимен пред неколку дена.

Полициската патрола добила дојава дека „непознато лице ноќе се шета во близина на гробиштата“, па решиле да проверат за што се работи. Видеото од интервенцијата се појави на мрежите и започна дебата за постоењето на паранормалниот свет.

Кога пристигнале на гробиштата, полицајците затекнале непозната жена со долга црна коса како бесцелно одела, облечена во „излитена“ облека.

„Таа не сакаше да комуницира со нашите полицајци. Испушташе чудни звуци и во еден момент клекна пред нив“, соопштија властите.

Жената продолжила да си зборува, а потоа почнала да вреска. Таа потоа тргнала во правец на локалниот каменолом, пишува Мендоза пост.

Медиумите објавија дека полицијата на крајот успеала да воспостави комуникација со жената која наводно рекла дека „го бара синот“.

Локалните власти остануваат цврсто затворени за информаци додека не заврши истрагата. Во исто време, локалните гробишта во Лулес се најдоа во центарот на вниманието на корисниците на социјалните мрежи.

Како што можете да замислите мислењата се поделени.

Додека некои веруваат дека се работи за дух, или некаков вид привидение, други се прашуваат од кога духовите имаат сенка и заклучуваат дека на жената ѝ е потребна медицинска или психијатриска помош.

Тамара починала додека 12 часа чекала доктор да ја прегледа во Итната помош во Британија

Тамара Дејвис (31) починала откако 12 часа била оставена во инвалидска количка во болницата во Сасекс во Велика Британија каде таа и нејзиното семејство биле сведоци на сцени „налик на војна“.

Семејството жената која починала откако поминала 12 часа на болничка количка рече дека одделението изгледало како „сцена од воена зона“. Тврдат дека 30 пациенти со видливи повреди лежеле на носилки и во ходниците.

„Таму беше апсолутен масакр. Беше како медицинска воена зона. Имаше 30 луѓе на колички кои чекаа соодветен третман и повеќе луѓе на подот и седиштата. Беше тотален хаос“, рече мајката на Тамара.

Вечерта на 10 декември 2022 година, Тамара Дејвис била однесена со автомобил во болницата во округот Сасекс откако се пожалила на тешкотии со дишењето.

На рочиштето на истражниот суд во Брајтон Сити беше кажано дека нејзиниот партнер, Рафаел Ифил, направил пет очајнички повици на 999 за да се обиде да добие брза помош. Кога тие не одговориле, тој го натерал својот брат да ја вози Тамара до болницата во округот Сасекс.

"Раф не можеше да добие брза помош. Помина два часа обидувајќи се да добие. Пет пати се јави и не ги доби", додала мајката.

Веднаш била испратена во област каде ѝ дале кислород пред да ја однесат до ходникот каде што чекала повеќе од 10 часа. Нејзината уништена помлада сестра Мија (25), која веднаш дошла во болница за да биде со неа, рече дека персоналот едноставно заборавил на нејзината сестра.

„Требаше да се грижат за неа, но едноставно заборавија на неа и таа остана свиткана во количка во ходникот. Се чувствувавме беспомошни. Беше лудо. Тие ѝ дадоа антибиотици, но потоа не успеаја да ѝ дадат уште една доза, иако тоа го напишаа во нејзините белешки. Подоцна беше пречкртано, но нема објаснување зошто и нема иницијали до пречкртаниот запис. Се чинеше дека имало моменти кога сестра ми ја третирале како товар. Ниту една медицинска сестра, лекар или вратар не ја погледна“, рече Мија.

Состојбата на Тамара продолжила да се влошува и на крајот била примена на интензивна нега каде што била ставена на респиратор, но починала три дена подоцна на 13 декември поради сепса и нејзините органи постепено откажуваа.

Со скршено срце изјави дека Тамара „колабрирала“ во болница и починала по „одвратното“ лекување во болницата Сасекс. Велат дека нејзината смрт можела да биде спречена доколку добиела соодветна нега во Итната помош и дека не успеале да ја лекуваат во болница.

„Никогаш не сум почувствувала како ми се крши срцето како кога ми рекоа дека сестра ми нема да се опорави. Тоа беше како последователна мисла. Таа беше оставена, речиси заборавена. Третманот со сестра ми беше ужасен. Никој не дојде да провери. Никој не застана да праша дали имаме сè што ни е потребно или дали ѝ е удобно. Срцето ми се крши кога знам дека нејзината смрт можеше да се спречи ако ја добиеше грижата и вниманието што ѝ требаше.“

Смртта ќе биде предмет на целосна истрага откако Џоан Ендрјус, судски вештак за Западен Сасекс, Брајтон и Хов, рече дека има причина да се сомнева дека нејзината смрт е „неприродна“.

По краткото сослушување, семејството рече дека сака објаснување зошто лекарите „не“ и пружиле соодветна грижа.

"Сакам одговори. Апсолутно е одвратно што не успеаја да се грижат за неа како што треба. Поразително е да се знае дека ако ја завршеа својата работа, таа ќе беше тука", рекла мајката.

„Разговаравме директно со семејството на Тамара за да изразиме сочувство“, рече д-р Енди Хипс, главен оперативен директор во Универзитетските болници Сасекс NHS Foundation Trust.

„Не можам јавно да зборувам за грижата за Тамара, но генерално кажано, нема сомнеж дека нашиот персонал понекогаш мора да работи под голем притисок, во тешки околности, но тие секогаш ќе дадат сѐ од себе за да обезбедат грижа, сочувство и достоинство на своите пациенти. “ додаде докторот.

Истрагата ќе продолжи и прелиминарниот датум со последните информации е 28 јуни.

Леонардо ДиКаприо со девојка, која носи прстен на левата рака- ќе се смири ли вечниот ерген?

Познато е дека Леонардо ди Каприо ја прекинува врската штом неговата партнерка наполни 25 години, но се чини дека 25-годишната Италијанка Виторија Черети успеа да му го улови срцето.

Познато е дека Леонардо ди Каприо ја прекинува врската штом неговата партнерка наполни 25 години, но се чини дека 25-годишната Италијанка Виторија Черети успеа да му го улови срцето, а поради новите фотографии фановите се убедени дека холивудскиот ерген би можел наскоро застанете пред олтар.

Актерот и манекенката беа фотографирани на средба во Беверли Хилс, каде што се почестија со бурито во киоск за брза храна на улица.

Вниманието го украде новиот прстен на левата рака, по што веднаш почнаа да кружат гласини за свршувачката на парот кои се заедно девет месеци.

Инаку, Виторија е успешна манекенка. Таа носеше ревии за брендовите Chloé, Paco Rabanne, Alexander McQueen, Ralph Lauren, Alexander Wang, Versace, Roberto Cavalli, Dolce & Gabbana, Armani, Prada, Marc Jacobs, Michael Kors, Bottega Veneta, Tom Ford, Tommy Hilfiger...

Во 2020 година, таа се омажила за Матео Милери, италијански диџеј. Не е познато дека парот се развел, а манекенката се уште има заеднички фотографии со сопругот на Инстаграм, па многумина се прашуваат дали Ди Каприо е причината поради која нивниот брак завршил.

притисни ентер