Бригадниот генерал Арсоски нов командант на Здружената оперативна команда

Во касарната „Боро Менков“ во Куманово, со примопредавање на военото знаме на командата, должноста командант на Здружената оперативна команда (ЗОК) официјално ја презеде бригадниот генерал Павле Арсоски.

Арсоски доаѓа на местото на досегашниот командант, генерал мајор Зоран Милески, кој заминува на местото директор на ГШ на АРМ.

На свеченоста по повод примопредавањето на функцијата присуствуваше и заменик началникот на ГШ на АРМ генерал мајор Азим Нуредин, кој во својот говор му оддаде признание за досегашната посветеност и работа на генерал мајор Милески, а на новопоставениот  командант Арсоски му посака успешно завршување на задачите на оваа команда.

Генерал мајор Милески со своето обраќање ги потенцираше досега извршените задачи, меѓу кои и учествата и организациите на бројни национални и меѓународни настани, вежби, оценувања. Тој ги повика припадниците на АРМ како и досега максимално да се залагаат во извршување на задачите и му посака успех на новоназначениот командант на ЗОК.

Новопоставениот командант Арсоски потсети на значењето на АРМ, на нејзините достигнувања и укажа дека постојано мора да се вложува во човечкиот потенцијал. 

- Чест, но и одговорност е да се предводи најголемата воена структура во рамките на Армијата. Од мене како командант, можете да очекувате јасен систем на вредности и јасни предуслови за успех во работата. Очекувајте правично вреднување на трудот и успехот. Особено ќе се цени придржувањето на нормите од етичкиот кодекс и високите морални особини, рече Арсоски.

Бригадниот генерал Арсоски е роден во Гостивар. Завршил високо образование на Воената академија во Белград, јазична обука во Германија, постдипломски студии во Воената академија во Скопје. Се школувал во Европскиот центар за безбедносни студии во Германија, докторант е на Институтот за национална историја на УКИМ. Автор е на бројни трудови, коавтор е на уредбата за знак на припадност на АРМ и нејзината доработката. Во својата кариера ги има поминато сите должности, а последната му беше заменик на командантот на ЗОК. 

Османи: ИРИ е неповратно вграден во политичкиот и демократскиот развој на земјава

Заменик претседателот на Владата задолжен за европски прашања, Бујар Османи денеска се сретна со директорот на Меѓународниот републикански институт (ИРИ) за Европа, Пол Макарти и директорот на Центарот за глобален импакт при ИРИ, Антонио Гарастазу.

Како што соопштуваат од СЕП, на состанокот биле отворени теми поврзани со можностите за соработка меѓу Секретаријатот за европски прашања и ИРИ, во рамките на иницијативите и портфолиото на активности на Институтот, како што се: управување со граѓанството, борбата против корупција, зајакнување на законодавството, дигиталмната демократија, независни медиуми и пристап до информации, прашања поврзани со миграцијата; младинско јакнење, применети истражувања, и слично.

Османи упатил благодарност до Макарти за континуираната поддршка што Институтот ја обезбедува за нашата држава и нејзините евроатлантски амбиции како и за постигнатиот демократски напредок.

– Како земја имаме огромен напредок во изградбата на стабилна кохезија во општеството, напредок во обезбедувањето стабилност на меѓуетнички план, но и воопшто, во изградбата на политичка зрелост која резултираше со значаен демократски напредок, истакна Османи, информираат од Секретаријатот за европски прашања.

Светот се стресе поради новата подводна ерупција , од која настана огромен вулкан

Во ноември минатата година научниците забележале исклучително чуден потрес со необични фреквенции , што почнале од островот Мајоте во Индискиот океан , а потоа се раширил низ целиот свет.

На научниците им требало неколку месеци за да утврдат од што настанал чудниот силен земјотрес што ја потресол целата земјина топка. Според резултатите од истражувањето , потресот бил предизвикан од голема подводна вулканска ерупција.

Геолозите отпатувале на местото каде што бил епицентарот на сеизмичката активност и таму нашле огромен активен вулкан , што се издигнувал на 800 метри од морското дно и има дијаметар од 5 километри.

Најголемо изненадување бил фактот што само пред шест месеци таму немало никаков вулкан.  Од таму научниците сметаат дека земјотресот бил резултат на ,,раѓање “ на новиот огромен вулкан. Земјотресот бил регистриран на 11 ноември , а сеизмолошките бранови траеле дваесетина минути.

Островот Мајоте се наоѓа меѓу Мадагаскар и Мозамбик. Сеизмолошките бранови биле регистрирани во целиот свет, од Нов Зеланд до Канада, а подрачјето околу островот Мајоте не е сеизмички активно.

Борисов и Ципрас го означија почетокот на изградбата на интерконекторот за гас меѓу Грција и Бугарија (ВИДЕО)

Бугарскиот премиер Бојко Борисов откако го пречека својот грчки колега Ципрас го извози во џип, до местото каде што е планирано да помине интерконекторот за природен гас меѓу Грција и Бугарија.

 Во јужниот дел на соседна Бугарија, во селото Кирково денеска двајцата премиери ќе го означат почетокот на изградбата на интерконекторот меѓу двете земји.

Извори за грчката новинска агенција АНА-МПА изјавиле дека Грција работи на сите инфраструктурни проекти, кои ќе обезбедат услови за безбедно енергетско снабдување во Југоисточна Европа и Источниот Медитеран и ги спомнуваат гасоводите ТАП и Ист-Мед, како проекти што „ја зајакнуваат енергетската безбедност во регионот, како и економската и геополитичката улога на Грција“.

притисни ентер