Заев : Поддршката од ПЕС е од исклучително значење

Претседателот на Владата и Претседател на Социјалдемократскиот сојуз на Македонија Зоран Заев денеска учествуваше во работата на состанокот на лидери на партии и шефови на влади на Партијата на европските социјалисти ,што се одржа во Софија.

На Самитот на ПЕС, на кој учествуваа и премиерот на Грција и Претседател на Сириза Алексис Ципрас, премиерот на Португалија и Претседател на Социјалистичката партија на оваа земја Антонио Коста, Удо Булман, пратеникот во Европскиот Парламент од редовите на Социјалдемократската партија на СР Германија, Џозеф Мускат, Претседател на Лабуристичката партија и премиер на Малта, и Корнелија Нинова, Претседател на Социјалистичката партија, Претседателот на ПЕС и поранешен премиер Сергеј Станишев,  посебно го поздрави присуството на премиерите на Република Македонија и на Република Грција, Зоран Заев и Алексис Ципрас.

Премиерот Заев, кој беше поканет прв да зборува на Самитот на ПЕС, изрази благодарност за поддршката што доаѓа од лево ориентираните партии членки на ПЕС за Република Македонија, особено во делот на ЕУ и НАТО интеграциите, се наведува во соопштението на СДСМ.

На состанокот едногласно беше потврдено дека Република Македонија има силна поддршка од сите партии членки на ПЕС. Тие ветија внимание и ангажман за да се унапредат перспективите на Република Македонија.

Партиите членки на ПЕС кои имаат свои претставници во највисоките институции на ЕУ ќе му предложат на Европскиот Совет на ЕУ во јуни да определи датум за старт на преговори со Република Македонија.

Мексико ги отвори границите за жените и децата – мигранти (ВИДЕО)

Илјадници мигранти од Хондурас и Гватемала се заглавени на јужната Мексиканска граница , каде полицијата ги спречуваше да влезат со солзавец.

Мексиканскиот амбасадор во Гватемала , Луис Мануел Лопез изјави дека мигрантите, жени и деца ,  биле регистрирани и ќе бидат пренесени во прифатни центри во централниот дел на земјата , во Тапачули.

Претседателот на САД , Доналд Трамп им се закани на мексиканските власти дека ќеја затвори границата , доколку земјата не се справи со илјадниците учесници во мигрантскиот марш од неколку земји од Јужна Америка.

Некои од мигрантите, со часови заглавени на мост меѓу Гватемала и Мексико скокаа , од мостот висок неколку десетици емтри во реката , за да допливаат во Мексико.

Таму се надеваат да добијат статус азил , по што можат да се пријават за бегалски статус во САД.

На протестот во Лондон против Брегзит 700 илјади, на контрапротестот 1200 (ВИДЕО)

Организаторите на протестот против излегувањето на Британија од ЕУ , соопштија дека во Лондон се собрале 700 000 демонстранти. На контрапротестот во Јоркшир , каде протестираа еуроскептиците , имаше 1 200 лица.

Маршот под иницијатива People's Vote го предводеа млади луѓе , кои немале можност да гласаат во 2016 , кога Британија на референдум се изјасни дека сака да излезе од Европската Унија. Пратениците од поголемите партии го подрржаа барањето на Британците за нов референдум , кој веќе е отфрлен од премиерката Тереза Меј.

Маршот се одржа во исто време со демонстрациите во Јоркшир , каде се изрази поддршка на излезот на Британија од ЕУ . Собиропт се одржа од иницијативата Leave means leave, која сака што побргу земјата да излезе од унијата.

На референдумит , 51, 8 проценти од Британците сакаа да излезат од ЕУ . Денеска овој процент е во корист на оние кои сакаат да останат. За излез од ЕУ и реферндумскиот резултат пресудни беа гласовите на Англија и на Велс. Т

огаш Шкотска со 62 проценти беше против излезот на земјата од Унијата , како и Северна Ирска , каде 55,8 проценти беа против Брегзитот.

Младите Британци денеска побараа нов реферндум , свесни дека ќе немаат можност за градење кариера , доколку Британија се одвои од ЕУ.

Поради сообраќајка затворен патот Крива Паланка – граничен премин Деве Баир

Магистралниот пат Крива Паланка – граничен премин Деве Баир е затворен за сообраќај поради сообраќајна несреќа меѓу две возила која се случила во местото викано Самоков, информираат од полицијата.

Од полицијата информираат дека досега нема пријавено повредени лица во сообраќајната несреќа.

Во тек е увид на сообраќајната полиција. Сообраќајот е затворен од 19.45 часот. 

притисни ентер