ФБИ помогна во апсењето на Српски хакер

Американското Федерално биро и помогна на српската полиција во апсењето на членот на меѓународната хакерска група ,, Врховен господар на темнината“.

Припадниците на српското МВР учествуваа во акцијата на ФБИ против членовите на хакерската група ,, Врховен господар на темнината “. Цел на акцијата бил да се открие лицето кое на црниот интернет се криело под името ,, The Dark Overlord” и успеал да влезе во банкарските сметки и податоците на најмалку 50 лица. Краделе лични податоци , а потоа им се заканувале на оштетените дека ќе ги објават информациите , доколку не им остават одредена сума пари на сметка.

Барале исплата исклучиво во виртуелна валута , во биткоини , а се смета дека до сега осомничениот добил од жртвите над 275 000 долари.

Полицијата идентификувала 38 годишен Белграѓанец , како припадник на хакерската група под името The Dark Overlord", кој е приведен и против него ќе биде покренато обвинение за неовластено крадење лични податоци  и изнуда .

Една недела жалост поради смртта на Анан

Претседателот на Гана, Нана Акуфо Адо од понеделник прогласи еднонеделна жалост по смртта на поранешниот Генерален секретар на Обединетите нации , Кофи Анан.

,, Тој во исклулителна мерка со својата положба , слава и однос во светот, придонесе за угледот на нашата земја.” , с енаведува во соопштението од претседателскиот кабинет. Знамињата ќе бидат на половина копје во целата држава.

Анан беше на чело на  Обединетите нации од 1997 до 2006 година , а за хуманитарната работа , заедно со ОН е добитник на Нобеловата награда во 2001.

Лидерите од целиот свет до семејството на Анан и до Обединетите нации упатија пораки со сочуство . 

Повредени полицајци во насилниот неонацистички марш во Берлин

Околу 500 неонацисти маршираа денеска по улиците на Берлин , на годишнината од смртта на нацистот Рудолф Хес.

Најмалку еден полицаец е повреден кога околу 500 активисти со извиците ,,Надвор нацисти !” се судрија со ист толкав број неонацисти , кои ја одбележуваа годишнината на нацистичкиот офицер и помошник на Хитлер.

Радикалните десничари , облечени во црвено и бело , носеа нацистички знамиња со кукаст крст.

Тие носеа трснспаренти со напис,, Не жалам за ништо”. Активистите ги гаѓале со шишиња и камења неонацистите , по што настанал хаос и морале да реагираат над 2400 полицајци.

Средба Меркел – Путин : Енергетиката е клучна за соработката на двете земји

Русија му дава големо значење на взаемно корисната соработка со Германија во областа на енергетиката , изјави претседателот Владимир Путин пред средбата со германската канцеларка Ангела Меркел.

Рускиот претседател Владимир Путин ја даде изјавата во замокот Мезенберг ,  резиденцијална палата на германската Влада , каде ќе се сретне со канцеларката Ангела Меркел.

Двајцата лидери разговараат во опуштена атмосфера на 70 километри од Берлин за тешки прашања. Русија е подготвена да соработува за решавање на проблемот со Украина рече Путин пред почетокот на средбата на која ќе се разговара и за состојбата во Сирија , како и за енергетиката и санкциите на земјите од ЕУ кон Русија.

притисни ентер