Здравје

Знаете ли што се случува во вашето тело ако не сте доволно наспани?

Во продолжение прочитајте што се случува во вашето тело ако не се наспиете доволно.

Се намалува либидото – Количината на хормоните кои ја поттикнуваат сексуалната желба за 15 проценти е помала кај луѓето кои дневно спијат помалку од 5 часа.

Склони сте кон болести – Недостатокот на сон влијае и на имунитетот. Поточно ја намалува способноста на реакција и одговор на инфекции. Поради тоа ненаспаните луѓе први ги “собираат” сите бактерии или вируси, а потоа им треба многу повеќе време за да се опорават.

Раздразливи стe – Делот од мозокот кој е задолжен за размислување и логично заклучување обично е во баланс со делот од мозокот кој ги контролира емоциите како стравот, лутината, анкциозноста. Така што доколку сте недоволно наспани тоа ќе резултира со појава на страв, раздразливост, лутина.

Ќе возите лошо – Не само што недоволното спиење го загрозува вашето здравје, туку може да влијае и на животот на другите луѓе. Според истражувањата, ненаспаноста ве прави невнимателни и ја нарушува можноста за квалитетно извршување комплексни функции, меѓу кои е и возењето. Нашите реакции се забавени, а со тоа и можноста за лоша и бавна реакција при возењето. Неверојатен е податокот дека недостатокот на сон ги успорува нашите реакции во иста мера како и алкохолот.

Се дебелеете – Бидејќи сте будни – посегнувате по храна. А недоволно одмореното тело нема доволно енергија да ја вари брзо храната, па вие се дебелеете. Затоа, обидете се да спиете барем по седум часа навечер – време препорачано за сите возрасни лица. Тоа ќе ви ја подобри работата на организмот, а вас ќе ве направи порасположени.

Мозокот работи послабо – Недостатокот на сон го намалува дотокот на крв во мозокот, а со тоа се забавува функцијата на размислување. Всушност, кога не сте наспани, не можете да размислувате и резонирате брзо.

Не можете да помните – Истражувањата покажале дека спиењето ги засилува врските помеѓу нервите кои го контролираат помнењето и помагаат во процесот во кој новата информација станува сеќавање. Недостатокот на сон го попречува процесот на помнење.

Свет

Израел нема да преземе одговорност за синоќешниот напад врз Иран, објави „Џерузалем пост“.

Израел нема да преземе одговорност за нападот синоќа врз објект во централниот дел на Иран, објави израелскиот весник „Џерусалем пост“.

Извори од израелската служба за безбедност и од Владата на Израел за весникот рекоа дека причините за тоа се „стратешки“.

Весникот ги цитира зборовите на своите извори: „Око за око, заб за заб. Израел одговори таму, од каде беше нападнат“.

Според извори на весникот, Иран говори за „експлозија во фабрика“, а не за ракетен напад, бидејќи сака да избегне ескалација на тензиите. За доушниците на „Џерусалем пост“ не е јасно зошто Пентагон им открил на американските медиуми дека Израел бил вмешан во нападот - според нив, од САД можеле да молчат, со што би го зачувале достоинството на Иран, а и самите Американци ќе избегнат ескалација на тензиите.

Во информацијата на „Џерусалим пост“ се вели дека во следните 24 часа премиерот на Израел и Бенјамин Нетанјаху, целото раководство од областа на безбедноста и дипломатијата биле во воената база „Кирја“ во Тел Авив, каде договарале дејствија со партнерите од регионот Јордан, Египет и Саудиска Арабија.

Весникот пишува дека земјите од регионот објавиле пред Израел дека доколку Иран нападне, тие се подготвени да помогнат. Според информациите на „Џерусалем пост“, Израел ги информирал САД за нападот. /МИА

Македонија

РСБСП: Да придонесеме за поголема безбедност на децата во сообраќајот

Децата се една од најранливите категории учесници во сообраќајот.

Токму затоа неопходно е да се вложат заеднички напори за унапредување на нивната безбедност во сообраќајот. Треба да се има предвид дека тие се рамноправни учесници во сообраќајот на патиштата и да се посвети особено внимание на нивната едукација од областа на сообраќајните правила и прописи. Неопходноста за помош и едукација од возрасните посебно е изразена кај децата од помала возраст. Затоа Републичкиот совет за безбедност на сообраќајот на патиштата советува:

· запознајте ги децата со сообраќајните правила и прописи,

· разговарајте со децата за нивното однесување во сообраќајот и за правилноста на постапките, укажете им како можат да ги намалат или избегнат ризиците по нивната безбедност во сообраќајот,

· укажете им на децата дека коловозот треба да се преминува само на обележан пешачки премин,

· помалите деца во сообраќајот треба да се движат држејќи за раката возрасен,

· децата во сообраќајот треба да се сконцентрирани (а не да користат мобилни телефони или слушалки) за да можат навремено и правилно да реагираат,

· пред да го преминат коловозот децата треба да застанат, да погледнат лево и десно, па дури откако ќе се уверат дека сите возила запреле и дека е безбедно, може да исчекорат за да преминат,

· укажете им на децата дека не е безбедно да се движат на паркинг за возила или да го преминуваат коловозот помеѓу две паркирани возила затоа што можеби возачите нема да можат да ги забележат,

· вклучете ги децата во одлучувањето кога и каде е безбедно да се преминува коловозот,

· препорачливо е децата да носат светла облека или облека со рефлектирачки делови за да бидат повидливи во сообраќајот,

· бидете пример за совесно и одговорно однесување во сообраќајот затоа што децата најчесто учат т.е. земаат пример од однесувањето на другите.

Заеднички да придонесеме за поголема безбедност на децата во сообраќајот на патиштата.

РСБСП